مەن ياقتۇرىدىغان تەسۋىرى كۇپلىتلار

قارلىق تاغ شەجەرىسى ناملىق شېئىرنىڭ مۇقەددىمە قىسمىدىن پارچە


كۈن تاغقا چاپلاشتى چاچرىتىپ شەپەق ،

قىزىل لاك سۈركىدى لىۋىگە ئۇپۇق.

بۇغدانىڭ ئالدىدا شۇدەم بولدى تەق،

ئالمىرۇق ،ھالۋايى ، سەبدەرەڭ يوپۇق.

نەقىسمەت چەكمىگەن قارلىق تاغ -دىيار،

ئەزىمەت پەرزەنىتلەر قىسمىتىسىمان .

ئۇنىڭدا مىڭ - مىڭ يىل ھېكايىتى بار،

ھەر ئۆركەش مىسالى بىر قىسسە داستان .

ئوغۇزخان، ئۇرۇمقان ، ئايچۈرەك -ماناس،

سۇغارغان خاكىڭنى تۆكۈپ ئىللىق قان.

قانچىلىك تەڭرىقۇت ، تېكىنلەر قىقاس -

كۆتۈرگەن جەڭلەرگە سەن شاھىت ماكان .

نۇزۇگۇم ، گۈلەمخان قىسقىسى سەندە ،

سەرگەردان مەشرەپكە سەن بولغان پاناھ ،

سەن ماڭا ئىشتىياق سالغان نىكەمدە ،

قارلىق تاغ ئۆزۈڭسەن ئىلھامغا دەرگاھ .


- ئابدۇشۈكۈر مۇھەممەد ئىمىن

=============================
مەن ياقتۇرغان كىنايىلەرنىڭ بىرى:

ياسىن زىلالنىڭ‹‹ئىككى ئەخمەق›› ناملىق شېئىرىدىن پارچە




مېنى بىرى دەپتۇ : « مېنىڭ ئادىمىم ،
ئىللا - بىللا يىرالمايدۇ سۆزۈمنى .
قولۇمدىدۇر ھامان ئۇنىڭ تىزگىنى ،
باش چايقىسا كۆرسىتىمەن ئۆزۈمنى . »

كۈلۈپ كەتتىم بۇ ئەخمەقنىڭ سۆزىگە ،
دەپ تاشلىدىم : «ۋايجان ! يىتىم قوۋۇرغام .»
غەزىپىمدە قۇيقا چىچىم تىك تۇردى ،
تىغ يىگەندەك بولدى ھەتتا ئۇمۇرۇتقام .

- ياسىن زىلال
=============================

ھايات دېگەن مۇشۇنداق بولىدۇ.

چىدىساڭ ياشا

بۇ دۇنيا بىرگە- بىر چىدىساڭ ياشا ،
قەلبىڭدە نۇمۇس بىلەن پەسلىك ئىلىشار .
شاھ ، تەخت بىرگە - بىر ، پۇل بىلەن بەندە ،
شۆھرەتكە دائىما ھەسەت چاپلىشار ،
بۇ دۇنيا بىرگە - بىر چىدىساڭ ياشا .
بۇ دۇنيا بىرگە - بىر چىدىساڭ ياشا ،
يىقىلساڭ يۆلىمەيمەن ئۆزۈڭدە گۇناھ ،
ئالتۇن بول ، تۇپراق بول ، سەن ئۆزۈڭ دۇنيا .
قايغۇرۇش ، ئۆكۈنۈش ، پايدىسىز «ئاھ - ۋاھ »
بۇ دۇنيا بىرگە - بىر چىدىساڭ ياشا .

- ئابلەت ئابدۇللا
=============================


ۋاقىت چىقىرىپ بالاڭلارنى ئەگەشتۈرۈپ يىزىلارنى كۆرۈپ كىلىڭلار. بالىلار مامىكاپنىمۇ كۆرۈپ باقسۇن.

مامكاپ
(پارچە)

« م » ھەرىپى مۈشۈك رەڭگىدە ،
« ئا » ھەرىپى ئاپئاق ئايدەك .
« م » ھەرىپى مۇڭلۇق ، مۇلايىم
« ك » ھەرىپى كەڭ ، كۆپكۆك جايدەك .
« ئا » ھەرىپى ئايالنىڭ تېنىمۇ توزغان ؟
« پ » ھەرىپى پىلىلدار «پىنھان» قىزنىڭ كۆزىدەك .

ئېرىق بويىدا مامكاپ ،
جىمجىت ئويىدا مامكاپ .
كىيىۋاپتۇ ئاق كۆڭلەك ،
كىمنىڭ تويىدا مامكاپ .

-ئادىل تۇنىياز

=============================


بۆشۈك دېگەن ئەڭ ئىسىل نەرسە، بوۋاقلىقمىزنى ئەسلىيەلىگەن بولساق، ئەشۇ بۆشۈك لەززىتىنى ھېس قىلالىغان بولار ئىدۇق.

«تاڭ بۆشۈكىدە»
( پارچە)

قايتا تۇغۇلدۇم تاڭ بىلەن
تاڭ بۆشۈكىگە بۆلۈنۈپ ،
كۈلدۈم
شەبنەم قۇچقان چېچەكتەك
شەپەق دۇنياسىغا چۆمۈلۈپ .

- ئابدۇشۈكۈر مۇھەممەدئىمىن

=============================


قانچىلىك ۋاقىتلار بولغىنى تازا ئىسىمدە يوق. بىر ۋاقىتلاردا بەتلىرى يىرتىلىپ كەتكەن بىر كىتابچىدا مۇشۇ قۇرلانى كۆرگەن ئىدىم.
ئاپتۇرىنىڭ كىم ئىكەنلىكىنمۇ بىلمەيمەن.

ئىلىم دەۋرىم كۈتەر سەندىن تىرىشچان بول ، قالاق بولما ،
بەخت ئىقبال كۈلەر شۇندىن ھۈنەر - پەندىن يىراق بولما .
ئىلىملىك بول ، ئەدەپلىك ، سەمىمىي ھەمدە راستچىل بول ،
بىلىم ئال ، ئىقتىدارلىق بول ، قۇرۇق نام يالتىراق بولما .
ئىلىڭ ئۆستۈردى چوڭ قىلدى ، ھايات بەردى قانات بەردى ،
زىيانلىق ئىش قىلىپ ئەلگە نۇمۇسسىز كور تاماق بولما .
يامان ئىش ھەممە يەردە »ئۇر چاشقاننى ئۇر » بولسۇن ،
ۋەتەن ئىقبالىغا كۆيسەڭ «يامانغا يان تاياق بولما».

=============================


بىر - ئىككى كۈن ئاۋۋال بىر Blog دا ئۇچرىتىپ قالغان ئىدىم. بىر كۆرۈپلا ھازىرقى ھاياتلىقتىكى كىشىلىك مۇناسىۋەت كارتىنىلىرى كۆزئالدىمغا كەلدى.

(ئاپتۇرى: نامەلۇم)

يامغۇر ياغسا بولىۋالدىڭ ئىگىسى،
چاقماق چاقسا قېچىۋەردىڭ، قېچىۋەر.
ئۈلپىتىم دەپ تېپىۋېلىپ ياۋاشنى،
دولىسىغا ئۇرۇۋەردىڭ، ئۇرۇۋەر.

=============================


2006- يىلى يىل بىشى بولسا كىرەك. بازاردا بىر كىتاب يايمىسىدا، كىتاب كۆرىۋىتىپ، مۇشۇ شېئىرنى ئۇچرىتىپ قالغان ئىدىم.

ئۆلۈم ئالدىدا ٭

ئاقارغان يۈز ، قىيىلغان قاش ، قۇيۇلغان ياش ،
كېسىلگەن باش ، چۇۋۇلغان چاچ ، تۆكۈلگەن قان .
تىتىلغان تەن ، تۈگۈلگەن مۇشت ، كىرىشكەن چىش ،
پۈتمەس غەزەپ ئىزى بولۇپ چىقتى بۇ جان .
- ئەنۋەر ناسىرى

٭شائىر بۇ شېئىرنى 1944- يىلى ۋاپات بولۇش ئالدىدا يازغان .

=============================


غىرىبلىق ھەققىدە ئارتۇق گەپ قىلغىم يوق.

غىرىبلىق
(پارچە)

غازاڭلار تۆكىلەمدۇ تۆكۈلگەنمىدۇ؟
دەرەخلەر مېنىڭدەك يالغۇز قالامدۇ؟
ھاياتنىڭ مەن سالغان چېغىر يولىدا
مەن ئۆزۈم ماڭمىسام ئادەم ماڭامدۇ؟

- ئادىل تۇنىياز

=============================



نۇرغۇن ئىشلارنى ئويلىماي دىسىمۇ ئامال يوق، ئويلاپ سالىدىكەن. ھەي ھايات ....

سۆزلىسەم ئازاپتۇر، سۆزلىمىسەم غەم،
يارىدەك ئەسلىتەر، ئويلىمىسام ھەم.

=============================



ﺑﯘﻻﻗﯟﯦﺸﻰ ﻛﻮﭼﯩﺴﻰ
(ﺋﺎﺩﯨﻞ ﺗﯘﻧﯩﻴﺎﺯ)

ﻗﯘﻳﺎﺷﻨﯩﯔ ﺋﺎﺭﻗﺎ ﻛﻮﭼﯩﺴﻰ
ﻧﯘﺭ ،
ﻻﻱ ﺗﺎﻣﻼﺭﻧﯩﯔ ﻳﯧﺮﯨﻘﯩﺪﯨﻜﻰ .
ﻛﯘﺭﺳﯩﺪﺍ ﺋﻮﻟﺘﯘﺭﻏﺎﻥ ﭼﺎ ﺳﺎﻗﺎﻝ ﺋﯘﻳﻐﯘﺭ
ﺋﯚﺗﻜﻪﻥ ﻗﯩﺰﻻﺭﻏﺎ ﻗﻮﻳﯩﺪﯗ ﻗﺎﺭﺍﭖ .
ﺳﯘﻳﯘﻗﻼﻧﻐﺎﻥ ﻧﯧﺮﯞﯨﻼﺭ
ﻧﻪﭼﭽﻪ ﻳﯜﺯ ﻳﯩﻞ ﻏﯧﺮﯨﺒﻠﯩﻘﻘﺘﺎ
ﺋﯘﻳﯘﭖ ﻗﺎﻟﺪﯨﻢ ﺋﺎﺳﺘﺎ - ﺋﺎﺳﺘﺎ .

ﻗﺎﺳﺴﺎﭖ ﭘﯩﭽﯩﻘﯩﻨﻰ ﺳﯜﺭﺗﯘﭖ ﺑﻮﻟﯘﭖ
ﻗﺎﺭﺍﭖ ﻗﻮﻳﺪﻯ ﻗﺎﻥ ﻳﯘﻗﻰ ﺑﺎﺷﻘﺎ .

ﺋﻪﺧﻠﻪﺕ ﺋﯜﺳﺘﯩﺪﻩ
ﺗﺎﺟﻰ ﺳﺎﻟﭙﺎﻳﻐﺎﻥ ﺧﻮﺭﺍﺯ
ﭘﯘﺗﻠﯩﺮﻯ ﺑﯩﻠﻪﻥ ﺋﯧﻠﯩﺸﺘﯘﺭﻣﺎﻗﺘﺎ
ﺋﺎﻕ ، ﻗﺎﺭﺍ ، ﻛﯚﻙ ، ﻗﯩﺰﯨﻞ ﺭﻩﯕﻠﻪﺭﻧﻰ .

ﺋﯧﻠﯩﺸﯩﭗ ﻛﻪﺗﺘﻰ ﺑﯩﺮﺩﯨﻨﻼ ﻣﺎﯕﺎ
ﺋﯚﺗﻤﯜﺵ ﺑﯩﻠﻪﻥ ﺋﯘﺷﺒﯘﺩﻩﻡ ﺋﺎﯕﺎ .

ﺑﯩﺮ ﺑﯘﻻﻕ
ﺗﯘﺭﯨﺪﯗ ﻛﻮﭼﯩﺪﺍ ﺑﯘﻟﺪﯗﻗﻼﭖ
ﯞﺍﻗﺘﻰ ﺑﺎﺷﻘﺎ ﯞﺍﻗﯩﺘﺘﯘﺭ ﺑﯩﺮﺍﻕ .


تۈگىدى.