ﻣﻪﺩﻩﻧﯩﻴﻪﺕ ﺋﯧﯖﯩﻨﯩﯔ ﻳﺎﺗﻠﯩﺸﯩﺸﻰ

ﻣﻪﺩﻩﻧﯩﻴﻪﺕ ﺋﯧﯖﯩﻨﯩﯔ ﻳﺎﺗﻠﯩﺸﯩﺸﻰ

ﺋﺎﺑﺪﯗﻗﺎﺩﯨﺮ ﺟﺎﻻﻟﯩﺪﯨﻦ

ﺗﯩﻨﯩﻤﺴﯩﺰ ﺋﯩﺠﺘﯩﻤﺎﺋﯩﻲ ﻏﻮﯞﻏﺎﻻﺭ ﻛﯚﭖ ﮬﺎﻟﻼﺭﺩﺍ ﺑﯩﺰﻧﯩﯔ ﺩﯨﻘﻘﯩﺘﯩﻤﯩﺰﻧﻰ ﺗﺎﺭﯨﺨﺸﯘﻧﺎﺳﻠﯩﻖ، ﺟﻪﻣﺌﯩﻴﻪﺗﺸﯘﻧﺎﺳﻠﯩﻖ ﻣﻪﺳﯩﻠﯩﻠﯩﺮﯨﮕﻪ ﺳﯚﺭﻩﻳﺪﯗ، ﺑﯘ ﻣﻪﺳﯩﻠﯩﻠﻪﺭ ﭘﯘﺭﻗﯩﺮﺍﭖ ﻗﺎﻳﻨﺎﭖ ﺗﯘﺭﻏﺎﻥ ﻗﯧﻠﯩﻦ ﺋﯩﺲ - ﺗﯜﺗﻪﻛﻠﻪﺭ ﺗﻪﺭﯨﻘﯩﺴﯩﺪﻩ ﺋﯩﻨﺴﺎﻥ ﺑﯩﻠﻪﻥ ﺗﻪﺑﯩﺌﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﺑﺎﻻﻧﯩﺴﻨﻰ ﻏﯘﯞﺍﻻﺷﺘﯘﺭﯗﭖ ﺗﯘﺭﯨﺪﯗ. ﺷﯘﻧﯩﯔ ﺑﯩﻠﻪﻥ ﺑﯩﺰ ﺋﺎﺷﯘ ﺋﯧﻜﻮﻟﻮﮔﯩﻴﯩﻠﯩﻚ ﺑﺎﻻﻧﯩﺲ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﻣﻪﺩﻩﻧﯩﻴﻪﺗﻨﯩﯔ ﮔﯜﺯﻩﻝ ﺳﯜﺑﮭﯩﻠﯩﺮﯨﻨﻰ، ﺋﻪﭘﺴﺎﻧﻪ ﯞﻩ ﺷﯧﺌﯩﺮﻻﺭﻧﻰ، ﺋﺎﯞﺍﺯﺳﯩﺰ ﻣﯘﺯﯨﻜﯩﻼﺭﻧﻰ ﺋﻮﭼﯘﻕ ﻛﯚﺭﻩﻟﻪﻳﻤﯩﺰ ﻳﺎﻛﻰ ﻧﻪﺯﻩﺭﺩﯨﻦ ﺳﺎﻗﯩﺖ ﻗﯩﻠﯩﯟﯦﺘﯩﻤﯩﺰ. ﺑﯩﺰ ﺗﻪﺑﯩﺌﻪﺗﺘﯩﻦ ﺋﯩﺒﺎﺭﻩﺕ ﺑﯘ ﻏﯘﺑﺎﺭﺳﯩﺰ ﮔﯜﻟﻨﻰ ﭘﺮﺍﮔﻤﺎﺗﯩﺰﻣﻠﯩﻖ ﻣﻪﻧﭙﻪﺋﻪﺕ ﻧﯘﻗﺘﯩﺴﯩﺪﯨﻦ ﺋﯜﺯﯛﯞﺍﺗﻘﯩﻨﯩﻤﯩﺰﺩﺍ، ﺋﯘﻧﯩﯔ ﺋﯩﻨﺴﺎﻥ ﻏﺎﻳﯩﻠﯩﺮﯨﻨﯩﯔ ﭘﻪﺭﯞﯨﺸﻜﺎﺭﻯ ﺳﯜﭘﯩﺘﯩﺪﯨﻜﻰ ﺳﯜﺯﯛﻙ ﺷﻪﺑﻨﻪﻣﻠﯩﺮﻯ ﺗﯚﻛﯜﻟﯜﭖ ﻛﻪﺗﻜﻪﻥ ﺑﻮﻟﯩﺪﯗ. ﺳﺎﻧﺎﺋﻪﺗﻨﯩﯔ ﻧﯧﺮﯞﯨﻨﻰ ﻗﻮﭼﯘﯞﯦﺘﯩﺪﯨﻐﺎﻥ ﺋﺎﯞﺍﺯﻟﯩﺮﻯ ﺗﯜﭘﻪﻳﻠﯩﺪﯨﻦ ﺟﯜﺩﻩﭖ ﻛﯧﺘﯩﯟﺍﺗﻘﺎﻥ ﺳﻪﻧﺌﻪﺕ ﺋﯩﻼﮬﻰ ﺋﯧﺴﺘﯧﺘﯩﻜﯩﻨﯩﯔ ﻛﯜﻧﺴﯧﺮﻯ ﭼﯚﻟﻠﯩﺸﯩﭗ ﻛﯧﺘﯩﯟﺍﺗﻘﺎﻥ ﺭﻩﺳﺘﯩﻠﯩﺮﯨﺪﻩ ﺋﯘﻧﺘﯘﻟﻐﺎﻥ ﺷﻪﺑﻨﻪﻣﻠﻪﺭﻧﻰ ﻛﯚﺗﯜﺭﯛﭖ ﻳﯜﺭﻣﻪﻛﺘﻪ. ﻗﯧﺮﯨﺴﯩﻤﯘ ﺑﺎﻻ ﭘﯧﺘﻰ ﻗﯧﺮﯨﻴﺪﯨﻐﺎﻥ ﺷﺎﺋﯩﺮﻻﺭ ﯞﻩ ﺳﻪﻧﺌﻪﺗﻜﺎﺭﻻﺭﻧﯩﯔ ﻗﯘﻳﺎﺷﻰ ﮬﻪﺭ ﻛﯜﺯ ﺋﺎﺷﯘ ﻛﯩﭽﯩﻜﻜﯩﻨﻪ ﺷﻪﺑﻨﻪﻣﺪﯨﻦ ﻛﯚﺗﯜﺭﯛﻟﯩﺪﯗ.

ﺗﻪﺑﯩﺌﻪﺕ ﺑﯩﻠﻪﻥ ﺋﺎﺩﻩﻡ ﻣﻪﺩﻩﻧﯩﻴﻪﺕ ﺑﺎﻻﻧﯩﺴﯩﻨﯩﯔ ﺋﯩﻜﻜﻰ ﺗﻪﺭﯨﭙﯩﺪﻩ ﺑﯩﺮ - ﺑﯩﺮﯨﻨﻰ ﺗﻮﻟﯘﻗﻼﻳﺪﯗ ﮬﻪﻡ ﺋﯩﺰﺍﮬﻼﻳﺪﯗ ﻳﺎﻛﻰ ﺑﯩﺮ - ﺑﯩﺮﯨﮕﻪ ﺋﺎﻏﯩﺪﯗ. ﺋﺎﺩﻩﻡ ﺋﯚﺯﯨﻨﯩﯔ ﻣﻪﻧﯩﺴﻰ ﯞﻩ ﻳﯜﻛﺴﻪﻛﻠﯩﻜﯩﻨﻰ ﺩﻩﻝ ﺋﯚﺯﯨﻨﯩﯔ ﺳﯘﺑﻴﯧﻜﺘﯩﭗ ﭘﺎﺋﺎﻟﯩﻴﯩﺘﻰ ﺋﺎﺭﻗﯩﻠﯩﻖ ﻳﺎﺭﯨﺘﯩﺪﯗ، ﭼﯜﺷﯩﻨﯩﺪﯗ. ﺋﯩﻨﺴﺎﻥ ﺋﻪﯓ ﺑﺎﺷﺘﺎ ﺗﻪﺑﯩﺌﻪﺗﻜﻪ ﻧﯩﺴﺒﻪﺗﻪﻥ ﺗﻪﺳﻪﯞﯞﯗﺭﻟﯘﻕ ﺋﯩﻨﻜﺎﺱ ﻗﺎﻳﺘﯘﺭﻏﺎﻧﻠﯩﻘﻰ ﺑﯩﻠﻪﻥ ﺋﯚﺯﯨﻨﯩﯔ ﺋﺎﻟﯩﻴﺠﺎﻧﺎﺑﻠﯩﻘﯩﻨﻰ ﺳﻪﺯﮔﻪﻧﯩﺪﻯ. ﻛﯧﻴﯩﻦ ﺋﯘ ﻳﺎﺷﺎﺵ ﯞﻩ ﻗﻮﻏﺪﯨﻨﯩﺶ ﻳﯜﺯﯨﺴﯩﺪﯨﻦ ﻣﻪﻧﭙﻪﺋﻪﺗﺪﺍﺭﻟﯩﻖ ﺧﯘﺳﯘﺳﯩﻴﯩﺘﯩﻨﻰ ﺗﻮﻧﯘﺩﻯ، ﺋﯘﻧﻰ ﻗﺎﻧﺪﯗﺭﯨﺪﯨﻐﺎﻥ ﻧﯘﺭﻏﯘﻥ ﺋﻪﻗﻠﯩﻲ ﺑﺎﻳﻘﺎﺷﻼﺭﻧﻰ ﺋﻮﺗﺘﯘﺭﯨﻐﺎ ﭼﯩﻘﺎﺭﺩﻯ، ﺋﯚﺯﯨﮕﻪ ﻧﯩﺴﺒﻪﺗﻪﻥ ﭘﺎﻳﺪﯨﻠﯩﻖ ﯞﺍﺳﯩﺘﯩﻠﻪﺭﻧﻰ ﻛﯚﭘﻪﻳﺘﺘﻰ. ﻣﯘﺷﯘﻧﺪﺍﻕ ﺋﻪﮬﯟﺍﻝ ﺋﺎﺳﺘﯩﺪﺍ، ﻣﻪﺩﻩﻧﯩﻴﻪﺕ ﺑﺎﻻﻧﯩﺴﻰ ﺋﯩﻨﺴﺎﻧﻨﯩﯔ ﺗﯘﻏﻤﺎ ﺗﻪﺑﯩﺌﯩﺘﻰ، ﻣﯘﮬﯩﺘﻰ، ﺗﯜﭖ ﺷﺎﺭﺍﺋﯩﺘﯩﻨﯩﯔ ﻳﺎﻣﺎﻥ ﺳﯜﭘﻪﺗﻜﻪ ﺋﯚﺯﮔﯩﺮﯨﭗ ﻛﯧﺘﯩﯟﺍﺗﻘﺎﻧﻠﯩﻘﯩﺪﯨﻦ ﺋﺎﮔﺎﮬﻼﻧﺪﯗﺭﯗﺵ ﺑﯧﺮﯨﺸﻜﻪ ﺑﺎﺷﻠﯩﺪﻯ. ﺑﯘﻧﺪﺍﻕ ﯞﻩﮬﯩﻲ ﺋﯚﺯﯨﻨﯩﯔ ﻗﻮﺭﻗﯘﻧﭽﻠﯘﻕ ﺩﻩﻟﯩﻠﻠﯩﺮﻯ ﺑﯩﻠﻪﻥ ﺋﺎﺗﻤﻮﺳﻔﯧﺮﺍﻧﻰ ﭘﯜﺗﯜﻧﻠﻪﻱ ﻗﺎﭘﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯩﻨﺴﺎﻧﻼﺭ ﺟﻪﻣﺌﯩﻴﯩﺘﯩﻨﯩﯔ ﺑﯘﻟﯘﯓ - ﭘﯘﭼﻘﺎﻗﻠﯩﺮﻯ ﻳﻪﻧﯩﻼ ﭘﻪﺭﯞﺍ ﻗﯩﻠﻤﯩﻐﺎﻥ ﮬﺎﻟﺪﺍ ﺋﯩﻨﺴﺎﻧﻼﺭﻏﺎ ﭘﺎﻳﺪﯨﺴﯩﺰ ﻳﻮﻗﯩﺘﯩﺸﻼﺭﻧﻰ ﺩﺍﯞﺍﻡ ﻗﯩﻠﺪﯗﺭﻣﺎﻗﺘﺎ.

ﺋﺎﻧﺪﯨﺮﻭ ﺗﻮﻣﺎﺱ: "ﺋﯩﻨﺴﺎﻧﻼﺭﻧﯩﯔ ﺧﺎﺗﺎﻟﯩﺸﯩﺶ ﺗﺎﺭﯨﺨﻰ ﺋﻮﻳﻨﯩﻠﯩﭗ ﺗﯧﺨﻰ ﺋﺎﻳﺎﻏﻼﺷﻤﯩﻐﺎﻥ ﭘﺎﺟﯩﺌﻪﻟﯩﻚ ﻛﻮﻣﯧﺪﯨﻴﯩﺪﯗﺭ" ﺩﯦﮕﻪﻧﯩﺪﻯ. ﻣﻪﺯﻛﯘﺭ ﭘﺎﺟﯩﺌﻪﻧﯩﯔ ﻛﻮﻣﯧﺪﯨﻴﯩﻠﯩﻚ ﺗﯜﺳﻜﻪ ﺋﯩﮕﻪ ﺑﻮﻟﯘﺷﯩﺪﯨﻜﻰ ﺳﻪﯞﻩﺏ ﺷﯘﻛﻰ، ﺋﯩﻨﺴﺎﻧﻼﺭ ﺗﺎﺭﯨﺨﯩﺪﯨﻜﻰ ﮬﻪﺭ ﺑﯩﺮ ﭘﻪﻳﻐﻪﻣﺒﻪﺭ ﻳﺎﻛﻰ ﮬﻪﺭ ﺑﯩﺮ ﺩﺍﻧﯩﺸﻤﻪﻥ ﮬﻪﺭ ﺧﯩﻞ ﻧﯘﻗﺘﯩﻨﻰ ﭼﯩﻘﯩﺶ ﻗﯩﻠﯩﭗ ﺗﯘﺭﯗﭖ ﺋﺎﮔﺎﮬﻼﻧﺪﯗﺭﯗﺵ ﺑﯧﺮﯨﭗ ﻛﻪﻟﮕﻪﻥ ﺑﻮﻟﺴﯩﻤﯘ، ﺧﺎﺗﺎﻟﯩﺸﯩﺶ ﺗﯧﺨﻰ ﺋﺎﻳﺎﻏﻼﺷﻤﯩﺪﻯ. ﺷﯘﯕﻼﺷﻘﺎ ﻧﻪﺗﯩﺠﯩﻠﻪﺭﻧﯩﯔ ﺗﺎﺭﯨﺨﻰ ﻗﺎﻧﭽﯩﻠﯩﻚ ﮬﻪﺟﯩﻤﺪﻩ ﻳﯧﺰﯨﻠﺴﺎ، ﺧﺎﺗﺎﻟﯩﻖ ﯞﻩ ﻣﻪﻏﻠﯘﺑﯩﻴﻪﺗﻨﯩﯔ ﺗﺎﺭﯨﺨﯩﻤﯘ ﺷﯘﻧﭽﯩﻠﯩﻚ ﮬﻪﺟﯩﻤﺪﻩ ﻳﯧﺰﯨﻠﯩﺸﻰ ﻛﯧﺮﻩﻙ. ﻟﯧﻜﯩﻦ ﺋﺎﺩﻩﻣﻠﻪﺭ ﻧﻪﺗﯩﺠﯩﻠﯩﺮﯨﮕﻪ ﻗﺎﻟﺘﯩﺲ ﺧﯘﺷﺘﺎﺭﻟﯩﻘﻰ ﺑﯩﻠﻪﻥ ﺗﺎﺭﯨﺨﻨﻰ ﺯﻩﭘﻪﺭﻧﯩﯔ ﺭﻩﯕﺪﺍﺭ ﻧﻪﻗﯩﺸﻠﯩﺮﯨﺪﻩ ﺯﯨﻨﻨﻪﺗﻠﻪﭖ ﻳﺎﺯﺩﻯ. ﺑﻪﻟﻜﯩﻢ ﺗﺎﺭﯨﺦ ﺋﯩﻠﻤﯩﻨﯩﯔ ﺋﺎﮔﺎﮬﻼﻧﺪﯗﺭﯗﺵ ﻗﯩﻤﻤﯩﺘﯩﮕﻪ ﺳﻪﻝ ﻧﺎﻣﺮﺍﺕ ﺑﻮﻟﯘﺷﯩﺪﯨﻜﻰ ﺳﻪﯞﻩﺏ ﻣﯘﺷﯘﻧﯩﯖﺪﺍ ﺑﻮﻟﺴﺎ ﻛﯧﺮﻩﻙ.

ﺧﺎﺗﺎﻟﯩﻘﻨﻰ ﺗﻮﻧﯘﭖ ﻳﯧﺘﯩﺶ ﮬﻪﺭﮔﯩﺰﻣﯘ ﻛﻪﻳﻨﯩﮕﻪ ﻗﺎﻳﺘﯩﺶ، ﭘﯘﺷﺎﻳﻤﺎﻥ ﮬﺎﻟﯩﺘﯩﺪﻩ ﺗﯘﺭﯗﭖ ﻗﯧﻠﯩﺶ ﺋﻪﻣﻪﺱ، ﺑﻪﻟﻜﻰ ﺩﺍﯞﺍﻣﻠﯩﻖ ﺋﺎﻟﺪﯨﻐﺎ ﻣﯧﯖﯩﺶ، ﺳﺎﻏﻼﻡ ﮬﺎﻳﺎﺕ ﺋﯩﻤﻜﺎﻧﯩﻴﻪﺗﻠﯩﺮﯨﻨﻰ، ﺟﯩﻨﺎﻳﻪﺗﺴﯩﺰ ﺋﻪﻗﯩﻞ ﻳﯜﺭﯛﺷﻠﯩﺮﯨﻨﻰ، ﺋﻪﻧﺪﯨﺰﯨﻠﻪﺭﻧﯩﯔ ﻣﯘﯞﺍﺯﯨﻨﻪﺗﻠﯩﻚ ﺋﯚﺗﻤﯜﺷﻠﯩﺮﯨﻨﻰ ﭼﻪﻛﺴﯩﺰﻟﯩﻚ ﭘﻪﻟﻠﯩﺴﯩﮕﻪ ﻳﻪﺗﻜﯜﺯﯛﺷﺘﯘﺭ. ﺑﯩﺮﺍﻕ ﮬﺎﺯﯨﺮ ﻣﻪﯞﺟﯘﺗﻠﯘﻕ ﺷﻪﻛﯩﻠﻠﯩﺮﻯ ﯞﻩ ﺟﺎﻧﻠﯩﻘﻼﺭﻧﯩﯔ ﺗﻪﺑﯩﺌﯩﻲ ﺷﺎﻟﻠﯩﻨﯩﺶ ﻗﺎﻧﯘﻧﯩﻨﻰ ﺑﯜﮔﯜﻧﻜﻰ ﺋﯩﻨﺴﺎﻧﻼﺭﻧﯩﯔ ﺑﯩﻨﻮﺭﻣﺎﻝ ﺋﻪﻗﯩﻠﭽﯩﻠﯩﻖ ﭼﻮﻗﯘﻧﯘﺷﻰ ﻣﻮﻧﻮﭘﻮﻝ ﻗﯩﻠﯩﯟﺍﻟﻐﺎﻧﺪﻩﻙ ﺗﯘﺭﯨﺪﯗ. ﺑﯘﻧﺪﺍﻕ ﻣﻮﻧﻮﭘﻮﻟﯩﻴﻪ ﺟﻪﻣﺌﯩﻴﻪﺕ ﺳﺎﮬﻪﺳﯩﺪﻩ ﺋﻪﯓ ﻣﻪﺭﻛﻪﺯﻟﯩﻚ ﺋﻪﻛﺲ ﺋﯧﺘﯩﭗ، ﺑﯩﺮﻩﺭ ﻛﯜﭼﻠﯜﻙ ﺗﯜﺯﯛﻡ، ﺑﯩﺮﻩﺭ ﻛﯜﭼﻠﯜﻙ ﻓﻮﺭﻣﺎﺗﺴﯩﻴﻪ ﺋﺎﺟﯩﺰ ﺑﻮﻟﺴﯩﻤﯘ، ﮬﺎﻳﺎﺗﯩﻲ ﻛﯜﭼﻜﻪ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﺋﻪﻧﺪﯨﺰﻩ ﻳﺎﻛﻰ ﺟﺎﻣﺎﺋﻪﺗﻠﻪﺭﻧﻰ، ﻳﯧﯖﯩﺪﯨﻦ ﺑﯩﺦ ﺳﯜﺭﯛﯞﺍﺗﻘﺎﻥ ﭘﺎﺭﻻﻕ ﺋﯩﺠﺘﯩﻤﺎﺋﯩﻲ ﻏﺎﻳﯩﻠﻪﺭﻧﻰ ﭼﻪﻛﻠﯩﻤﻪﻛﺘﻪ. ﺷﯘﻧﺪﺍﻕ ﺋﯩﻜﻪﻥ، ﺟﻪﻣﺌﯩﻴﻪﺗﻨﯩﯔ ﮬﻪﺭ ﻗﺎﻳﺴﻰ ﻗﺎﺗﻠﯩﻤﯩﻐﺎ، ﮬﻪﺭ ﻗﺎﻳﺴﻰ ﺳﺎﮬﻪﻟﯩﺮﯨﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﺋﯩﺠﺘﯩﻤﺎﺋﯩﻲ ﺗﯜﺭﻟﻪﺭﻧﯩﯔ ﺷﻪﺭﺗﻠﯩﺸﯩﺶ ﮬﺎﻟﯩﺘﻰ، ﺋﻪﺭﻛﯩﻦ ﺭﯨﻘﺎﺑﯩﺘﻰ ﻛﺎﺭﺩﯨﻦ ﭼﯩﻘﯩﺪﯗ - ﺩﻩ، ﺋﺎﺧﯩﺮ ﺩﺍﯞﺍﻣﻼﭖ ﺳﺎﻗﺎﻳﺘﻘﯩﻠﻰ ﺑﻮﻟﻤﺎﻳﺪﯨﻐﺎﻥ ﻏﻪﻳﺮﯨﻲ ﺗﯩﭙﻠﯩﻖ ﺋﯩﺠﺘﯩﻤﺎﺋﯩﻲ ﺋﯩﯟﻭﻟﻮﺗﺴﯩﻴﻪ ﻛﯧﻠﯩﭗ ﭼﯩﻘﯩﺪﯗ. ﺋﻪﺭﻛﯩﻦ ﺭﯨﻘﺎﺑﻪﺕ ﻳﯜﺭﮔﯜﺯﯛﻟﻤﯩﮕﻪﻥ ﺟﻪﻣﺌﯩﻴﻪﺗﺘﯩﻜﻰ ﺋﺎﺩﻩﻣﻠﻪﺭ ﻛﯚﭖ ﮬﺎﻟﻼﺭﺩﺍ ﺑﯘﺯﯗﻟﻐﺎﻥ ﮬﯜﺟﻪﻳﺮﯨﮕﻪ ﺋﻮﺧﺸﺎﭖ ﻗﺎﻟﯩﺪﯗ، ﺋﯘﻧﯩﯔ ﺋﯚﺯﯨﮕﻪ ﻻﻳﯩﻖ ﻣﻪﯞﺟﯘﺩﻟﯘﻕ ﻗﻪﯞﯨﺘﯩﺪﯨﻜﻰ ﺭﻭﻟﻰ ﺗﯜﮔﻪﻳﺪﯗ، ﺋﯩﻨﻜﺎﺱ ﺑﯩﻠﺪﯛﺭﻣﻪﻳﺪﯗ، ﻧﻪﺗﯩﺠﯩﺪﻩ، ﺟﻪﻣﺌﯩﻴﻪﺗﻨﯩﯔ ﺑﯩﺮ ﭘﯜﺗﯜﻥ ﮔﻪﯞﺩﯨﺴﯩﺪﯨﻜﻰ ﺧﺎﻣﯘﺷﻠﯘﻗﻨﻰ ﮬﻪﺗﺘﺎ ﭘﺎﻟﻪﭼﻠﯩﻜﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

ﺋﺎﯞﯞﺍﻝ ﺑﯩﺰ ﺟﻪﻣﺌﯩﻴﯩﺘﯩﻤﯩﺰﻧﯩﯔ ﻣﻪﻧﯩﯟﻯ ﻗﯩﻴﺎﭘﻪﺗﻠﯩﺮﻯ، ﻣﯘﻧﺎﺳﯩﯟﻩﺗﻠﯩﺮﻯ، ﻣﺎﺩﺩﯨﻲ ﺋﯩﺴﺘﯧﻤﺎﻝ ﻳﯜﺭﯛﺷﻠﯩﺮﯨﻨﯩﯔ ﻣﻪﻧﯩﯟﯨﻴﻪﺗﻜﻪ ﻳﻪﺗﻜﯜﺯﮔﻪﻥ ﺧﯩﻼﭘﻪﺗﻠﯩﺮﻯ ﺋﯜﺳﺘﯩﺪﻩ ﺭﺍﻳﻮﻧﯩﻤﯩﺰﻧﯩﯔ ﺋﻪﻣﻪﻟﯩﻲ ﺋﻪﮬﯟﺍﻟﯩﻐﺎ ﻳﺎﺭﯨﺸﺎ ﺗﻮﺧﺘﯩﻼﻳﻠﻰ، ﺋﺎﻧﺪﯨﻦ ﺑﯘ ﺋﺎﺭﻗﯩﻠﯩﻖ ﺗﻪﺑﯩﺌﯩﺘﯩﻤﯩﺰﮔﻪ، ﺳﻪﻧﺌﯩﺘﯩﻤﯩﺰﮔﻪ، ﺳﻪﻧﺌﯩﺘﯩﻤﯩﺰﺩﯨﻜﻰ ﺗﻪﺭﺑﯩﻴﻪﺕ، ﻣﻪﺩﻩﻧﯩﻴﻪﺕ ﺳﻪﻣﯩﻤﯩﻴﺘﯩﻤﯩﺰﮔﻪ ﺋﯚﺗﻪﻳﻠﻰ.

ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺋﯩﮕﯩﻠﯩﻚ ﺟﻪﮬﻪﺗﺘﻪ ﺩﯦﮭﻘﺎﻧﭽﯩﻠﯩﻖ، ﺑﺎﻏﯟﻩﻧﭽﯩﻠﯩﻚ، ﭼﺎﺭﯞﯨﭽﯩﻠﯩﻖ ﺋﺎﺳﺎﺳﯩﻲ ﺋﻮﺭﯗﻧﺪﺍ ﺗﯜﺭﯨﺪﯨﻐﺎﻥ ﺭﺍﻳﻮﻥ ﺑﻮﻟﯘﭖ، ﺋﯩﻘﻠﯩﻤﻰ ﺋﺎﺳﺎﺳﻪﻥ ﻗﯘﺭﻏﺎﻕ ﺑﻮﻟﯘﺵ، ﺗﯚﺕ ﭘﻪﺳﯩﻞ ﺋﯧﻨﯩﻖ ﺋﺎﻳﺮﯨﻠﯩﺸﺘﻪﻙ ﺧﯘﺳﯘﺳﯩﻴﻪﺗﻠﻪﺭﮔﻪ ﺋﯩﮕﻪ. ﺩﻩﺭﻳﺎ - ﻛﯚﻟﻠﻪﺭ، ﺑﯘﻻﻗﻼﺭ، ﻗﺎﺭ - ﻳﺎﻣﻐﯘﺭﻧﯩﯔ ﻳﺎﺭﺩﯨﻤﯩﮕﻪ ﺗﺎﻳﯩﻨﯩﺪﯨﻐﺎﻥ ﺳﯘ ﺋﯩﻨﺸﺎﺋﺎﺗﻠﯩﺮﻯ ﯞﻩ ﺳﯘﻏﯘﺭﯗﺵ ﺳﯩﺴﺘﯧﻤﯩﻠﯩﺮﻯ ﺑﯘ ﺭﺍﻳﻮﻧﺪﯨﻜﻰ ﺋﯩﮕﯩﻠﯩﻜﻨﯩﯔ ﺋﻪﻧﺌﻪﻧﯩﯟﻯ ﻧﯧﮕﯩﺰﯨﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ. ﺭﺍﻳﻮﻧﯩﻤﯩﺰﻧﯩﯔ ﺗﯧﺮﺭﯨﺘﻮﺭﯨﻴﯩﺴﻰ ﻛﻪﯓ ﺑﻮﻟﯘﺵ ﺑﯩﻠﻪﻥ ﺑﯩﺮﮔﻪ ﺋﯧﻠﯧﻤﯧﻨﺘﻠﯩﻖ ﺗﻪﺭﻛﯩﺒﯩﻜﻪ ﺑﺎﻱ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻰ ﺋﯩﻨﺘﺎﻳﯩﻦ ﻣﻮﻝ ﺑﻮﻟﯘﭖ، ﻧﯧﻔﯩﺖ ﺯﺍﭘﯩﺴﯩﻨﯩﯔ ﻣﻮﻟﻠﯘﻗﻰ، ﻗﯩﻤﻤﻪﺕ ﺑﺎﮬﺎ ﻣﻪﺩﻩﻧﻠﻪﺭﻧﯩﯔ ﻛﯚﭖ ﺧﯩﻠﻠﯩﻘﻰ ﺑﯩﻠﻪﻥ ﺩﯗﻧﻴﺎ ﺑﻮﻳﯩﭽﻪ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ ﺗﯘﺭﯨﺪﯗ. ﺑﯘ ﮔﯚﮬﻪﺭ ﺯﯦﻤﯩﻦ ﺋﯚﺯﯨﻨﯩﯔ ﮬﯧﺴﺎﺑﺴﯩﺰ ﺑﺎﻳﻠﯩﻘﻰ ﯞﻩ ﺋﯧﻨﯧﺮﮔﯩﻴﻪ ﻣﻪﻧﺒﻪﺳﻰ ﺑﯩﻠﻪﻥ ﺩﯙﻟﯩﺘﯩﻤﯩﺰ ﺟﯘﯕﮕﻮﻧﯩﯔ ﺋﯧﻐﯩﺮ ﺳﺎﻧﺎﺋﯩﺘﻰ ﯞﻩ ﺩﯙﻟﻪﺕ ﻣﯘﺩﺍﭘﯩﺌﻪ ﺳﺎﻧﺎﺋﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﺋﺎﺟﺎﻳﯩﭗ ﺯﻭﺭ ﺗﯚﮬﭙﯩﻠﻪﺭﻧﻰ ﻗﻮﺷﻤﺎﻗﺘﺎ. ﺭﺍﻳﻮﻧﯩﻤﯩﺰﺋﯩﻘﻠﯩﻢ ﯞﻩ ﻳﻪﺭ ﺗﯜﺯﯛﻟﯜﺷﻰ، ﺗﺎﻍ - ﺩﻩﺭﻳﺎﻻﺭﻧﯩﯔ ﺋﻮﺭﯗﻧﻠﯩﺸﯩﺸﻰ، ﺗﯘﭘﺮﺍﻕ ﻗﺎﺗﻠﯩﻤﻰ ﯞﻩ ﺗﻪﺭﻛﯩﺒﻰ، ﮬﯚﻝ - ﻳﯧﻐﯩﻦ ﻣﯩﻘﺪﺍﺭﻯ ﺟﻪﮬﻪﺗﻠﻪﺭﺩﻩ ﺋﯚﺯﯨﮕﻪ ﺧﺎﺱ ﺋﯧﻜﻮﻟﻮﮔﯩﻴﯩﻠﯩﻚ ﺳﯩﺴﺘﯧﻤﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ. ﺑﯘ ﺳﯩﺴﺘﯧﻤﯩﻨﯩﯔ ﮬﻪﺭ ﺑﯩﺮ ﺑﯚﻟﯩﻜﻰ ﺑﯩﺮ ﭘﯜﺗﯜﻥ ﺋﯩﮕﯩﻠﯩﻚ ﺑﻪﻟﯟﯦﻐﯩﻨﯩﯔ ﺗﯜﺭﻟﯜﻙ ﻧﯘﻗﺘﯩﻠﯩﺮﯨﻨﻰ ﻳﺎﺭﺍﺗﻘﺎﻥ. ﺑﯘ ﻧﯘﻗﺘﯩﻼﺭ ﺋﯚﺯﯨﮕﻪ ﺧﺎﺱ ﺋﯩﭽﻜﻰ ﺋﻪﯞﺯﻩﻟﻠﯩﻚ ﺑﯩﻠﻪﻥ ﺑﯩﺮ - ﺑﯩﺮﯨﻨﻰ ﺗﻮﻟﯘﻗﻼﭖ، ﺭﺍﻳﻮﻧﯩﻤﯩﺰﻧﯩﯔ ﻳﻪﺭﻟﯩﻚ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ، ﺗﺎﺭﯨﺨﯩﻲ ﻣﻪﯞﺟﯘﺩﯨﻴﯩﺘﯩﮕﻪ ﺳﻪﯞﻩﺑﭽﻰ ﺑﻮﻟﯩﺪﯨﻐﺎﻥ ﻗﺎﺗﻨﺎﺵ ﺳﯩﺴﺘﯧﻤﯩﻠﯩﺮﯨﻨﻰ، ﺷﻪﮬﻪﺭ - ﺑﺎﺯﺍﺭﻻﺭﻧﻰ، ﺳﻮﺩﺍ ﺗﻮﺭﻟﯩﺮﯨﻨﻰ، ﺩﯦﮭﻘﺎﻧﭽﯩﻠﯩﻖ، ﺑﺎﻏﯟﻩﻧﭽﯩﻠﯩﻚ، ﭼﺎﺭﯞﯨﭽﯩﻠﯩﻖ ﻣﻪﻳﺪﺍﻧﻠﯩﺮﯨﻨﻰ، ﺋﯘﻻﺭﻧﯩﯔ ﺋﯚﺯﺋﺎﺭﺍ ﺗﻮﻟﯘﻗﻼﺵ ﻣﯘﻧﺎﺳﯩﯟﻩﺗﻠﯩﺮﯨﻨﻰ، ﮔﯜﻟﻠﻪﻧﮕﻪﻥ ﻗﻮﻝ ﮬﯜﻧﻪﺭﯞﻩﻧﭽﯩﻠﯩﻜﯩﻨﻰ، ﺋﻮﺭﺗﺎﻕ ﺗﯩﻞ، ﺋﻮﺭﺗﺎﻕ ﻳﯧﺰﯨﻖ ﺋﺎﺳﺎﺳﯩﺪﯨﻜﻰ ﻣﻪﻧﯩﯟﻯ ﻣﯩﺮﺍﺳﻼﺭﻧﻰ ﯞﯗﺟﯘﺗﻘﺎ ﻛﻪﻟﺘﯜﺭﮔﻪﻥ. ﺑﯩﺰﻧﯩﯔ ﺋﻪﭘﺴﺎﻧﻪ - ﺭﯨﯟﺍﻳﻪﺗﻠﯩﺮﯨﻤﯩﺰ، ﻗﯩﺴﺴﯩﻠﯩﺮﯨﻤﯩﺰ، ﺷﯧﺌﯩﺮﻟﯩﺮﯨﻤﯩﺰ، ﻣﯘﻗﺎﻣﻠﯩﺮﯨﻤﯩﺰ، ﮬﯧﻜﻤﻪﺗﻜﻪ ﺑﺎﻱ ﺗﯘﺭﻣﯘﺵ ﺷﻪﻛﯩﻠﻠﯩﺮﯨﻤﯩﺰ ﺋﻪﻧﻪ ﺷﯘ ﺟﯘﻏﺮﺍﭘﯩﻴﯩﻠﯩﻚ ﺗﻪﺑﯩﺌﯩﻲ، ﺋﯩﺠﺘﯩﻤﺎﺋﯩﻲ ﻣﯘﮬﯩﺘﻨﻰ، ﺑﯘ ﻣﯘﮬﯩﺘﻨﯩﯔ ﺗﺎﺭﯨﺨﯩﻲ ﺩﻩﯞﺭﻟﻪﺭﺩﯨﻜﻰ ﻣﯘﺭﻩﻛﻜﻪﭖ ﺋﯚﺯﮔﯩﺮﯨﺸﻠﯩﺮﯨﻨﻰ ﺑﯩﺮ - ﺑﯩﺮﻟﻪﭖ ﺳﯚﺯﻟﻪﭖ ﺑﯧﺮﻩﻟﻪﻳﺪﯗ، ﺑﯩﺰﻧﯩﯔ ﻣﯩﺠﻪﺯ - ﺧﯘﻟﻘﯩﻤﯩﺰ، ﺗﯩﻠﯩﻤﯩﺰ، ﺗﯩﻠﯩﻤﯩﺰﺩﯨﻜﻰ ﻣﻪﻧﻪ ﯞﻩ ﺋﯩﻨﺘﻮﻧﺎﺗﺴﯩﻴﻪ، ﻧﺎﺧﺸﺎ - ﻛﯜﻳﻠﯩﺮﯨﻤﯩﺰﺩﯨﻜﻰ ﺗﯧﻤﭙﯩﻼﺭ ﯞﻩ ﺋﯘﺩﺍﺭﻻﺭ، ﮬﻪﺭﯨﻜﯩﺘﯩﻤﯩﺰﺩﯨﻜﻰ ﮬﺎﻟﻪﺗﻠﻪﺭ، ﺋﺎﺵ - ﺗﺎﻣﺎﻗﻠﯩﺮﯨﻤﯩﺰﺩﯨﻜﻰ ﻛﯚﭖ ﺧﯩﻠﻠﯩﻘﻼﺭ ﯞﻩ ﺗﻪﻣﻠﻪﺭ، ﺗﺎﺭﯨﺨﯩﻤﯩﺰﺩﯨﻜﻰ ﺋﺎﻣﻪﺕ ﯞﻩ ﺋﺎﭘﻪﺗﻠﻪﺭ ﻣﯘﺷﯘ ﻣﯘﻗﻪﺩﺩﻩﺱ ﺯﯦﻤﯩﻨﻨﯩﯔ ﮬﯩﺪﻯ، ﺗﻪﭘﺘﻰ، ﮬﺎﯞﺍﺳﻰ، ﺗﯘﺯﻯ، ﺳﯜﻳﻰ، ﺷﺎﻣﯩﻠﻰ، ﻗﯘﻳﺎﺷﻰ، ﺋﯧﻴﻰ ﯞﻩ ﻳﯘﻟﺘﯘﺯﻟﯩﺮﻯ ﺑﯩﻠﻪﻥ ﮔﯩﺮﻩﻟﯩﺸﯩﭗ ﻛﻪﺗﻜﻪﻥ. ﺷﯘﯕﺎ ﺋﯚﺯﯨﻤﯩﺰﻧﻰ ﭼﯜﺷﯩﻨﯩﺶ ﻣﯘﺷﯘ ﺯﯦﻤﯩﻨﻨﻰ ﭼﯜﺷﯩﻨﯩﺸﺘﯩﻦ ﺋﺎﻳﺮﯨﻼﻟﻤﺎﻳﺪﯗ. ﻗﺎﭼﺎﻧﻜﻰ ﺑﯩﺰ ﺋﯚﺯ ﻣﻪﺩﻩﻧﯩﻴﯩﺘﯩﻤﯩﺰﮔﻪ ﺗﻮﻏﺮﺍ ﺷﻪﺭﮬﻰ ﺑﯧﺮﻩﻟﯩﺴﻪﻙ، ﺑﯩﺰﻧﻰ ﻗﯘﭼﺎﻗﻼﭖ ﺗﯘﺭﻏﺎﻥ ﺑﯘ ﺯﯦﻤﯩﻨﻨﯩﻤﯘ ﭼﯜﺷﯩﻨﯩﻤﯩﺰ. ﺷﯘﭼﺎﻏﺪﯨﻼ ﺑﯘ ﺯﯦﻤﯩﻦ ﺋﯚﺗﻤﯜﺷﺘﯩﻜﻰ ﭘﺎﺭﻻﻕ ﺩﻩﯞﺭﻟﻪﺭﺩﯨﻜﯩﺪﻩﻙ ﻗﺎﻳﺘﺎ ﮔﯜﻟﻠﯩﻨﯩﺪﯗ.

ﺑﯘ ﻳﻪﺭ 21 - ﺋﻪﺳﯩﺮﮔﻪ ﺩﯦﮭﻘﺎﻧﭽﯩﻠﯩﻖ ﺑﯩﻠﻪﻥ ﻛﯩﺮﯨﭗ ﻳﻪﻧﻪ ﺩﯦﮭﻘﺎﻧﭽﯩﻠﯩﻖ ﺑﯩﻠﻪﻥ ﭼﯩﻘﯩﭗ ﻛﯧﺘﯩﺪﯨﻐﺎﻥ ﺑﻮﻟﺪﻯ. ﺩﻩﺭﯞﻩﻗﻪ، ﺑﻪﺯﻯ ﺗﺎﺷﻘﻰ ﺋﯚﺯﮔﯩﺮﯨﺸﻠﻪﺭ ﺩﯗﻧﻴﺎﻏﺎ ﻛﻪﻟﺪﻯ ﻳﯧﯖﯩﺪﯨﻦ ﺋﺎﯞﺍﺕ ﺷﻪﮬﻪﺭﻟﻪﺭ ﺑﻪﺭﭘﺎ ﺑﻮﻟﺪﻯ، ﺗﯚﻣﯜﺭ ﻳﻮﻝ ﯞﻩ ﮬﺎﯞﺍ ﻳﻮﻟﻠﯩﺮﻯ ﺑﯘ ﺯﯦﻤﯩﻨﻨﻰ ﻳﯩﺮﺍﻕ ﺷﻪﮬﻪﺭﻟﻪﺭ ﺑﯩﻠﻪﻥ ﺗﯘﺗﺎﺷﺘﯘﺭﺩﻯ. ﻧﯘﺭﻏﯘﻥ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﺭﯗﻧﻠﯩﺮﻯ، ﻛﺎﻥ، ﻧﯧﻔﯩﺖ ﺋﻮﺭﯗﻧﻠﯩﺮﻯ ﭘﻪﻳﺪﺍ ﺑﻮﻟﺪﻯ، ﭘﺎﻳﺎﻧﺴﯩﺰ ﻳﯧﺰﯨﻼﺭ ﺳﺎﻧﺎﺋﻪﺗﻨﯩﯔ ﺟﯩﺪﺩﯨﻲ ﺗﻪﻗﻪﺯﺯﺍﺳﻰ ﺑﯩﻠﻪﻥ ﺗﯘﺗﺎﺷﻘﺎﻧﺪﯨﻦ ﻛﯧﻴﯩﻦ، ﭘﯩﻼﻧﻠﯩﻖ ﺋﯩﮕﯩﻠﯩﻜﻨﯩﯔ ﻣﯘﻧﺘﯩﺰﯨﻢ ﻛﻮﻧﺘﺮﻭﻟﻠﯘﻗﯩﻐﺎ ﺋﯚﺗﺘﻰ. ﺑﯘ ﺧﯩﻞ ﮬﺎﻟﻪﺕ 80 - ﻳﯩﻠﻼﺭﺩﯨﻦ ﺑﺎﺷﻼﭖ ﺗﯧﺰ ﺗﻪﺭﻩﻗﻘﯩﻲ ﻗﯩﻠﯩﺸﻘﺎ ﺑﺎﺷﻠﯩﺪﻯ. ﺋﯩﻘﺘﯩﺴﺎﺩﯨﻲ ﺋﯩﺴﻼﮬﺎﺕ ﺩﻩﯞﺭﻯ ﻳﯧﺘﯩﭗ ﻛﯧﻠﯩﭗ، ﻧﯘﺭﻏﯘﻥ ﺳﻮﺩﺍ ﺑﺎﺯﯨﻠﯩﺮﻯ ﭘﻪﻳﺪﺍ ﺑﻮﻟﺪﻯ. ﺑﺎﺯﺍﺭ ﺋﯩﻘﺘﯩﺴﺎﺩﯨﻨﯩﯔ ﻳﻮﻟﻐﺎ ﻗﻮﻳﯘﻟﯘﺷﻰ ﺑﯘ ﺑﺎﺯﯨﻼﺭﻧﻰ ﺟﺎﻧﻼﻧﺪﯗﺭﺩﻯ، ﻛﯧﯖﻪﻳﺘﺘﻰ ﯞﻩ ﺗﯧﺰ ﺳﯜﺭﺋﻪﺗﺘﻪ ﻛﯚﭘﻪﻳﺘﺘﻰ. ﺳﯩﺮﺗﻘﻰ ﺭﺍﻳﻮﻧﻼﺭﻧﯩﯔ ﺳﻮﺩﺍ ﯞﻩ ﻳﯧﻨﯩﻚ ﺗﯩﭙﺘﯩﻜﻰ ﺳﺎﻧﺎﺋﻪﺕ ﺷﯩﺮﻛﻪﺗﻠﯩﺮﻯ ﻗﯩﺰﻏﯩﻦ ﺟﻪﻟﭗ ﻗﯩﻠﯩﻨﺪﻯ. ﺩﯦﮭﻘﺎﻧﭽﯩﻠﯩﻖ ﻣﺎﺷﯩﻨﯩﻠﯩﺮﻯ ﯞﻩ ﺳﺎﻳﻤﺎﻧﻠﯩﺮﻯ، ﺧﯩﻤﯩﻴﯩﻠﯩﻚ ﺋﻮﻏﯘﺕ، ﺳﯘﻟﻴﺎﯞ ﻳﻮﭘﯘﻕ، ﻳﯧﯖﻰ ﻳﯧﺘﯩﺸﺘﯜﺭﯛﻟﮕﻪﻥ ﺯﯨﺮﺍﺋﻪﺕ ﯞﻩ ﻣﯧﯟﻩ ﺳﻮﺭﺗﻠﯩﺮﻯ، ﻗﻮﻝ ﮬﯜﻧﻪﺭﯞﻩﻧﭽﯩﻠﯩﻚ ﺋﯜﺳﻜﯜﻧﯩﻠﯩﺮﻯ، ﻳﻪﺭﻟﯩﻚ ﺋﯘﺳﯘﻟﻐﺎ ﻳﺎﺕ ﺯﺍﻣﺎﻧﯩﯟﻯ ﺗﯘﺭﻣﯘﺵ ﺑﯘﻳﯘﻣﻠﯩﺮﻯ، ﺋﻪﺭﺯﺍﻥ ﺑﺎﮬﺎﻟﯩﻖ ﻛﯩﻴﯩﻤﻠﻪﺭﻧﻰ ﺗﻮﭖ ﺳﯧﺘﯩﺶ ﺋﻮﺭﯗﻧﻠﯩﺮﻯ، ﺋﯚﺯﮔﯩﭽﻪ ﺗﻪﺷﻜﯩﻠﻠﻪﺵ ﯞﻩ ﺑﺎﺷﻘﯘﺭﯗﺵ ﻗﯘﺭﯗﻟﻤﯩﻠﯩﺮﻯ ﺋﻪﻟﻤﯩﺴﺎﻗﺘﯩﻦ ﺑﯘﻳﺎﻧﻘﻰ ﺋﻪﻧﺌﻪﻧﯩﯟﻯ ﺩﯦﮭﻘﺎﻧﭽﯩﻠﯩﻖ، ﻗﻮﻝ ﮬﯜﻧﻪﺭﯞﻩﻧﭽﯩﻠﯩﻚ، ﺳﻮﺩﺍ - ﺳﯧﺘﯩﻘﻼﺭﻧﻰ ﺷﯩﺪﺩﻩﺕ ﺑﯩﻠﻪﻥ ﺷﺎﻟﻼﭖ ﺗﺎﺷﻠﯩﺪﻯ. ﺑﯜﮔﯜﻧﻜﻰ ﺩﯦﮭﻘﺎﻧﻨﯩﯔ ﻳﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﯩﯔ ﻣﻪﺯﻣﯘﻧﻰ ﺗﺎﺭﯨﺨﺘﯩﻜﻰ ﮬﯧﭽﻘﺎﻧﺪﺍﻕ ﺩﻩﯞﺭﺩﯨﻜﯩﮕﻪ ﺋﻮﺧﺸﯩﻤﺎﻳﺪﯗ. ﺳﻮﺩﺍ - ﺳﺎﻧﺎﺋﻪﺗﻨﯩﯔ ﺟﯩﺪﺩﯨﻲ ﺋﯧﮭﺘﯩﻴﺎﺟﻰ ﺩﯦﮭﻘﺎﻧﻼﺭﻧﻰ ﭘﺎﺧﺘﺎ، ﻳﯩﭙﻪﻛﻨﻰ ﺋﺎﺳﺎﺳﯩﻲ ﻣﻪﺯﻣﯘﻥ ﻗﯩﻠﻐﺎﻥ ﻳﯧﺰﺍ ﺋﯩﮕﯩﻠﯩﻜﯩﮕﻪ ﻣﯘﺳﺘﻪﮬﻜﻪﻡ ﺑﺎﻏﻠﯩﺪﻯ. ﺋﯘ ﺋﺎﻟﺪﻯ ﺑﯩﻠﻪﻥ ﺳﺎﻧﺎﺋﻪﺗﻨﻰ ﺷﻪﺭﺕ ﻗﯩﻠﻐﺎﻥ ﭘﯩﻼﻧﻠﯩﻖ ﺋﯩﮕﯩﻠﯩﻜﻨﯩﯔ ﺗﻪﻟﯩﭙﯩﻨﻰ ﺋﻮﺭﯗﻧﺪﯨﺸﻰ، ﺋﺎﻧﺪﯨﻦ ﻛﯜﻧﺪﯨﻠﯩﻚ ﮬﺎﻳﺎﺗﻨﯩﯔ ﺑﯩﺮﺩﯨﻨﺒﯩﺮ ﻛﺎﭘﺎﻟﯩﺘﻰ ﺑﻮﻟﻐﺎﻥ ﺑﯘﻏﺪﺍﻱ، ﻗﻮﻧﺎﻕ ﻗﺎﺗﺎﺭﻟﯩﻘﻼﺭﻧﻰ ﺋﻮﻳﻠﯩﺸﻰ ﻛﯧﺮﻩﻙ. ﺑﯘﻻﺭﺩﯨﻦ ﻛﯚﺭﯛﺷﻜﻪ ﺑﻮﻟﯩﺪﯗﻛﻰ، ﻳﯧﺰﺍ ﺑﯩﻠﻪﻥ ﺷﻪﮬﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺑﯧﻘﯩﻨﺪﯨﻠﯩﻖ ﻣﯘﻧﺎﺳﯩﯟﻩﺕ ﺋﯚﺗﻜﯜﺭﻟﻪﺷﺘﻰ. ﺷﻪﮬﻪﺭﻧﯩﯔ ﻳﯧﺰﯨﻐﺎ ﺑﻮﻟﻐﺎﻥ ﺑﯩﯟﺍﺳﯩﺘﻪ ﺗﻪﺳﯩﺮﻯ ﺋﻮﻣﯘﻣﻼﺷﺘﻰ. ﺷﻪﮬﻪﺭ ﺋﯚﺯﯨﻨﯩﯔ ﺑﺎﺭﻏﺎﻧﺴﯧﺮﻯ ﺯﻭﺭﯨﻴﯩﯟﺍﺗﻘﺎﻥ ﺋﯧﮕﯩﺰ ﺑﯩﻨﺎﻻﺭﻏﺎ ﺗﻮﻟﯘﯞﺍﺗﻘﺎﻥ ﺋﯧﻐﯩﺮ ﮔﻪﯞﺩﯨﺴﯩﻨﻰ ﻛﯚﺗﯜﺭﯛﭖ ﺗﯘﺭﯗﺵ ﺋﯜﭼﯜﻥ ﭘﯘﺭﻗﯩﺮﺍﭖ ﺋﯩﺲ ﭼﯩﻘﯩﭗ ﺗﯘﺭﻏﺎﻥ ﺋﺎﻏﺰﯨﻨﻰ ﻳﯧﺰﯨﻼﺭﻏﺎ ﺳﻮﺯﻣﺎﻗﺘﺎ. ﺷﻪﮬﻪﺭﻟﻪﺭﺩﻩ ﺋﯩﺸﻠﻪﻧﮕﻪﻥ ﺳﯘﻟﻴﺎﯞ ﻳﻮﭘﯘﻕ، ﺧﯩﻤﯩﻴﯩﯟﻯ ﺋﻮﻏﯘﺗﻼﺭ ﺗﯘﭘﺮﺍﻗﻨﯩﯔ ﺗﻪﺭﻛﯩﺒﯩﻨﻰ ﺑﺎﺭﻏﺎﻧﺴﯧﺮﻯ ﺋﯚﺯﮔﻪﺭﺗﺘﻰ. ﮬﺎﺷﺎﺭﺍﺗﻼﺭﻧﯩﯔ ﻳﺎﺷﺎﺵ ﺋﯩﻘﺘﯩﺪﺍﺭﻯ ﺧﯩﻤﯩﻴﯩﯟﻯ ﺩﻭﺭﯨﻼﺭﻧﯩﯔ ﻛﯜﭼﯩﮕﻪ ﻗﺎﺭﺷﻰ ﺋﯧﺸﯩﭗ، ﺧﻪﯞﭘﻠﯩﻚ ﺋﻪﻟﭙﺎﺯﻏﺎ ﻛﯩﺮﺩﻯ. ﻛﯩﺸﯩﻠﻪﺭ ﺑﺎﺭﻏﺎﻧﺴﯧﺮﻯ ﺋﯚﺯﯨﮕﻪ ﻧﯩﺴﺒﻪﺗﻪﻥ ﻗﯘﻻﻳﺴﯩﺰ ﺷﺎﺭﺍﺋﯩﺘﻘﺎ ﻛﯩﺮﺩﻯ.ﺋﯘﻻﺭﻧﯩﯔ ﺋﻮﻳﻼﺵ، ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﻠﯩﺮﻯ ﺋﯚﺯﮔﻪﺭﺩﻯ، ﺋﯩﻨﺪﯨﯟﯨﺪﯗﺋﺎﻝ ﺗﻪﻟﻪﭘﻠﯩﺮﯨﺪﯨﻦ ﻣﯘﺳﺘﻪﺳﻨﺎ ﮬﺎﻟﺪﯨﻜﻰ ﻗﯩﻤﻤﻪﺕ ﻗﺎﺭﯨﺸﻰ ﮔﺎﯕﮕﯩﺮﺍﭖ ﺗﯘﺭﻏﺎﻥ ﻣﯧﯖﯩﺴﯩﮕﻪ ﻳﯧﭙﯩﺸﺘﻰ. ﻳﯧﺰﺍ ﺟﺎﻣﺎﺋﻪﺗﻠﯩﺮﯨﺪﯨﻜﻰ ﺑﯘ ﺧﯩﻞ ﺋﯚﺯﮔﯩﺮﯨﺸﻠﻪﺭﻧﻰ "ﻧﯧﮕﯩﺰ" ﺩﯦﮕﻪﻥ ﺋﯘﻗﯘﻣﻐﺎ ﻣﻪﺭﻛﻪﺯﻟﻪﺷﺘﯜﺭﯛﭖ ﻣﯘﮬﺎﻛﯩﻤﻪ ﻗﯩﻠﯩﭗ ﺑﺎﻗﺎﻳﻠﻰ. ﺑﯘ ﻳﻪﺭﺩﯨﻜﻰ ﻧﯧﮕﯩﺰ ﺷﻪﻳﺌﯩﻨﯩﯔ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﺘﯩﻜﻰ ﻣﻪﺯﻣﯘﻧﯩﻨﯩﯔ ﺗﯜﭖ ﺋﺎﻣﯩﻠﯩﻨﻰ ﻛﯚﺭﺳﯩﺘﯩﺪﯗ. ﮬﻪﺭ ﻗﺎﻧﺪﺍﻕ ﺑﯩﺮ ﺟﻪﻣﺌﯩﻴﻪﺕ ﻣﻪﻳﻠﻰ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺑﻮﻟﺴﯘﻥ ﻳﺎﻛﻰ ﺋﺎﺭﻗﯩﺪﺍ ﻗﺎﻟﻐﺎﻥ ﺑﻮﻟﺴﯘﻥ، ﻣﻪﻳﻠﻰ ﺋﯘﻧﯩﯔ ﺗﯜﺯﯛﻟﻤﯩﺴﻰ ﺋﯩﻠﻐﺎﺭ ﺑﻮﻟﺴﯘﻥ، ﻳﺎﻛﻰ ﻗﺎﻻﻕ ﺑﻮﻟﺴﯘﻥ، ﻣﯘﺋﻪﻳﻴﻪﻥ ﺑﯩﺮ ﻧﯧﮕﯩﺰﮔﻪ ﺋﯩﮕﻪ ﺑﻮﻟﻤﺎﻱ ﻗﺎﻟﻤﺎﻳﺪﯗ. ﺩﯦﮭﻘﺎﻧﭽﯩﻠﯩﻖ،ﺑﺎﻏﯟﻩﻧﭽﯩﻠﯩﻚ، ﭼﺎﺭﯞﯨﭽﯩﻠﯩﻖ، ﻗﻮﻝ ﮬﯜﻧﻪﺭﯞﻩﻧﭽﯩﻠﯩﻜﻜﻪ ﺗﺎﻳﯩﻨﯩﺶ ﺑﯜﮔﯜﻧﻜﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺋﯩﻘﺘﯩﺴﺎﺩﯨﻲ ﻧﯧﮕﯩﺰﻯ، ﺑﯧﻜﯩﺘﯩﻠﮕﻪﻥ ﺋﺎﯓ ﻓﻮﺭﻣﯩﺴﯩﻐﺎ ﻻﻳﯩﻖ ﺋﻪﯞﻻﺩﻻﺭﻧﻰ ﺗﻪﺭﺑﯩﻴﯩﻠﻪﺵ ﺑﯜﮔﯜﻧﻜﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻜﻰ ﻣﺎﺋﺎﺭﯨﭙﻨﯩﯔ ﻧﯧﮕﯩﺰﻯ. ﺩﯦﻤﻪﻙ، ﺋﯩﺠﺘﯩﻤﺎﺋﯩﻲ ﻧﯧﮕﯩﺰ ﺟﻪﻣﺌﯩﻴﻪﺗﻨﯩﯔ ﺧﺎﺭﺍﻛﺘﯧﺮﻯ ﯞﻩ ﺗﻪﺭﻩﻗﻘﯩﻴﺎﺗﯩﻐﺎ ﻣﯘﻧﺎﺳﯩﭗ ﺭﻩﯞﯨﺸﺘﻪ ﺑﺎﺭﻟﯩﻘﻘﺎ ﻛﯧﻠﯩﺪﯗ ﻳﺎﻛﻰ ﺋﯚﺯﮔﯩﺮﯨﺪﯗ. ﺋﯘ ﺋﻪﻟﯟﻩﺗﺘﻪ ﺑﯩﺮ ﻣﯩﻠﻠﻪﺗﻨﯩﯔ ﻣﯘﺋﻪﻳﻴﻪﻥ ﺗﺎﺭﯨﺦ، ﺟﯘﻏﺮﺍﭘﯩﻴﯩﻠﯩﻚ ﺷﺎﺭﺍﺋﯩﺘﯩﻐﺎ ﻳﺎﺭﯨﺸﺎ ﺷﻪﻛﯩﻠﻠﻪﻧﺪﯛﺭﮔﻪﻥ ﺋﯩﮕﯩﻠﯩﻚ ﺷﻪﻛﻠﯩﻨﻰ ﻣﻪﺭﻛﻪﺯ ﻗﯩﻠﯩﺪﯗ. ﺟﯘﯕﮕﻮﺩﺍ ﺳﻮﺗﺴﯩﻴﺎﻟﯩﺴﺘﯩﻚ ﺑﺎﺯﺍﺭ ﺋﯩﻘﺘﯩﺴﺎﺩﯨﻨﯩﯔ ﻳﻮﻟﻐﺎ ﻗﻮﻳﯘﻟﯘﺷﻰ ﯞﻩ ﺋﯘﻧﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﻧﯩﯔ ﺟﯘﻏﺮﺍﭘﯩﻴﯩﻠﯩﻚ ﺋﻪﯞﺯﻩﻟﻠﯩﻜﯩﮕﻪ ﺗﻪﺗﺒﯩﻘﻠﯩﻨﯩﺸﻰ، ﻳﯧﺰﺍ ﺋﯩﮕﯩﻠﯩﻜﯩﺪﻩ ﻳﯜﺭﮔﯜﺯﯛﻟﮕﻪﻥ ﭘﯩﻼﻧﻠﯩﻖ ﺋﯩﮕﯩﻠﯩﻜﻨﯩﯔ ﺗﻪﯞﻩﻛﻜﯜﻟﭽﯩﻠﯩﻚ ﺭﻭﮬﻰ ﺑﯩﻠﻪﻥ ﻛﯧﺘﯩﯟﺍﺗﻘﺎﻥ ﺳﺎﻧﺎﺋﻪﺕ ﯞﻩ ﺳﻮﺩﯨﻨﯩﯔ ﺋﯧﮭﺘﯩﻴﺎﺟﯩﻐﺎ ﺑﻮﻳﺴﯘﻧﺪﯗﺭﯗﻟﯘﺷﻰ ﻳﯘﻗﯩﺮﯨﻘﯩﺪﻩﻙ ﺋﯩﺠﺘﯩﻤﺎﺋﯩﻲ ﻛﻪﻳﭙﯩﻴﺎﺗﻼﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺶ ﺑﯩﻠﻪﻥ ﻣﯩﻠﻠﯩﻲ ﺟﻪﻣﺌﯩﻴﻪﺗﻨﯩﯔ ﻧﯧﮕﯩﺰﯨﻨﻰ ﺋﯚﺯﮔﻪﺭﺗﯩﭗ ﺗﺎﺷﻠﯩﺪﻯ. ﺩﯦﻤﻪﻙ، ﻣﯩﻠﻠﯩﻲ ﺟﻪﻣﺌﯩﻴﻪﺗﻨﯩﯔ ﺗﺎﻳﺎﻧﭻ ﻛﯜﭺ ﻧﯘﻗﺘﯩﺴﻰ ﺋﺎﺳﺘﺎ - ﺋﺎﺳﺘﺎ ﻳﯚﺗﻜﯩﻠﯩﺸﻜﻪ ﺑﺎﺷﻠﯩﺪﻯ. ﺑﯘ ﻧﺎﮬﺎﻳﯩﺘﻰ ﺭﻭﺷﻪﻥ ﻣﻪﺩﻩﻧﯩﻴﻪﺕ ﻛﺮﯨﺰﯨﺌﯩﺴﯩﺪﯨﻦ ﺑﯧﺸﺎﺭﻩﺕ ﺑﻪﺭﮔﻪﻥ ﮬﺎﻟﺪﺍ ﻣﯩﻠﻠﯩﻲ ﺋﻪﺧﻼﻕ، ﻣﯩﻠﻠﯩﻲ ﺋﯚﺭﭖ - ﺋﺎﺩﻩﺗﻠﻪﺭﺩﻩ ﺋﯚﺯﮔﯩﺮﯨﺶ ﻳﺎﺳﯩﺪﻯ.

ﻣﻪﻥ 22 ﻳﺎﺷﻘﺎ ﻛﯩﺮﮔﯜﭼﻪ ﺑﻮﻟﻐﺎﻥ ﭘﯜﺗﻜﯜﻝ ﮬﺎﻳﺎﺗﯩﻤﻨﻰ ﻳﯧﺰﯨﺪﺍ ﺋﯚﺗﻜﯜﺯﺩﯛﻡ. ﻳﯘﺭﺗﯘﻡ ﻗﻪﺷﻘﻪﺭ ﺑﻪﺷﻜﯧﺮﻩﻡ ﺗﯩﭙﯩﻚ ﺑﯩﺮ ﺋﯘﻳﻐﯘﺭ ﻳﯧﺰﯨﺴﻰ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﻣﯧﻨﻰ ﺋﯚﺳﺘﯜﺭﺩﻯ. ﻣﻪﻥ ﺋﺎﺩﯨﻤﯩﻴﻠﯩﻜﻜﻪ ﻛﯩﺮﯨﺪﯨﻐﺎﻥ ﺩﻩﺳﻠﻪﭘﻜﻰ ﺋﯘﻧﯩﯟﯦﺮﺳﺎﻝ ﺗﻪﺭﺑﯩﻴﻪ (ﺩﯨﻦ، ﺋﻪﺧﻼﻕ، ﺋﻪﺩﻩﺑﯩﻴﺎﺕ - ﺳﻪﻧﺌﻪﺕ، ﺋﻪﻣﮕﻪﻙ ﻗﺎﺗﺎﺭﻟﯩﻘﻼﺭﻏﺎ ﺋﺎﺋﯩﺖ ﺗﻪﺭﺑﯩﻴﻪ)ﻧﻰ ﻣﯘﺷﯘ ﻳﻪﺭﺩﻩ ﺋﺎﻟﺪﯨﻢ. ﺑﯘ ﻳﻪﺭﻧﯩﯔ ﺑﯜﻙ - ﺑﺎﺭﺍﻗﺴﺎﻥ ﺑﺎﻏﻠﯩﺮﻯ، ﺋﻮﺭﻣﺎﻧﻠﯩﺮﻯ، ﻛﯜﺟﯜﻡ ﻣﻪﮬﻪﻟﻠﯩﻠﯩﺮﻯ، ﭘﺎﻛﯩﺰ ﺳﯘﻟﯩﺮﻯ، ﺋﻪﺭﻛﯩﻦ ﻗﯘﺷﻠﯩﺮﻯ ﻣﺎﯕﺎ ﺗﻪﺑﯩﺌﻪﺕ ﮬﻪﻗﻘﯩﺪﻩ ﺗﯘﻧﺠﻰ ﺩﻩﺭﺳﻠﻪﺭﻧﻰ ﺑﻪﺭﮔﻪﻥ. ﻳﯧﺮﯨﻢ ﻛﯧﭽﯩﺪﯨﻜﻰ ﻧﺎﺧﺸﺎ ﺋﺎﯞﺍﺯﻟﯩﺮﻯ، ﻣﯘﯕﻠﯘﻕ ﻧﻪﻱ ﺳﺎﺩﺍﻟﯩﺮﻯ، ﻣﻪﺳﭽﯩﺖ ﭘﻪﺷﺘﯩﻘﯩﺪﯨﻦ ﻛﻪﻟﮕﻪﻥ ﺳﻮﺯﯗﻕ ﺋﻪﺯﺍﻥ ﺋﺎﯞﺍﺯﻟﯩﺮﻯ ﻣﺎﯕﺎ ﻣﯘﺯﯨﻜﯩﻨﯩﯔ ﺳﯧﮭﺮﯨﻲ ﻛﯜﭼﯩﻨﻰ ﺗﻮﻧﯘﺗﻘﺎﻥ. ﺑﯘ ﻳﻪﺭﻧﯩﯔ ﺧﯘﺵ ﭼﺎﻗﭽﺎﻕ، ﻣﯧﮭﻤﺎﻧﺪﻭﺳﺖ ﻛﯩﺸﯩﻠﯩﺮﻯ ﻣﺎﯕﺎ ﺋﺎﺩﻩﻣﮕﻪﺭﭼﯩﻠﯩﻜﻨﻰ ﺋﯚﮔﻪﺗﻜﻪﻥ. ﻣﯧﻨﯩﯔ ﻛﯩﻴﯩﻦ ﺋﯚﮔﻪﻧﮕﻪﻧﻠﯩﺮﯨﻢ ﺗﺎﻣﺎﻣﻪﻥ ﻳﯘﺭﺗﯘﻡ ﺑﻪﺭﮔﻪﻥ ﺋﺎﺷﯘ ﺩﻩﺳﻠﻪﭘﻜﻰ ﺗﻪﺭﺑﯩﻴﯩﻨﻰ ﻳﯩﻠﺘﯩﺰ ﻗﯩﻠﯩﭗ ﻛﯚﻛﻪﺭﺩﻯ ﯞﻩ ﭼﯧﭽﻪﻛﻠﯩﺪﻯ. ﻣﻪﻥ ﭘﯘﺷﻜﯩﻦ، ﻳﯧﺴﺴﯩﻨﯩﻦ، ﻧﯧﺮﻭﺩﺍﻻﺭﻧﯩﯔ ﺷﯧﺌﯩﺮﻟﯩﺮﯨﺪﯨﻦ ﺋﺎﻧﺎ ﺳﻪﮬﺮﺍﻳﯩﻤﻨﯩﯔ ﺋﻮﺑﺮﺍﺯﻯ ﺋﺎﺭﻗﯩﻠﯩﻖ ﮬﯘﺯﯗﺭﻻﻧﺪﯨﻢ. ﺑﺎﻟﯩﻠﯩﻖ ﺩﻩﯞﺭﯨﻤﺪﻩ ﻳﯘﺭﺗﯘﻣﻨﯩﯔ ﺳﯜﺯﯛﻙ ﺋﺎﺳﻤﯩﻨﯩﺪﯨﻦ ﻛﯚﺭﮔﻪﻥ ﻳﯘﻟﺘﯘﺯﻻﺭ ﺋﺎﺭﻗﯩﻠﯩﻖ ﻛﯧﭙﻠﯩﺮ، ﻛﻮﭘﯧﺮﻧﯩﻜﻼﺭ ﺋﯚﮔﻪﺗﻜﻪﻥ ﻗﺎﻧﯘﻧﻼﺭﻧﻰ ﭼﯜﺷﻪﻧﺪﯨﻢ. ﺩﯦﻤﻪﻙ، ﻳﯘﺭﺗﯘﻡ ﺋﺎﻧﺎ ﻣﻪﻛﺘﯩﭙﯩﻢ ﺳﯜﭘﯩﺘﯩﺪﻩ ﻣﺎﯕﺎ ﻛﻪﻟﮕﯜﺳﯩﺪﯨﻜﻰ ﺋﯩﻠﯩﻤﻠﻪﺭﻧﯩﯔ ﺧﯧﻤﯩﺮﺗﯘﺭﯗﭼﯩﻨﻰ ﺑﻪﺭﮔﻪﻥ. ﻧﺎﮬﺎﻳﯩﺘﻰ ﺭﻭﺷﻪﻧﻜﻰ، ﻣﯘﮬﯩﺖ ﺋﯚﺯﻯ ﻳﯧﺘﯩﺸﺘﯜﺭﮔﻪﻥ ﮬﻪﺭ ﺑﯩﺮ ﮬﺎﻳﺎﺗﻠﯩﻖ ﺋﯜﭼﯜﻥ ﺋﯜﻧﯜﻣﻰ ﺑﯩﺒﺎﮬﺎ ﻣﻪﻛﺘﻪﭖ. ﺋﯘﻧﯩﯔ ﺗﻪﺑﯩﺌﻪﺗﻜﻪ ﺧﺎﺱ ﺳﺎﻏﻼﻡ ﻗﯩﻴﺎﭘﯩﺘﯩﻨﯩﯔ ﻗﻮﻏﺪﯨﻠﯩﺸﻰ ﺋﻪﻣﻪﻟﯩﻴﻪﺗﺘﻪ ﺟﻪﻣﺌﯩﻴﻪﺕ ﻣﺎﺋﺎﺭﯨﭙﯩﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯘﺷﯩﺪﯨﻜﻰ ﺋﺎﻟﺪﯨﻨﻘﻰ ﺑﺎﺳﻘﯘﭺ. ﺋﻪﭘﺴﯘﺳﻜﻰ، ﻣﻪﻥ ﮬﻪﺭ ﻗﯧﺘﯩﻢ ﻳﯘﺭﺗﯘﻣﻨﻰ ﻳﻮﻗﻼﭖ ﺑﺎﺭﻏﯩﻨﯩﻤﺪﺍ، ﺑﺎﻟﯩﻠﯩﻖ ﺩﻩﯞﺭﯨﻤﺪﯨﻜﻰ ﮔﯜﺯﻩﻝ ﻗﯩﻴﺎﭘﻪﺗﻠﻪﺭﻧﯩﯔ ﯞﻩﻳﺮﺍﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﻛﯩﺸﯩﻠﻪﺭﺩﯨﻜﻰ ﺋﻪﺧﻼﻗﯩﻲ، ﻣﻪﻧﯩﯟﻯ ﺳﺎﭘﺎﻧﯩﯔ ﭼﯜﺷﯜﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯨﻤﻪﻥ. ﺋﯘﻻﺭ ﻳﻪﺭﮔﻪ ﻣﯧﺨﺎﻧﯩﻚ ﺭﻩﯞﯨﺸﺘﻪ ﺑﺎﻏﻼﻧﻐﺎﻥ ﮬﺎﻟﺪﺍ ﺷﻮﺥ، ﺧﯘﺷﺨﯘﻱ، ﺟﺎﻧﻠﯩﻖ ﺗﯘﺭﻣﯘﺵ ﺷﻪﻛﻠﯩﺪﯨﻦ ﻣﻪﮬﺮﯗﻡ ﺑﻮﻟﻐﺎﻧﯩﺪﻯ. ﺋﻪﻳﻨﻰ ﯞﺍﻗﯩﺘﺘﺎ ﻳﯧﺰﯨﻤﯩﺰﻧﻰ ﺟﺎﻧﻼﻧﺪﯗﺭﯗﯞﯦﺘﯩﺪﯨﻐﺎﻥ ﺋﻮﻏﻼﻕ ﺗﺎﺭﺗﯩﺸﯩﺶ، ﭼﯧﻠﯩﺸﯩﺶ، ﺧﻮﺭﺍﺯ ﺳﻮﻗﯘﺷﺘﯘﺭﯗﺵ، ﻗﻮﭼﻘﺎﺭ ﺳﻮﻗﯘﺷﺘﯘﺭﯗﺵ، ﺋﯩﺖ ﺗﺎﻻﺷﺘﯘﺭﯗﺵ، ﺑﺎﺭﺍﯞﻩﺕ، ﺗﯜﻧﻪﻙ، ﻣﻪﺷﺮﻩﭖ ﺋﺎﺩﻩﺗﻠﯩﺮﻯ ﺟﯩﻤﯩﻘﯩﭗ ﻛﻪﺗﻜﻪﻥ، ﮬﻪﺗﺘﺎ ﺑﺎﻟﯩﻼﺭﻣﯘ ﺋﯚﺯﯨﮕﻪ ﺧﺎﺱ ﺋﻮﻳﯘﻧﻼﺭﻧﻰ ﺗﻪﺭﻙ ﺋﯧﺘﯩﭗ ﺋﺎﺗﺎ - ﺋﺎﻧﯩﺴﯩﻨﯩﯔ ﺗﯩﺮﯨﻜﭽﯩﻠﯩﻚ ﮬﻪﺭﯨﻜﯩﺘﯩﮕﻪ ﻣﺎﺳﻠﯩﺸﯩﭗ ﻛﻪﺗﻜﻪﻥ، ﻣﺎﻧﺎ ﮬﺎﺯﯨﺮ ﺋﻮﺭﻣﺎ ﯞﻩ ﺧﺎﻣﺎﻥ ﻧﺎﺧﺸﯩﻠﯩﺮﯨﻨﯩﯔ ﺋﻮﺭﻧﯩﻨﻰ ﺗﺮﺍﻛﺘﻮﺭﻧﯩﯔ ﺋﺎﯞﺍﺯﻯ، ﺗﯜﮔﻤﻪﻥ ﺑﯧﺸﯩﺪﯨﻜﻰ ﺑﯘﺭﻏﯩﻨﯩﯔ ﺋﺎﯞﺍﺯﯨﻨﻰ ﺗﻮﻙ ﺗﯜﮔﻤﻪﻧﻨﯩﯔ ﺋﺎﯞﺍﺯﻯ ﺋﺎﻟﻐﺎﻥ. ﺋﻪﻣﺪﻯ ﺳﯘﭼﯩﻼﺭﻧﯩﯔ، ﺋﻮﺗﯘﻧﭽﯩﻼﺭﻧﯩﯔ، ﺗﯘﺯﭼﯩﻼﺭﻧﯩﯔ، ﺟﯩﺴﻪﻛﭽﯩﻠﻪﺭﻧﯩﯔ ﺋﺎﮬﺎﯕﻠﯩﺮﯨﻨﻰ ﮬﻪﺭﮔﯩﺰ ﺋﺎﯕﻠﯩﻐﯩﻠﻰ ﺑﻮﻟﻤﺎﻳﺘﺘﻰ. ﮔﻮﻳﺎ ﮬﻪﺭ ﺑﯩﺮ ﻧﻪﺭﺳﻪ ﺋﯧﺘﯩﻘﺎﺩ، ﻣﯘﮬﻪﺑﺒﻪﺕ، ﺋﺎﺩﻩﻣﮕﻪﺭﭼﯩﻠﯩﻚ ﻗﺎﺗﺎﺭﻟﯩﻘﻼﺭ ﺑﺎﺯﺍﺭ ﺋﯩﻘﺘﯩﺴﺎﺩﯨﻨﯩﯔ ﺩﻭﻟﻘﯘﻧﯩﻐﺎ ﺋﻪﮔﯩﺸﯩﭗ ﺗﺎﯞﺍﺭﻟﯩﺸﯩﺸﻘﺎ ﻗﺎﺭﺍﭖ ﻳﯜﺯﻟﻪﻧﮕﻪﻥ، ﭘﯘﻝ ﺋﯧﯖﻰ ﺩﻩﺭﻩﺧﻠﻪﺭﻧﯩﯔ ﻳﻮﭘﯘﺭﻣﺎﻗﻠﯩﺮﻯ، ﺋﺎﻱ ﻧﯘﺭﻯ، ﻗﯘﺷﻼﺭﻧﯩﯔ ﺳﺎﻳﺮﺍﺷﻠﯩﺮﯨﻐﺎ ﻗﻪﺩﻩﺭ ﺳﯩﯖﯩﭗ ﻛﻪﺗﻜﻪﻧﯩﺪﻯ. ﻣﺎﺩﺩﯨﻲ ﺋﺎﻣﯩﻠﻼﺭﻻ ﺋﻪﻣﻪﺱ، ﺑﻪﻟﻜﻰ ﻓﻮﻟﻜﻠﻮﺭ ﯞﻩ ﻣﻪﻧﯩﯟﻯ ﺩﯗﻧﻴﺎﻏﺎ ﺗﻪﺋﻪﻟﻠﯘﻕ ﮬﯧﺴﺴﯩﻲ ﺋﺎﻣﯩﻠﻼﺭ ﺩﻩﯞﺭ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﭘﯘﻝ ﯞﻩﺳﯟﻩﺳﯩﺴﯩﺪﯨﻦ ﺋﯩﺒﺎﺭﻩﺕ ﻣﺎﮔﻨﯩﺘﻨﯩﯔ ﺋﻪﺗﺮﺍﭘﯩﻐﺎ ﺗﯚﻣﯜﺭ ﺋﯘﯞﺍﻗﭽﯩﻠﯩﺮﯨﺪﻩﻙ ﺋﯘﻳﯘﺷﯘﭖ ﻛﻪﺗﻜﻪﻧﯩﺪﻯ. ﺑﯘ ﺋﻪﮬﯟﺍﻟﻼﺭ ﻛﺎﺭﻝ ﻣﺎﺭﻛﺲ "ﭘﻪﻟﺴﻪﭘﻪ ﻧﺎﻣﺮﺍﺗﻠﯩﻘﻰ" ﺩﯦﮕﻪﻥ ﺋﻪﺳﯩﺮﯨﺪﻩ ﻗﻪﻳﺖ ﻗﯩﻠﯩﭗ ﺋﯚﺗﻜﻪﻥ:"ﺩﯗﻧﻴﺎ ﻻﺗﺎﭘﻪﺗﻠﯩﻚ ﺑﯩﺮ ﻛﯩﺘﺎﺏ، ﺷﯘﻧﺪﺍﻗﻼ ﺑﯘ ﻛﯩﺘﺎﺑﻨﻰ ﺋﻮﻗﯘﺷﻨﻰ ﺑﯩﻠﻤﻪﻳﺪﯨﻐﺎﻧﻼﺭ ﺋﯜﭼﯜﻥ ﺗﺎﯞﺍﺭ" ﺩﯦﮕﻪﻥ ﺳﯚﺯﯨﻨﻰ ﺋﻪﺳﻜﻪ ﺳﺎﻟﯩﺪﯗ. ﺑﯩﺮﺍﻕ ﺑﯘ ﭘﯩﻜﯩﺮ ﻛﯩﺸﯩﮕﻪ ﻣﯘﻧﺪﺍﻕ ﺑﯩﺮ ﻣﻪﺳﯩﻠﯩﻨﻰ ﻗﻮﻳﯩﺪﯗ: ﺩﯗﻧﻴﺎ ﻳﺎﻛﻰ ﺗﻪﺑﯩﺌﻪﺗﺘﯩﻦ ﺋﯩﺒﺎﺭﻩﺕ ﺑﯘ ﻛﺎﺗﺘﺎ ﺑﻪﺩﯨﺌﯩﻲ ﺋﻪﺳﻪﺭﻧﻰ ﺋﻮﻗﯘﺷﻨﻰ ﺑﯩﻠﮕﻪﻧﻠﻪﺭ ﻛﯧﻴﯩﻦ ﻧﯧﻤﻪ ﺋﯜﭼﯜﻥ ﺳﺎﯞﺍﺗﺴﯩﺰﻏﺎ ﺋﺎﻳﻠﯩﻨﯩﭗ ﻗﺎﻟﺪﻯ؟ ﺑﯘ ﻳﻪﺭﺩﻩ ﻣﻪﻧﯩﯟﻯ ﺑﺎﻳﻠﯩﻖ ﻗﺎﺭﯨﺸﻰ ﺋﻮﺗﺘﯘﺭﯨﺴﯩﺪﯨﻜﻰ ﻧﯩﺴﺒﻪﺗﺘﻪ ﺳﺎﻗﻠﯩﻨﯩﯟﺍﺗﻘﺎﻥ ﺗﻪﯕﭙﯘﯕﺴﯩﺰﻟﯩﻖ ﺋﺎﺷﻜﺎﺭﯨﻠﯩﻨﯩﺪﯗ. ﺳﻮﺗﺴﯩﻴﺎﻟﯩﺴﺘﯩﻚ ﺑﺎﺯﺍﺭ ﺋﯩﻘﺘﯩﺴﺎﺩﻯ ﺋﺎﻟﺪﻯ ﺑﯩﻠﻪﻥ ﺯﺍﯞﯗﺕ، ﻛﺎﻥ - ﻛﺎﺭﺧﺎﻧﯩﻼﺭ، ﺳﻮﺩﺍ ﺋﻮﺭﯗﻧﻠﯩﺮﻯ، ﭘﻮﭼﺘﺎ، ﻗﺎﺗﻨﺎﺵ، ﺗﯚﻣﯜﺭ ﻳﻮﻝ، ﺋﺎﯞﯨﺌﺎﺗﺴﯩﻴﻪ ﺗﺎﺭﻣﺎﻗﻠﯩﺮﯨﻨﯩﯔ ﺋﯩﻘﺘﯩﺴﺎﺩﯨﻲ ﺋﯩﻠﮭﺎﻣﯩﻨﻰ ﻗﻮﺯﻏﺎﭖ ﮬﻪﺗﺘﺎ ﻗﺎﻧﺎﺕ ﻳﺎﺳﺎﭖ ﺋﯘﭼﯘﺭﺩﻯ. ﺷﻪﮬﻪﺭﻟﻪﺭ ﺧﯧﻠﻰ ﻣﻪﺯﮔﯩﻞ ﺋﺎﺭﺯﯗﻟﯘﻕ ﺑﺎﻟﯩﻐﺎ ﺋﺎﻳﻠﯩﻨﯩﭗ ﻗﺎﻟﺪﻯ. ﺑﯘ، ﻣﯘﻗﻪﺭﺭﻩﺭ ﮬﺎﻟﺪﺍ ﻳﯧﺰﯨﻼﺭﻏﺎ ﺑﯧﺴﯩﻢ ﯞﻩ ﺟﯩﺪﺩﯨﻴﻠﯩﻚ ﺋﯧﻠﯩﭗ ﻛﻪﻟﺪﻯ. ﺷﯘﻧﺪﺍﻕ ﺋﯩﻜﻪﻥ، ﻣﺎﺩﺩﯨﻲ ﻣﯘﯞﻩﭘﭙﻪﻗﯩﻴﻪﺗﻠﻪﺭﮔﻪ ﺑﻮﻟﻐﺎﻥ ﭼﻮﻗﯘﻧﯘﺵ ﻳﯧﺰﯨﻼﺭﻏﯩﻤﯘ ﻳﺎﻣﺮﺍﭖ، ﺋﻪﺳﻠﯩﺪﯨﻼ ﺋﺎﺯ - ﺗﻮﻻ ﺗﻪﻳﻴﺎﺭﻟﯩﻘﻰ ﺑﻮﻟﻤﯩﻐﺎﻥ ﻳﯧﺰﺍ ﺧﻪﻟﻘﯩﻨﯩﯔ ﻣﻪﻧﯩﯟﯨﻴﯩﺘﯩﻨﻰ ﺗﻪﺑﯩﺌﻪﺕ ﻗﺎﻧﯘﻧﯩﻴﯩﺘﯩﮕﻪ ﺧﯩﻼﭖ ﻳﻮﺳﯘﻧﺪﺍ ﻏﯩﺪﯨﻘﻠﯩﺪﻯ.

ﺟﻪﻣﺌﯩﻴﻪﺗﺸﯘﻧﺎﺳﻼﺭ ﺟﻪﻣﺌﯩﻴﻪﺕ ﻗﯩﻴﺎﭘﻪﺗﻠﯩﺮﯨﻨﻰ ﮬﻪﺭ ﺧﯩﻞ ﻧﯘﻗﺘﯩﺪﺍ ﺗﯘﺭﯗﭖ ﭼﯜﺷﻪﻧﺪﯛﺭﯛﺷﺘﻰ. ﺟﻪﻣﺌﯩﻴﻪﺗﻨﯩﯔ ﺧﺎﺭﺍﻛﺘﯧﺮﻯ، ﺗﯩﭙﻰ ﯞﻩ ﺷﻪﻛﻠﯩﻨﻰ ﭼﯜﺷﻪﻧﺪﯛﺭﮔﻪﻧﺪﻩ، ﺑﻪﺯﯨﻠﻪﺭ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭﻧﻰ ﭼﯩﻘﯩﺶ ﻗﯩﻠﺪﻯ، ﺑﻪﺯﯨﻠﻪﺭ ﺭﻭﮬﯩﻲ، ﺩﯨﻨﯩﻲ ﺋﺎﻣﯩﻠﻼﺭﻧﻰ ﭼﯩﻘﯩﺶ ﻗﯩﻠﺪﻯ، ﺑﻪﺯﯨﻠﻪﺭ ﺗﻪﺑﯩﺌﯩﻲ ﺟﯘﻏﺮﺍﭘﯩﻴﯩﻠﯩﻚ ﻣﯘﮬﯩﺘﻨﻰ ﭼﯩﻘﯩﺶ ﻗﯩﻠﺪﻯ. ﺑﯘﻻﺭﻧﯩﯔ ﮬﻪﻣﻤﯩﺴﻰ ﺋﻮﺧﺸﯩﻤﯩﻐﺎﻥ ﺟﻪﻣﺌﯩﻴﻪﺕ ﺧﯩﻠﻠﯩﺮﻯ ﯞﻩ ﻗﺎﺗﻼﻣﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ ﻛﻪﺷﭙﯩﻴﺎﺗﻼﺭ ﺑﻮﻟﯘﭖ، ﻳﻪﻧﯩﻼ، ﺋﯩﻠﻤﯩﻲ ﮬﻪﻗﯩﻘﻪﺗﻠﻪﺭﻧﻰ ﺟﻪﻣﺌﯩﻴﻪﺕ ﺋﻪﻣﻪﻟﯩﻴﯩﺘﯩﮕﻪ، ﻗﺎﺭﯨﺘﺎ ﻗﺎﻧﺪﺍﻕ ﺗﻪﺩﺑﯩﻘﻼﺵ ﻣﻪﺳﯩﻠﯩﺴﯩﻨﻰ ﺋﻪﻛﺲ ﺋﻪﺗﺘﯜﺭﯛﭖ ﺑﯧﺮﯨﺪﯗ. ﺋﯘﻧﯩﯔ ﺋﯜﺳﺘﯩﮕﻪ ﻳﯘﻗﯩﺮﯨﻘﻰ ﺋﯧﻘﯩﻤﻼﺭ ﻏﻪﺭﺏ ﺟﻪﻣﺌﯩﻴﯩﺘﯩﻨﯩﯔ ﺋﻮﺧﺸﯩﻤﯩﻐﺎﻥ ﺩﻩﯞﺭﻟﻪﺭﺩﯨﻜﻰ ﻧﯘﺳﺨﯩﻠﯩﺮﻯ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﺑﻮﻟﯘﭖ، ﺋﯘ ﺋﺎﺭﻗﯩﻠﯩﻖ ﺷﻪﺭﻕ ﺟﻪﻣﺌﯩﻴﻪﺗﻠﯩﺮﻯ ﺩﯗﭺ ﻛﻪﻟﮕﻪﻥ ﻣﻪﺳﯩﻠﯩﻠﻪﺭﮔﻪ ﻣﯘﭘﻪﺳﺴﻪﻝ ﺟﺎﯞﺍﺏ ﺗﺎﭘﻘﯩﻠﻰ ﺑﻮﻟﻤﺎﻳﺪﯗ. ﺟﻪﻣﺌﯩﻴﻪﺗﺸﯘﻧﺎﺳﻠﯩﻖ ﻣﻪﺳﯩﻠﯩﻠﯩﺮﻯ ﺑﻪﺭﯨﺒﯩﺮ ﺋﺎﺩﻩﻡ ﺋﯜﺳﺘﯩﺪﻩ ﻛﻮﻧﻜﺮﯦﺘﻠﯩﺸﯩﺪﯗ، ﺋﺎﺩﻩﻣﻤﯘ ﻣﯘﺋﻪﻳﻴﻪﻥ ﻣﯘﮬﯩﺖ ﺋﯩﭽﯩﺪﻩ ﻛﻮﻧﻜﺮﯦﺘﻠﯩﺸﯩﺪﯗ. ﻣﻪﻳﻠﻰ ﺋﯩﺠﺘﯩﻤﺎﺋﯩﻲ ﺋﺎﺩﻩﻡ ﺑﻮﻟﺴﯘﻥ، ﻣﻪﻳﻠﻰ ﺗﻪﺑﯩﺌﯩﻲ ﺋﺎﺩﻩﻡ ﺑﻮﻟﺴﯘﻥ، ﺋﯘﻧﯩﯔ ﺋﯩﺮﻗﻰ، ﻣﯩﻠﻠﯩﻲ ﻣﻪﻧﯩﺴﯩﻨﯩﯔ ﻗﺎﻧﺪﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﺋﯘ ﺋﺎﻟﺪﻯ ﺑﯩﻠﻪﻥ ﺗﻪﺑﯩﺌﻪﺗﻨﯩﯔ ﺑﯩﺮ ﭘﺎﺭﭼﻪ ﺋﻪﺳﯩﺮﯨﺪﯗﺭ. ﺋﯘﻧﯩﯖﺪﺍ ﺑﻪﺭﯨﺒﯩﺮ ﺗﻪﺑﯩﺌﻪﺗﻨﯩﯔ ﺗﻮﻣﯘﺭﯨﺪﺍ ﻗﺎﻳﻨﺎﭖ ﺗﯘﺭﻏﺎﻥ ﻗﺎﻧﻨﯩﯔ ﺳﯩﻤﺎﺳﻰ ﺑﻮﻟﯩﺪﯗ. ﺧﯘﺩﺩﻯ ﺑﺎﻟﯩﻨﯩﯔ ﺗﻪﻗﻰ - ﺗﯘﺭﻗﻰ ﯞﻩ ﻣﯩﺠﻪﺯﻯ ﺋﺎﻧﺎ ﯞﻩ ﺋﺎﻧﺎ ﻳﺎﺷﯩﻐﺎﻥ ﻣﯘﮬﯩﺘﻨﯩﯔ ﺳﯜﭘﻪﺕ ﻣﻪﻧﯩﺴﯩﮕﻪ ﺑﺎﻏﻠﯩﻖ ﺑﻮﻟﻐﯩﻨﯩﺪﻩﻙ، ﻛﯩﺸﯩﻠﻪﺭﻧﯩﯔ ﺑﯩﺌﻮﻟﻮﮔﯩﻴﯩﻠﯩﻚ ﯞﻩ ﭘﺴﯩﺨﻮﻟﻮﮔﯩﻴﯩﻠﯩﻚ ﺳﺎﭘﺎﺳﻰ ﺷﯘﻧﺪﺍﻗﻼ ﺋﯩﺠﺘﯩﻤﺎﺋﯩﻲ ﺋﺎﻻﻣﯩﺘﻰ ﺋﺎﻧﺎ ﺗﻪﺑﯩﺌﻪﺕ ﺑﯩﻠﻪﻥ ﺑﯩﺮ ﺗﯘﺗﺎﺵ ﺑﻮﻟﯩﺪﯗ. ﺗﻪﺑﯩﺌﻪﺕ ﻣﯘﺋﻪﻳﻴﻪﻥ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ، ﺟﯘﻏﺮﺍﭘﯩﻴﯩﻠﯩﻚ ﻣﻪﺯﻣﯘﻧﻐﺎ ﺋﯩﮕﻪ. ﺗﺎﺭﯨﺨﯩﻲ ﻳﯩﻠﻼﺭ ﺩﺍﯞﺍﻣﯩﺪﺍ ﺑﯘ ﻣﻪﺯﻣﯘﻥ ﺋﯚﺯﮔﯩﺮﯨﺪﯗ ﻳﺎﻛﻰ ﺑﯘ ﻣﻪﺯﻣﯘﻧﻨﯩﯔ ﺋﯚﺯﮔﯩﺮﯨﺸﻰ ﺗﺎﺭﯨﺨﻨﯩﯔ ﺳﻪﮬﯩﭙﯩﺴﯩﻨﻰ ﺋﯚﺯﮔﻪﺭﺗﯩﺪﯗ.

ﻳﯧﺰﯨﻠﯩﺮﯨﻤﯩﺰﺩﯨﻜﻰ ﺧﺎﺱ ﻣﯩﻠﻠﯩﻲ ﮬﺎﻟﻪﺗﻠﻪﺭ ﻧﯧﻤﻪ ﺋﯜﭼﯜﻥ ﺷﯘﻧﭽﻪ ﺗﯧﺰ ﺋﯚﺯﮔﯩﺮﯨﺪﯗ؟ ﺋﻪﻧﻪ ﺷﯘ ﻣﯩﻠﻠﯩﻲ ﮬﺎﻟﻪﺗﻠﻪﺭﻧﯩﯔ ﺳﻪﻣﻪﺭﯨﺴﻰ ﺑﻮﻟﻐﺎﻥ ﺋﻪﻟﻨﻪﻏﻤﯩﻠﻪﺭ، ﻳﻮﺳﯘﻧﻼﺭ ﻧﻪﮔﻪ ﻛﻪﺗﺘﻰ؟ ﺋﺎﻟﺪﻯ ﺑﯩﻠﻪﻥ ﺑﯘ ﺭﺍﻳﻮﻧﺪﺍ ﻳﯜﺭﮔﯜﺯﯛﻟﯜﯞﺍﺗﻘﺎﻥ ﺋﯩﻘﺘﯩﺴﺎﺩﯨﻲ ﺳﯩﻴﺎﺳﻪﺗﻠﻪﺭ ﻣﯘﺷﯘ ﺯﯦﻤﯩﻨﻨﯩﯔ ﺭﻭﮬﻰ، ﺧﻪﻟﻘﻠﯩﺮﯨﻨﯩﯔ ﺭﻭﮬﻰ، ﺋﯘﻻﺭ ﺗﺎﺭﯨﺦ، ﺋﯩﺠﺘﯩﻤﺎﺋﯩﻲ ﻗﯘﺭﯗﻟﻤﯩﺴﻰ، ﺳﯜﺭﺋﯩﺘﻰ ﯞﻩ ﻧﯧﮕﯩﺰﻟﯩﻚ ﻣﻪﻧﯩﺴﯩﻨﻰ ﺷﺎﻟﻠﯩﺪﻯ. ﺑﺎﻳﻘﺎﺵ ﯞﻩ ﻗﺎﻧﯘﻧﻼﺷﺘﯘﺭﯗﺷﻘﺎ ﺗﯧﮕﯩﺸﻠﯩﻚ ﺑﻮﻟﻐﺎﻥ ﻣﯘﺷﯘ ﺯﯦﻤﯩﻨﻨﯩﯔ ﺧﺎﺱ ﺋﯩﺠﺘﯩﻤﺎﺋﯩﻲ ﺋﯩﻘﻠﯩﻤﯩﻨﯩﯔ ﻣﻪﮬﺴﯘﻟﻰ ﺑﻮﻟﯩﺪﯨﻐﺎﻥ ﺟﻪﻣﺌﯩﻴﻪﺕ ﻗﺎﻧﯘﻧﻰ ﯞﻩ ﺋﯩﻘﺘﯩﺴﺎﺩﯨﻲ ﻗﺎﻧﯘﻧﻰ ﻛﯚﻣﯜﻟﯜﭖ ﻗﯧﻠﯩﺶ ﺧﻪﯞﭘﯩﮕﻪ ﻳﯜﺯﻟﻪﻧﺪﻯ.

ﮔﯧﺮﻣﺎﻧﯩﻴﻪ ﺟﻪﻣﺌﯩﻴﻪﺗﺸﯘﻧﺎﺳﻰ ﻣﺎﻛﺲ ﯞﯨﺒﯧﺮ ﻗﻪﺩﯨﻤﻜﻰ ﺟﯘﯕﮕﻮ ﺟﻪﻣﺌﯩﻴﯩﺘﯩﻨﯩﯔ ﻣﺎﮬﯩﻴﻪﺗﻠﯩﺮﻯ ﮬﻪﻗﻘﯩﺪﻩ ﺗﻮﺧﺘﯩﻠﯩﭗ، ﻗﯩﺸﻼﻕ ﯞﻩ ﺷﻪﮬﻪﺭﻟﻪﺭﻧﯩﯔ ﭘﻪﻳﺪﺍ ﺑﻮﻟﯘﺷﻰ، ﺋﯘﻻﺭﻧﯩﯔ ﺳﯩﻴﺎﺳﻪﺕ، ﺋﯩﻘﺘﯩﺴﺎﺩ ﺟﻪﮬﻪﺗﺘﯩﻜﻰ ﺭﻭﻟﯩﻨﻰ ﻛﯘﯕﻔﯘﺯﻯ ﺭﻭﮬﯩﻨﻰ ﻣﻪﺭﻛﻪﺯ ﻗﯩﻠﻐﺎﻥ ﺑﯧﻜﯩﻨﻤﻪ ﮬﻮﻗﯘﻕ ﺳﯩﺴﺘﯧﻤﯩﺴﻰ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﭖ ﺋﯩﻨﭽﯩﻜﻪ ﺗﻪﮬﻠﯩﻞ ﻗﯩﻠﻐﺎﻥ. ﺋﯘ، ﺟﯘﯕﮕﻮﺩﯨﻜﻰ ﺷﻪﮬﻪﺭﻟﻪﺭﻧﯩﯔ ﭘﻪﻳﺪﺍ ﺑﻮﻟﯘﺷﻰ ﯞﻩ ﮔﯜﻟﻠﯩﻨﯩﺸﻰ ﻛﺎﺭﺧﺎﻧﯩﭽﯩﻼﺭﻧﯩﯔ ﺭﻭﻟﯩﻐﺎ ﺗﺎﻳﯩﻨﯩﭗ ﺋﻪﻣﻪﺱ، ﺑﻪﻟﻜﻰ ﻣﻪﻣﯘﺭﯨﻲ ﺑﺎﺷﻘﯘﺭﯗﺵ ﺋﻮﺭﮔﺎﻧﻠﯩﺮﯨﻨﯩﯔ ﭘﯩﻼﻧﻠﯩﺸﻰ ﺋﺎﺭﻗﯩﺴﯩﺪﺍ ﺑﻮﻟﻐﺎﻥ، ﭘﺎﺕ - ﭘﺎﺕ ﻳﯜﺯ ﺑﯧﺮﯨﺪﯨﻐﺎﻥ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻠﻪﺭ ﯞﻩ ﺳﯘﻻﻟﯩﻠﻪﺭﻧﯩﯔ ﺋﺎﻟﻤﯩﺸﯩﺸﻠﯩﺮﻯ ﮬﯚﻛﯜﻣﺮﺍﻧﻼﺭﻧﯩﯔ ﻣﯘﺩﺍﭘﯩﺌﻪﻟﯩﻨﯩﺶ ﺋﯧﮭﺘﯩﻴﺎﺟﯩﻨﻰ ﻛﯜﭼﻪﻳﺘﯩﭗ، ﺷﻪﮬﻪﺭﻟﻪﺭ ﻗﯧﻠﯩﻦ ﺳﯧﭙﯩﻠﻼﺭ ﺑﯩﻠﻪﻥ ﻗﻮﺭﺷﺎﻟﻐﺎﻥ، ﻧﻪﺗﯩﺠﯩﺪﻩ، ﭘﯘﻗﺮﺍﻻﺭ ﺷﻪﮬﻪﺭ ﺋﯩﭽﯩﺪﻩ ﺑﯧﻜﯩﻨﯩﭗ ﻳﺎﺷﺎﭖ، ﺋﻪﺭﻛﯩﻦ ﺳﻮﺩﺍ ﻛﺎﺭﯞﺍﻧﻠﯩﺮﯨﻐﺎ ﺋﺎﻳﻠﯩﻨﺎﻟﻤﯩﻐﺎﻥ، ﺩﻩﭖ ﺷﻪﺭﮬﻠﻪﻳﺪﯗ.

ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺋﯚﺯﯨﻨﯩﯔ ﺧﺎﺱ ﺟﯘﻏﺮﺍﭘﯩﻴﯩﯟﻯ، ﺋﯩﻘﺘﯩﺴﺎﺩﯨﻲ، ﻣﻪﺩﻩﻧﯩﻲ ﺳﯩﺴﺘﯧﻤﯩﻠﯩﺮﻯ ﺑﯩﻠﻪﻥ ﺟﯜﻣﻠﯩﺪﯨﻦ ﺋﯩﭽﻜﻰ ﺋﯚﻟﻜﯩﻠﻪﺭﮔﻪ ﺋﻮﺧﺸﯩﻤﺎﻳﺪﯨﻐﺎﻥ ﺗﻪﺑﯩﺌﻪﺕ ﻗﺎﺭﯨﺸﻰ ﯞﻩ ﺩﯨﻨﯩﻲ ﺋﯧﺘﯩﻘﺎﺩﻯ ﺑﯩﻠﻪﻥ ﯞﯗﺟﯘﺩﻗﺎ ﻛﯧﻠﯩﭗ، ﺗﻪﺭﻩﻗﻘﯩﻲ ﻗﯩﻠﻐﺎﻥ. ﺗﺎﺭﯨﺨﺘﯩﻜﻰ "ﻳﯩﭙﻪﻙ ﻳﻮﻟﻰ" ﺋﻪﺟﺪﺍﺩﻟﯩﺮﯨﻤﯩﺰ ﻳﺎﺷﯩﻐﺎﻥ ﺑﯘ ﻗﻪﺩﯨﻤﯩﻲ ﺩﯨﻴﺎﺭﻧﻰ ﺳﻮﺩﺍ ﯞﻩ ﻣﻪﺩﻩﻧﯩﻴﻪﺗﻨﯩﯔ ﻣﻪﺭﻛﯩﺰﯨﮕﻪ ﺋﺎﻳﻼﻧﺪﯗﺭﯗﭖ، ﺩﯗﻧﻴﺎﯞﻯ ﻣﻪﺩﻩﻧﯩﻴﻪﺗﻨﯩﯔ ﻏﻮﻟﻠﯘﻕ ﺋﯧﻘﯩﻨﻠﯩﺮﻯ ﺧﻪﻟﻘﯩﻤﯩﺰﻧﯩﯔ ﺗﯘﺭﻣﯘﺵ ﺩﯦﯖﯩﺰﯨﻐﺎ ﺭﺍﯞﺍﻥ ﻗﯘﻳﯘﻟﯘﭖ ﺗﯘﺭﻏﺎﻥ، ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺑﯘ ﺗﯘﭘﺮﺍﻗﻨﯩﯔ ﺳﻮﺩﺍ ﻛﺎﺭﯞﺍﻧﻠﯩﺮﻯ ﻳﯩﺮﺍﻕ ﺋﻪﻟﻠﻪﺭﮔﻪ ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﺗﺎﺭﺍﺗﻘﺎﻥ. ﭘﻪﻳﻼﺳﻮﭖ ﯞﻩ ﺟﻪﻣﺌﯩﻴﻪﺗﺸﯘﻧﺎﺱ ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﻛﺎﺗﺘﺎ ﺋﻪﺳﯩﺮﻯ "ﻗﯘﺗﺎﺩﻏﯘ ﺑﯩﻠﯩﻚ" ﺩﻩ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﯞﻩ ﻣﻪﺩﻩﻧﯩﻴﯩﺘﯩﻨﯩﯔ ﺗﯩﭙﯩﻚ ﻣﯘﺟﻪﺳﺴﯩﻤﻰ ﺑﻮﻟﻐﺎﻥ ﺩﯙﻟﻪﺕ، ﮬﻮﻗﯘﻕ ﻗﯘﺭﯗﻟﻤﯩﺴﻰ، ﻗﺎﻧﯘﻥ ﺭﻭﮬﻰ، ﺗﻪﺑﯩﺌﻪﺕ ﺭﻭﮬﻰ ﻣﯘﭘﻪﺳﺴﻪﻝ ﺋﻪﻛﺲ ﺋﻪﺗﻜﻪﻥ.

ﺋﺎﺩﻩﻡ ﮬﺎﻳﺎﺗﻠﯩﻘﻨﯩﯔ ﺑﯩﺮ ﺋﻪﺯﺍﺳﻰ ﻧﯘﻗﺘﯩﺴﯩﺪﯨﻦ ﺗﻪﺑﯩﺌﯩﻲ ﻣﯘﮬﯩﺘﻨﯩﯔ ﻓﯘﻧﻜﺴﯩﻴﯩﻠﯩﻚ ﻣﻪﻧﯩﺴﯩﮕﻪ ﺋﺎﻟﯩﻲ ﺩﻩﺭﯨﺠﯩﺪﻩ ﯞﻩﻛﯩﻠﻠﯩﻚ ﻗﯩﻠﯩﺪﯗ. ﺋﯘﻧﯩﯔ ﺟﻪﻣﺌﯩﻴﻪﺕ ﺩﺍﺋﯩﺮﯨﺴﯩﺪﯨﻜﻰ ﺳﯘﺑﻴﯧﻜﺘﯩﭗ ﭘﺎﺋﺎﻟﯩﻴﻪﺗﭽﺎﻧﻠﯩﻘﻰ ﻳﻪﻧﯩﻼ ﺗﻪﺑﯩﺌﻪﺗﻨﯩﯔ ﺋﯩﭙﺘﯩﺪﺍﺋﯩﻲ ﺭﯨﺸﺘﻰ، ﺯﻭﻗﻰ، ﺋﯩﻠﮭﺎﻣﻰ ﯞﻩ ﮬﺎﻳﺎﺗﺒﻪﺧﺶ ﺋﯘﭼﯘﺭﻟﯩﺮﯨﻨﻰ ﺷﻪﺭﺕ ﻗﯩﻠﯩﺪﯗ. ﺑﯩﺰ ﺑﻪﺩﻩﻧﺪﻩ ﻣﯘﺋﻪﻳﻴﻪﻥ ﺑﯩﺮ ﻗﺎﻧﯘﻧﯩﻴﻪﺗﻠﯩﻚ ﮬﻪﺭﯨﻜﻪﺗﻨﯩﯔ ﺑﺎﺭﻟﯩﻘﯩﻐﺎ ﺋﯩﺸﯩﻨﯩﺪﯨﻜﻪﻧﻤﯩﺰ، ﺋﯘﻧﺪﺍﻗﺘﺎ، ﺋﯘﻧﯩﯔ ﺗﻪﺑﯩﺌﻪﺗﻨﯩﯔ ﻗﺎﻧﯘﻧﯩﻴﻪﺗﻠﯩﻚ ﮬﻪﺭﯨﻜﯩﺘﻰ ﺑﯩﻠﻪﻥ ﮔﺎﺭﻣﻮﻧﯩﻚ ﺭﻩﯞﯨﺸﺘﻪ ﺗﯘﺭﯨﺪﯨﻐﺎﻧﻠﯩﻘﯩﻨﯩﻤﯘ ﺋﯧﺘﯩﺮﺍﭖ ﻗﯩﻠﯩﻤﯩﺰ. ﺋﯩﻨﺴﺎﻥ ﺭﻭﮬﯩﻨﯩﯔ ﻗﺎﻧﯘﻧﯩﻴﻪﺗﻠﯩﻚ ﮬﻪﺭﯨﻜﯩﺘﻰ ﯞﻩ ﺟﻪﻣﺌﯩﻴﻪﺗﻨﯩﯔ ﻗﺎﻧﯘﻧﯩﻴﻪﺗﻠﯩﻚ ﮬﻪﺭﯨﻜﯩﺘﯩﭽﯘ؟ ﺩﯦﻤﻪﻙ، ﺋﯩﻨﺴﺎﻧﯩﻴﻪﺗﻨﯩﯔ ﻣﻪﯞﺟﯘﺗﻠﯘﻕ ﺩﯗﻧﻴﺎﺳﯩﺪﺍ ﺑﯩﺮ ﺋﻮﻣﯘﻣﯩﻲ ﻗﺎﻧﯘﻧﯩﻴﻪﺕ ﺑﺎﺭ. ﺑﯘ ﻗﺎﻧﯘﻧﯩﻴﻪﺗﺘﯩﻜﻰ ﺑﯩﺮﺩﯨﻨﺒﯩﺮ ﻣﺎﮬﯩﻴﻪﺕ ﺑﯩﺮ - ﺑﯩﺮﯨﮕﻪ ﺗﯜﭘﺘﯩﻦ ﺋﻮﺧﺸﯩﻤﺎﻳﺪﯨﻐﺎﻥ ﺷﻪﻛﻠﯩﻲ ﺋﯚﺯﮔﯩﺮﯨﺶ ﺑﯩﻠﻪﻥ ﺗﻪﺑﯩﺌﻪﺕ، ﺋﺎﺩﻩﻡ، ﺟﻪﻣﺌﯩﻴﻪﺕ ﺯﻩﻧﺠﯩﺮﻟﯩﺮﯨﮕﻪ ﺳﯩﯖﯩﭗ ﻛﻪﺗﻜﻪﻥ.ﺗﻪﺑﯩﺌﻪﺕ ﻗﺎﻧﯘﻧﯩﻨﯩﯔ ﺋﯧﻼﺳﺘﯩﻜﯩﻠﯩﻖ ﺧﯘﺳﯘﺳﯩﻴﯩﺘﻰ ﺋﯩﻨﺘﺎﻳﯩﻦ ﻛﯜﭼﻠﯜﻙ ﺑﻮﻟﯘﭖ، ﺋﯩﻨﺴﺎﻧﻼﺭ ﺟﻪﻣﺌﯩﻴﯩﺘﯩﻨﯩﯔ ﻗﯩﻠﻤﯩﺸﻠﯩﺮﻯ ﻣﯘﺋﻪﻳﻴﻪﻥ ﺑﯩﺮ ﭘﻪﻟﻠﯩﮕﻪ ﻳﻪﺗﻜﻪﻧﺪﻩ، ﺋﺎﻧﺪﯨﻦ ﺋﯚﺯﯨﻨﯩﯔ ﺳﻮﺗﯩﻨﻰ ﺋﯜﺯﯛﻝ - ﻛﯧﺴﯩﻞ ﺋﺎﭼﯩﺪﯗ.

ﻣﯩﻠﻠﻪﺗﻠﻪﺭ ﺋﻮﺧﺸﯩﻤﯩﻐﺎﻧﯩﻜﻪﻥ، ﺋﯘﻻﺭﻧﯩﯔ ﺋﯚﺗﻤﯜﺵ ﺗﺎﺭﯨﺨﯩﻲ ﺩﻩﯞﺭﻟﻪﺭﺩﯨﻜﻰ ﺟﻪﻣﺌﯩﻴﻪﺗﻠﯩﺮﯨﻨﯩﯔ ﻳﯩﻠﺘﯩﺰﻯ، ﻣﻪﺩﻩﻧﯩﻴﻪﺕ ﻗﺎﺗﻠﯩﻤﻰ، ﺋﯩﻘﺘﯩﺴﺎﺩﯨﻲ ﻗﺎﻧﯘﻧﯩﻴﻪﺗﻠﯩﺮﻯ ﺋﻮﺧﺸﯩﻤﯩﻐﺎﻥ ﺑﻮﻟﯩﺪﯗ، ﺋﯘﻻﺭ ﺋﯚﺯﯨﮕﻪ ﺧﺎﺱ ﺗﺎﺭﯨﺨﯩﻲ ﻣﯘﮬﯩﺖ ﺋﯩﭽﯩﺪﻩ ﺷﻪﻛﯩﻠﻠﻪﻧﮕﻪﻥ ﺋﯩﺠﺘﯩﻤﺎﺋﯩﻲ ﺋﯧﻜﻮﻟﻮﮔﯩﻴﯩﺪﻩ ﻳﺎﺷﺎﭖ ﻛﯚﻧﮕﻪﻥ، ﺋﻮﻳﻠﯩﻐﺎﻥ ﯞﻩ ﺋﯩﺠﺎﺩ ﻗﯩﻠﻐﺎﻥ. ﺋﻪﮔﻪﺭ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺗﻪﻗﺪﯨﻢ ﺋﯧﺘﯩﻠﮕﻪﻥ ﺟﻪﻣﺌﯩﻴﻪﺕ ﻧﯘﺳﺨﯩﻠﯩﺮﻯ، ﺑﺎﺷﻘﯘﺭﯗﺵ ﻗﯘﺭﯗﻟﻤﯩﻠﯩﺮﻯ ﯞﻩ ﺋﯩﻘﺘﯩﺴﺎﺩﯨﻲ ﻳﯜﺭﮔﯜﺯﯛﻟﻤﯩﻠﻪﺭ ﻳﻪﺭﻟﯩﻚ ﺧﻪﻟﻘﻨﯩﯔ ﻣﻪﻧﯩﯟﻯ ﺋﺎﺗﻤﻮﺳﻔﯧﺮﺍﺳﯩﻨﯩﯔ ﻣﯘﯞﺍﭘﯩﻖ ﺗﺎﻟﻠﯩﺸﯩﻐﺎ ﺗﺎﭘﺸﯘﺭﯗﻟﻤﯩﺴﺎ، ﻳﻪﺭﻟﯩﻚ ﺧﻪﻟﻘﻨﯩﯔ ﺩﯗﻧﻴﺎ ﻗﺎﺭﯨﺸﻰ، ﻗﯩﻤﻤﻪﺕ ﻗﺎﺭﯨﺸﻰ، ﺋﯧﺘﯩﻘﺎﺩﯨﻨﯩﯔ ﻳﯜﻛﺴﯩﻠﯩﺶ ﺳﯜﺭﺋﯩﺘﻰ ﺑﯩﻠﻪﻥ ﻣﺎﺱ ﻗﻪﺩﻩﻡ ﮬﺎﺳﯩﻞ ﻗﯩﻠﻤﯩﺴﺎ، ﻛﯩﺸﯩﻠﻪﺭ ﻗﻪﻟﺒﯩﺪﯨﻜﻰ ﻏﯘﺭﯗﺭ - ﺋﯩﭙﺘﯩﺨﺎﺭﻻﺭﻏﺎ ﯞﻩﻛﯩﻠﻠﯩﻚ ﻗﯩﻠﻤﯩﺴﺎ، ﻗﯩﺴﻘﯩﺴﻰ، ﻳﻪﺭﻟﯩﻚ ﺧﻪﻟﻘﻨﯩﯔ ﺋﯩﭽﻜﻰ ﺗﻪﻗﻪﺯﺯﺍﺳﻰ ﺑﻪﻟﮕﯩﻠﯩﮕﻪﻥ ﺯﯙﺭﯛﺭ ﺋﯧﮭﺘﯩﻴﺎﺟﻐﺎ ﺋﺎﻳﻠﯩﻨﺎﻟﻤﯩﺴﺎ، ﻣﯩﻠﻠﯩﻲ ﺟﻪﻣﺌﯩﻴﻪﺗﻨﯩﯔ ﺋﯧﻜﻮﻟﻮﮔﯩﻴﯩﻠﯩﻚ ﻗﯘﺭﯗﻟﻤﯩﺴﻰ ﻛﺎﺭﺩﯨﻦ ﭼﯩﻘﯩﺪﯗ. ﺷﯘ ﭼﺎﻏﺪﺍ ﺑﯩﺰ ﻣﯩﻠﻠﯩﻲ ﻣﻪﺩﻩﻧﯩﻴﻪﺕ ﺗﯘﭘﺮﯨﻘﯩﺪﯨﻜﻰ ﺯﻭﺭ ﻳﻮﻗﯩﺘﯩﺸﻼﺭﻧﻰ، ﺋﻪﺧﻼﻗﯩﻲ ﺑﯘﺯﯗﻟﯘﺷﻼﺭﻧﻰ، ﺗﻪﺑﯩﺌﻪﺗﻨﯩﯔ ﺋﯧﻐﯩﺮ ﺧﺎﻧﯩﯟﻩﻳﺮﺍﻥ ﮬﺎﻟﯩﺘﯩﻨﻰ، ﺋﻪﻗﯩﻠﻨﯩﯔ ﭼﯩﺮﯨﮕﻪﻥ ﻣﯘﺭﺩﯨﻠﯩﺮﯨﻨﻰ، ﺋﺎﮬﺎﻟﯩﻠﻪﺭﻧﯩﯔ ﭘﺎﺳﺴﯩﭗ ﺗﯩﺮﯨﻜﭽﯩﻠﯩﻜﯩﻨﻰ، ﺋﯘﻻﺭﻧﯩﯔ ﻛﻪﻣﺴﯩﺘﯩﻠﮕﻪﻥ ﺭﻭﮬﯩﻲ ﻣﯘﮬﯩﺘﺘﯩﻜﻰ ﺗﯧﭙﯩﺮﻻﺷﻠﯩﺮﯨﻨﻰ ﻛﯚﺭﻣﻪﻱ ﻗﺎﻟﻤﺎﻳﻤﯩﺰ.

ﺑﯩﭙﺎﻳﺎﻥ ﭼﯚﻝ - ﺟﻪﺯﯨﺮﯨﻠﻪﺭﻧﻰ ﻛﯧﺴﯩﭗ ﺋﯚﺗﻜﻪﻥ ﺗﯚﻣﯜﺭ ﻳﻮﻟﻼﺭ ﻳﯧﯖﻰ ﺷﻪﮬﻪﺭ - ﻣﻪﮬﻪﻟﻠﯩﻠﻪﺭﻧﻰ ﺑﯩﻨﺎ ﻗﯩﻠﺪﻯ. ﻳﯧﯖﯩﺪﯨﻦ ﻳﺎﺳﺎﻟﻐﺎﻥ ﺗﺎﺷﻴﻮﻟﻼﺭ ﺧﯩﻠﯟﻩﺕ ﻳﯧﺰﯨﻼﺭﻏﺎ ﻗﻪﺩﻩﺭ ﺗﯘﺗﺎﺷﺘﻰ. ﺗﻮﻙ ﺑﯩﺮ ﻗﯩﺴﯩﻢ ﻳﯧﺰﯨﻼﺭﻏﺎ ﺋﯚﺯﮔﯩﭽﻪ ﺗﯘﺭﻣﯘﺵ ﻣﻪﻧﺰﯨﺮﯨﺴﯩﻨﻰ ﺋﯧﻠﯩﭗ ﻛﻪﻟﺪﻯ.ﺗﯧﻠﯧﯟﯨﺰﻭﺭ ﻳﯧﺰﺍ ﺑﻮﺳﯘﻏﯩﻠﯩﺮﯨﺪﯨﻦ ﺋﺎﺗﻼﺷﻘﺎ ﺑﺎﺷﻠﯩﺪﻯ. ﺗﻮﻙ ﺑﯩﻠﻪﻥ ﺑﻮﻟﯩﺪﯨﻐﺎﻥ ﺋﻪﺳﻠﯩﮭﻪﻟﻪﺭ ﺋﻪﻣﺪﯨﻠﻪﺗﯩﻦ ﭘﻪﻳﺪﺍ ﺑﻮﻟﯘﭖ، ﺋﻪﻧﺌﻪﻧﯩﯟﻯ ﻗﻮﺭﺍﻝ - ﺋﯜﺳﻜﯜﻧﯩﻠﻪﺭ ﺑﯩﺮ - ﺑﯩﺮﻟﻪﭖ ﺋﻪﻣﻪﻟﺪﯨﻦ ﻗﯧﻠﯩﺸﻘﺎ ﺑﺎﺷﻠﯩﺪﻯ. ﺗﻮﻙ ﺗﯜﮔﻤﯩﻨﻰ ﺳﯘ ﺗﯜﮔﻤﯩﻨﯩﻨﻰ ﺋﯩﻨﻜﺎﺭ ﻗﯩﻠﯩﺸﻘﺎ ﺑﺎﺷﻠﯩﺪﻯ، ﻣﺎﻱ ﺯﺍﯞﯗﺗﻰ ﺟﯘﯞﺍﺯﻧﻰ ﺋﯩﻨﻜﺎﺭ ﻗﯩﻠﺪﻯ. ﺳﯘﻟﻴﺎﯞ ﯞﻩ ﺑﺎﺷﻘﺎ ﻗﯧﺘﯩﺸﻤﯩﻼﺭﺩﯨﻦ ﻳﺎﺳﺎﻟﻐﺎﻥ ﺋﯚﻱ ﺳﺎﻳﻤﺎﻧﻠﯩﺮﻯ ﺋﻪﺳﻠﯩﺪﯨﻜﻰ ﻳﺎﻏﺎﭺ ﺳﺎﻳﻤﺎﻧﻼﺭﻧﻰ، ﻗﺎﭘﺎﻗﻼﺭﻧﻰ، ﻣﯩﺲ ﭼﯚﮔﯜﻥ، ﻣﯩﺲ ﻗﺎﺯﺍﻧﻼﺭﻧﻰ ﺋﯩﻨﻜﺎﺭ ﻗﯩﻠﺪﻯ. ﺑﯩﺮ ﺗﯘﺗﺎﺵ ﺗﺎﺭﻗﯩﺘﯩﻠﯩﺪﯨﻐﺎﻥ ﻣﯩﻠﻠﯩﻲ ﺗﯘﺭﻣﯘﺷﻘﺎ ﻳﺎﺕ ﺗﯧﻠﯧﯟﯨﺰﯨﻴﻪ ﻧﻮﻣﯘﺭﻟﯩﺮﻯ ﻣﻪﮬﻪﻟﻠﯩﯟﻯ ﺳﻪﻧﺌﻪﺗﻨﻰ ﺋﯩﻨﻜﺎﺭ ﻗﯩﻠﺪﻯ. ﺋﯜﻧﺌﺎﻟﻐﯘ، ﺳﯩﻨﺌﺎﻟﻐﯘ ﻟﯧﻨﺘﯩﻠﯩﺮﻯ ﺧﻪﻟﻖ ﺳﺎﺯﻩﻧﺪﯨﻠﯩﺮﻯ ﯞﻩ ﻧﺎﺧﺸﯩﭽﯩﻠﯩﺮﯨﻨﻰ ﺑﯩﺮ ﻣﻪﺯﮔﯩﻞ ﻳﯧﺘﯩﻢ ﻗﺎﻟﺪﯗﺭﺩﻯ...ﻣﺎﻧﺎ ﺑﯘﻻﺭﻧﯩﯔ ﮬﻪﻣﻤﯩﺴﻰ ﺑﯩﺰﻧﻰ ﺗﻪﻧﺘﻪﻧﻪ ﻗﯩﻠﺪﯗﺭﻏﺎﻥ ﺋﯩﺠﺘﯩﻤﺎﺋﯩﻲ ﺗﻪﺭﻩﻗﻘﯩﻴﺎﺗﻨﯩﯔ ﺋﺎﻻﻣﻪﺗﻠﯩﺮﻯ. ﺯﺍﻣﺎﻧﯩﯟﯨﻠﯩﺸﯩﺶ، ﺩﯗﻧﻴﺎﯞﻯ ﺗﻪﺭﻩﻗﻘﯩﻴﺎﺕ ﺑﯩﻠﻪﻥ ﺑﯩﺮﮔﻪﯞﺩﯨﻠﯩﺸﯩﺶ، ﺋﯩﻨﺴﺎﻧﻐﺎ ﻣﻪﻧﺴﯘﭖ ﺑﻮﻟﯩﺪﯨﻐﺎﻥ ﺑﺎﺭﻟﯩﻖ ﺋﯩﺠﺘﯩﻤﺎﺋﯩﻲ ﺋﻪﯞﺯﻩﻟﻠﯩﻜﻠﻪﺭﮔﻪ ﺋﯧﺮﯨﺸﯩﺶ ﺧﻪﻟﻘﯩﻤﯩﺰﻧﯩﯔ ﺋﺎﺭﺯﯗﺳﻰ. ﺑﯩﺮﺍﻕ ﺋﯚﺯﯨﻨﯩﯔ ﻣﻪﺩﻩﻧﯩﻴﻪﺕ ﺟﻪﮬﻪﺗﺘﯩﻜﻰ ﺋﺎﻧﺎ ﻳﯩﻠﺘﯩﺰﯨﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﺶ ﺑﯩﺰﻧﯩﯔ ﺧﻪﻟﻘﯩﻤﯩﺰﻧﯩﯔ ﺋﺎﺭﺯﯗﺳﻰ ﺋﻪﻣﻪﺱ. ﺧﻪﻟﻘﯩﻤﯩﺰ ﺋﯚﺯﻯ ﻗﻮﻟﻠﯩﻨﯩﯟﺍﺗﻘﺎﻥ ﮬﻪﺭ ﺑﯩﺮ ﻗﻮﺭﺍﻟﺪﺍ ﻳﺎﻛﻰ ﮬﻪﺭ ﺑﯩﺮ ﺳﯩﺴﺘﯧﻤﺎ ﯞﻩ ﻳﺎﻛﻰ ﻓﻮﺭﻣﯩﺪﺍ ﺋﯚﺯﯨﻨﻰ ﻛﯚﺭﻩﻟﯩﺸﻰ، ﺋﯚﺯﯨﻨﯩﯔ ﺋﯩﺠﺎﺩ ﻗﯩﻠﯩﺶ، ﻛﻪﺷﯩﭗ ﻗﯩﻠﯩﺶ ﺟﻪﮬﻪﺗﺘﯩﻜﻰ ﺧﺎﺱ ﺭﻭﮬﯩﻨﻰ ﺟﺎﺭﻯ ﻗﯩﻠﺪﯗﺭﺍﻟﯩﺸﻰ، ﺋﯘﻻﺭ ﺋﯚﺯ ﺋﻪﻗﻠﯩﻨﯩﯔ ﻣﯘﻧﺎﺳﯩﭗ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻗﺎﺗﻨﺎﺷﺘﯘﺭﺍﻟﯩﺸﻰ، ﺋﻮﻣﯘﻣﻪﻥ، ﺗﻪﺭﻩﻗﻘﯩﻴﺎﺗﻨﯩﯔ ﮬﻪﺭﺑﯩﺮ ﺩﻭﻟﻘﯘﻧﯩﺪﺍ ﺋﯚﺯ ﺋﯩﺮﺍﺩﯨﺴﯩﻨﯩﯔ ﻳﺎﺭﻗﯩﻦ ﺟﯩﻠﯟﯨﺴﯩﻨﻰ ﺋﯘﭼﺮﯨﺘﺎﻟﯩﺸﻰ ﻛﯧﺮﻩﻙ. ﺑﺎﺭﻟﯩﻖ ﺋﻪﻗﻠﻰ ﯞﻩ ﻣﯜﻟﻜﯩﻨﻰ ﺋﯧﺘﯩﺰ - ﺋﯧﺮﯨﻘﻨﻰ ﻣﻪﺭﻛﻪﺯ ﻗﯩﻠﻐﺎﻥ ﺋﯩﺸﻠﻪﭘﭽﯩﻘﯩﺮﯨﺶ ﺳﯩﺴﺘﯧﻤﯩﺴﯩﻐﺎ ﺑﻪﻧﺖ ﻗﯩﻠﯩﯟﯦﺘﯩﭗ، ﺋﯚﺳﯜﻣﻠﯜﻙ ﮬﺎﻳﺎﺗﯩﺪﻩﻙ ﭘﺎﺳﺴﯩﭗ ﺋﯩﻨﻜﺎﺱ ﺑﻪﺩﯨﻠﯩﮕﻪ ﺋﯧﺮﯨﺸﯩﻠﮕﻪﻥ ﺗﯘﺭﻣﯘﺵ ﯞﺍﺳﯩﺘﯩﻠﯩﺮﻯ ﺩﻩﻝ ﻣﯩﻠﻠﯩﻲ ﺟﻪﻣﺌﯩﻴﻪﺕ ﺑﯩﻠﻪﻥ ﻣﯩﻠﻠﯩﻲ ﻣﻪﺩﻩﻧﯩﻴﻪﺗﻨﯩﯔ ﻗﻪﺗﻠﯩﮕﺎﮬﯩﺪﯗﺭ.

ﺋﯜﺭﯛﻣﭽﻰ ﻣﯩﻠﻠﯩﻲ ﻣﻪﺩﻩﻧﯩﻴﯩﺘﯩﻤﯩﺰ ﺋﯧﻠﯩﭗ ﭼﯩﻘﯩﯟﺍﺗﻘﺎﻥ ﺗﺮﺍﮔﯧﺪﯨﻴﯩﻠﯩﻚ ﺭﻭﻟﻨﯩﯔ ﺋﻪﯓ ﺗﯩﭙﯩﻚ ﺳﻪﮬﻨﯩﺴﻰ. ﺑﯜﮔﯜﻧﻜﻰ ﻛﯜﻧﺪﻩ ﺑﯘ ﺋﻪﯓ ﭼﻮﯓ ﺷﻪﮬﻪﺭﻧﻰ ﻗﯧﺮﻯ ﻣﻪﺩﻩﻧﯩﻴﻪﺕ ﺳﺎﮬﯩﺒﻰ ﺑﻮﻟﻤﯩﺶ ﺑﯩﺮ ﻣﯩﻠﻠﯩﻲ ﺭﺍﻳﻮﻧﻨﯩﯔ ﺋﻪﻳﻨﯩﻜﻰ ﺩﯦﻴﯩﺶ ﻗﯩﻴﯩﻦ. ﺑﯜﮔﯜﻧﻜﻰ ﺋﯜﺭﯛﻣﭽﯩﻨﯩﯔ ﻗﯩﻴﺎﭘﯩﺘﻰ، ﻛﻪﻳﭙﯩﻴﺎﺗﻰ،ﺋﺎﻻﻗﻪ ﯞﺍﺳﯩﺘﯩﻠﯩﺮﻯ ﯞﻩ ﻓﻮﺭﻣﯩﻠﯩﺮﻯ ﺋﻪﯞﻻﺩ ﻗﺎﻟﺪﯗﺭﯗﺵ ﺋﯩﻘﺘﯩﺪﺍﺭﻯ ﺑﻮﻟﻤﯩﻐﺎﻥ ﻗﯧﭽﯩﺮ ﻣﻪﺩﻩﻧﯩﻴﻪﺗﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ ﺑﻮﻟﯘﭖ، ﻏﻪﺭﺏ ﻛﯩﻨﻮ - ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺷﺎﻟﻼﻧﻤﺎ ﺑﯘﻳﯘﻣﻠﯩﺮﻯ ﯞﻩ ﺋﯘﻧﯩﯖﻐﺎ ﺑﻮﻟﻐﺎﻥ ﻧﺎﺩﺍﻧﻼﺭﭼﻪ ﺗﻪﻗﻠﯩﺪ ﺑﯩﻠﻪﻥ، ﺋﯩﭽﻜﻰ ﺋﯚﻟﻜﯩﻠﻪﺭﺩﯨﻜﻰ ﭼﻮﯓ ﺷﻪﮬﻪﺭﻟﻪﺭ ﯞﻩ ﺑﺎﺷﻘﺎ ﺗﺎﺷﻘﻰ ﺟﺎﻳﻼﺭ ﺯﯦﺮﯨﻜﻜﻪﻥ ﺋﺎﺩﻩﺗﻠﻪﺭ، ﺋﯜﺳﻜﯜﻧﻪ - ﻗﻮﺭﺍﻟﻼﺭ، ﺷﻪﻛﯩﻞ - ﻧﯘﺳﺨﯩﻼﺭ، ﮬﺎﺭﺍﻕ - ﺗﺎﻣﺎﻛﯩﻼﺭ، ﺯﻩﮬﻪﺭﻟﯩﻚ ﭼﯧﻜﯩﻤﻠﯩﻜﻠﻪﺭ، ﻳﯧﻤﻪﻙ - ﺋﯩﭽﻤﻪﻛﻠﻪﺭ، ﻗﺎﺋﯩﺪﻩ - ﻳﻮﺳﯘﻧﻼﺭ، ﺗﻪﺭﺗﯩﭗ - ﻣﯩﺰﺍﻧﻼﺭ ﺑﯘ ﻳﻪﺭﺩﻩ ﺋﯚﺯﺋﺎﺭﺍ ﺋﯜﭼﺮﯨﺸﯩﺪﯗ. ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻣﻪﻧﯩﯟﻯ ﺋﻪﺧﻠﻪﺗﻠﻪﺭ ﺋﻪﯓ ﺳﺎﭖ ﮬﺎﯞﺍﻧﻰ، ﭘﺎﻛﯩﺰ ﯞﯨﺠﺪﺍﻧﻨﻰ، ﺳﺎﻏﻼﻣﻠﯩﻘﻘﺎ ﻳﺎﺗﯩﺪﯨﻐﺎﻥ ﺋﯧﻠﯧﻤﯧﻨﺘﻼﺭﻧﻰ، ﺟﻪﻣﺌﯩﻴﻪﺗﻜﻪ ﻗﺎﻥ ﯞﻩ ﺋﺎﻗﺴﯩﻞ ﺑﯧﺮﯨﺪﯨﻐﺎﻥ ﻏﺎﻳﻪ - ﻣﻪﺳﻠﻪﻛﻠﻪﺭﻧﻰ ﺭﻩﮬﯩﻤﺴﯩﺰﻟﯩﻚ ﺑﯩﻠﻪﻥ ﭼﯩﺮﯨﺘﯩﭗ ﺗﺎﺷﻼﻳﺪﯗ.

ﺋﯩﺴﻼﮬﺎﺗﻨﯩﯔ ﺷﺎﯞﻗﯘﻥ - ﺳﯜﺭﻩﻧﻠﯩﺮﯨﮕﻪ ﺗﻮﻟﻐﺎﻥ ﺑﯘ ﺷﻪﮬﻪﺭ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﻧﯩﯔ ﻣﻪﺩﻩﻧﯩﻴﻪﺕ، ﺋﯩﻘﺘﯩﺴﺎﺩ، ﺳﯩﻴﺎﺳﻪﺕ ﻣﻪﺭﻛﯩﺰﻯ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺋﯚﺯﯨﻨﯩﯔ ﺋﯧﮕﯩﺰ ﺑﯩﻨﺎﻻﺭﻏﺎ، ﺗﺎﺭﺍﻡ - ﺗﺎﺭﺍﻡ ﻳﻮﻟﻼﺭﻏﺎ، ﺳﯧﺘﯩﻘﭽﯩﻼﺭﻧﯩﯔ ﮬﺎﺭﯞﺍ - ﻏﺎﻟﺘﻪﻛﻠﯩﺮﻯ ﺑﯩﻠﻪﻥ ﺗﻮﻟﻐﺎﻥ ﺗﺎﺭ ﻛﻮﭼﯩﻼﺭﻏﺎ، ﺋﯧﺘﯩﻘﺎﺩﻯ ﺑﯩﻠﻪﻥ ﻛﺎﺭﻯ ﻳﻮﻕ، ﺗﯘﺭﻣﯘﺵ ﮬﻪﻟﻪﻛﭽﯩﻠﯩﻜﻰ ﺑﯩﻠﻪﻥ ﺋﺎﻟﺪﯨﺮﺍﺵ ﺑﻮﻟﯘﭖ ﻛﻪﺗﻜﻪﻥ ﺗﯧﺮﯨﻜﻜﻪﻙ ﺋﺎﺩﻩﻣﻠﻪﺭﮔﻪ، ﺗﻮﭖ ﺗﺎﺭﻗﯩﺘﯩﺶ ﻣﻪﺭﻛﻪﺯﻟﯩﺮﯨﮕﻪ ﺗﻮﻟﻐﺎﻥ ﺯﻭﺭ ﮔﻪﯞﺩﯨﺴﯩﻨﻰ ﻗﯘﺭﯗﭖ ﭼﯩﻘﺘﻰ. ﺋﯘ ﺋﯚﺯﯨﻨﯩﯔ ﻣﯘﺷﯘ ﮬﻪﻳﯟﻩﺗﻠﯩﻚ ﺗﯘﺭﻗﻰ ﺑﯩﻠﻪﻥ ﮬﻪﻡ ﺳﯩﺮﺗﻨﯩﯔ ﺑﺮﺍﻙ ﻣﺎﻟﻠﯩﺮﯨﻨﻰ ﺋﯩﺴﺘﯧﻤﺎﻝ ﻗﯩﻠﯩﭗ، ﺳﯩﺮﺗﻨﻰ ﺋﺎﺩﺍﻻﭖ ﺑﯧﺮﯨﺪﯨﻐﺎﻥ ﺗﺎﺯﯨﻠﯩﻖ ﺋﯩﺸﭽﯩﺴﻰ، ﮬﻪﻡ ﺗﻪﯕﺮﯨﺘﺎﻍ ﺋﯧﺘﻪﻛﻠﯩﺮﯨﺪﯨﻜﻰ ﭘﺎﻳﺎﻧﺴﯩﺰ ﻳﯧﺰﺍ - ﻗﯩﺸﻼﻗﻼﺭﻧﯩﯔ ﺳﺎﺧﺎﯞﻩﺗﻠﯩﻚ ﺩﺍﺳﺘﯩﺨﺎﻧﯩﺪﺍ ﺋﻮﻟﺘﯘﺭﯗﭖ، ﭼﯩﺸﻠﯩﺮﯨﻨﯩﯔ ﺋﺎﺭﺍﭼﻠﯩﺮﯨﺪﯨﻜﻰ ﮔﯚﺷﻠﻪﺭﻧﻰ ﺗﺎﺯﯨﻼﯞﺍﺗﻘﺎﻥ ﻛﯩﺒﯩﺮﻟﯩﻚ ﻣﯧﮭﻤﺎﻥ.

ﺑﯘ ﻳﻪﺭ ﺩﯨﭙﻠﻮﻡ، ﺩﻩﺭﯨﺠﻪ، ﻣﻪﻧﺴﻪﭖ ﻛﻮﻳﯩﺪﯨﻜﻰ ﺋﺎﺩﻩﻣﻠﻪﺭﻧﯩﯔ ﻗﯩﺰﻏﯩﻨﻠﯩﻘﻠﯩﺮﻯ ﺑﯩﻠﻪﻥ ﺗﻮﻟﻐﺎﻥ. ﺋﺎﺩﻩﻣﺪﯨﻜﻰ ﺋﯩﻘﺘﯩﺪﺍﺭﻧﻰ ﻧﻮﻣﯘﺭ ﺑﯩﻠﻪﻥ ﺋﯚﻟﭽﻪﻳﺪﯨﻐﺎﻥ ﺋﯩﻤﺘﯩﮭﺎﻥ ﻣﺎﺋﺎﺭﯨﭙﻰ (ﺟﺎﮬﺎﻧﺪﺍﺭﭼﯩﻠﯩﻖ، ﻛﯜﻥ ﻛﻪﭼﯜﺭﯛﺵ ﻣﺎﺋﺎﺭﯨﭙﻰ) ﺗﻪﯕﺮﯨﺘﺎﻏﻨﯩﯔ ﺟﻪﻧﯘﺏ ﯞﻩ ﺷﯩﻤﺎﻟﯩﺪﯨﻜﻰ ﻣﯩﻠﻴﻮﻧﻠﯩﻐﺎﻥ ﻳﺎﺷﻼﺭﻧﯩﯔ ﺩﯨﻘﻘﯩﺘﯩﻨﻰ ﻣﯘﺷﯘ ﻳﻪﺭﮔﻪ ﻣﻪﺭﻛﻪﺯﻟﻪﺷﺘﯜﺭﮔﻪﻥ. ﺋﺎﺗﺎ - ﺋﺎﻧﯩﻼﺭ ﺋﯩﻤﺘﯩﮭﺎﻥ، ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺶ، ﺋﻮﻗﯘﺵ ﭘﯜﺗﺘﯜﺭﮔﻪﻧﻠﻪﺭﻧﻰ ﺗﻪﻗﺴﯩﻤﻠﻪﻳﺪﯨﻐﺎﻥ ﯞﺍﻗﯩﺘﻼﺭﺩﺍ ﺑﺎﻟﯩﻠﯩﺮﯨﻨﯩﯔ ﺋﯩﺴﺘﯩﻘﺒﺎﻟﻰ ﻗﺎﻳﻐﯘﺳﯩﺪﺍ ﺧﯘﺩﺩﻯ ﺋﺎﻓﺮﯨﻘﯩﺪﯨﻜﻰ ﺋﺎﮬﺎﻟﻪ ﻛﻪﻟﻜﯜﻧﻠﯩﺮﯨﺪﻩﻙ ﺋﯜﺭﯛﻣﭽﯩﮕﻪ ﻗﺎﺭﺍﭖ ﺋﺎﻗﯩﺪﯗ. ﻛﻮﭼﺎ - ﻛﻮﭼﯩﻼﺭﺩﯨﻜﻰ ﺩﻩﯓ - ﺳﺎﺭﺍﻳﻼﺭ، ﺋﯩﺸﺨﺎﻧﺎ - ﺋﯩﺸﺨﺎﻧﯩﻼﺭﺩﯨﻜﻰ ﻳﺎﻧﭽﯘﻕ ﯞﻩ ﺋﺎﺷﻘﺎﺯﺍﻧﻼﺭ ﺑﯘ ﺳﺎﺩﺩﺍ ﻣﯧﮭﻨﻪﺗﻜﻪﺷﻠﻪﺭﻧﯩﯔ ﺋﺎﺯ - ﺗﻮﻻ ﺑﺎﻳﻠﯩﻘﻠﯩﺮﯨﻐﺎ ﺋﺎﻏﺰﯨﻨﻰ ﺋﺎﭼﯩﺪﯗ. ﺋﯘﻻﺭ ﺗﺎﭘﻘﺎﻥ - ﺗﻪﺭﮔﻪﻧﻠﯩﺮﯨﻨﻰ ﺋﯜﺭﯛﻣﭽﯩﮕﻪ ﻗﯧﻘﯩﯟﯦﺘﯩﭗ، ﺋﯜﻣﯩﺪ ﺑﯩﻠﻪﻥ ﺋﯜﻣﯩﺪﺳﯩﺰﻟﯩﻚ ﺋﺎﺭﯨﺴﯩﺪﺍ ﻗﺎﻟﻐﺎﻥ ﺗﻪﺷﯟﯨﺸﻠﯩﺮﯨﻨﻰ ﻳﯜﺩﯛﭖ ﺋﯚﺯ ﻣﺎﻛﺎﻧﻠﯩﺮﯨﻐﺎ ﻗﺎﻳﺘﯩﺪﯗ.

ﻳﻪﺭ ﺷﺎﺭﻯ ﺋﯩﻘﺘﯩﺴﺎﺩﯨﻲ ﮬﻪﻣﻜﺎﺭﻟﯩﻖ، ﻣﯘﮬﯩﺖ ﻛﺮﯨﺰﯨﺴﻰ ﯞﻩ ﺗﯜﺭﻟﯜﻙ ﺋﺎﭘﻪﺗﻠﻪﺭﮔﻪ ﻗﺎﺭﺷﻰ ﺗﯘﺭﯗﺵ ﺟﻪﮬﻪﺗﺘﻪ ﺑﯩﺮ ﮔﻪﯞﺩﯨﻠﻪﺷﺘﻰ. ﺋﯘﭼﯘﺭ ﻟﯩﻨﯩﻴﯩﻠﯩﺮﻯ ﯞﻩ ﺋﺎﻻﻗﻪ ﺗﻮﺭﻟﯩﺮﯨﻨﯩﯔ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﺗﯧﺰ ﺋﯜﻧﯜﻣﻰ ﻣﺎﻛﺎﻥ، ﺯﺍﻣﺎﻥ ﻣﯘﻧﺎﺳﯩﯟﯨﺘﻰ ﺟﻪﮬﻪﺗﺘﻪ ﻳﻪﺭ ﺷﺎﺭﯨﻨﻰ ﻛﯩﭽﯩﻜﻠﻪﺗﺘﻰ. ﺷﯘﻧﺪﺍﻕ ﺋﯩﻜﻪﻥ، ﺑﯩﺰﻧﯩﯔ ﺟﻪﻣﺌﯩﻴﯩﺘﯩﻤﯩﺰ ﺟﺎﮬﺎﻥ ﺗﺎﯞﻛﺎﻟﯩﺮﯨﺪﯨﻦ ﻗﺎﻧﭽﯩﻠﯩﻚ ﻳﯩﺮﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﺗﻪﺭﻩﻗﻘﯩﻴﺎﺗﻨﯩﯔ ﻏﯩﺪﯨﻘﻠﯩﺸﯩﻐﺎ ﺋﯘﭼﺮﯨﻤﺎﻱ ﻗﺎﻟﻤﺎﻳﺪﯗ. ﻣﻪﺩﻩﻧﯩﻴﻪﺕ ﺧﯩﻠﻠﯩﺮﯨﻨﯩﯔ ﺋﯘﭼﺮﯨﺸﯩﺸﻰ، ﺑﯩﺮ - ﺑﯩﺮﯨﮕﻪ ﺗﻪﺳﯩﺮ ﻗﯩﻠﯩﺸﻰ، ﺋﺎﺧﯩﺮﯨﺪﺍ ﺯﺍﻣﺎﻧﻨﯩﯔ ﺗﻪﻟﯩﭙﯩﮕﻪ ﻻﻳﯩﻖ ﺗﺎﻟﻼﻧﻐﺎﻥ ﻣﻪﺩﻩﻧﯩﻴﻪﺕ ﺳﻪﻣﻪﺭﯨﺴﯩﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺸﻰ،ﺑﯩﺮ ﻣﯘﻗﻪﺭﺭﻩﺭﻟﯩﻚ ﺳﯜﭘﯩﺘﯩﺪﯨﻜﻰ ﻗﻮﺑﯘﻟﻼﻧﻤﺎ ﺑﻮﻟﯘﭘﻼ ﻗﺎﻟﻤﺎﻱ، ﻳﻪﻧﻪ ﺑﯩﺰ ﺋﯜﭼﯜﻥ ﺑﯩﺮ ﺯﯙﺭﯛﺭﯨﻴﻪﺗﺘﯘﺭ. ﺑﯩﺮﺍﻕ ﺷﻪﺭﺕ ﺷﯘﻛﻰ، ﺟﻪﻣﺌﯩﻴﻪﺗﻨﯩﯔ ﮬﻪﺭ ﺑﯩﺮ ﻛﯜﭺ ﻧﯘﻗﺘﯩﺴﻰ (ﮬﻪﺭ ﺑﯩﺮ ﻣﯩﻠﻠﻪﺕ، ﮬﻪﺭ ﺑﯩﺮ ﺋﯘﻳﯘﺷﻤﺎ، ﮬﻪﺭ ﺑﯩﺮ ﺷﻪﺧﺲ) ﺋﯘﻧﯩﯖﺪﯨﻦ ﺋﯚﺯ ﺋﻪﺭﻛﯩﻦ ﺋﯩﺮﺍﺩﯨﺴﯩﻨﯩﯔ ﺟﻪﯞﮬﯩﺮﻯ ﺋﯩﺰﻟﯩﺮﯨﻨﻰ ﺗﺎﭘﺎﻟﯩﺸﻰ ﻛﯧﺮﻩﻙ. ﺩﯦﻤﻪﻙ، ﮬﻪﺭ ﺑﯩﺮ ﺋﻪﺭﻛﯩﻦ ﺋﯩﺮﺍﺩﯨﻨﯩﯔ ﮬﻪﺭﯨﻜﯩﺘﻰ ﯞﻩ ﺋﯚﺯﯨﻨﻰ ﺋﯩﺴﭙﺎﺗﻠﯩﺸﻰ ﺋﺎﺭﻗﯩﻠﯩﻖ ﻳﺎﺭﯨﺘﯩﻠﻐﺎﻥ ﻣﻪﺩﻩﻧﯩﻴﻪﺗﻨﻰ ﺋﻮﺭﺗﺎﻕ ﻣﻪﺩﻩﻧﯩﻴﻪﺕ ﺩﯦﻴﯩﺸﻜﻪ ﺑﻮﻟﯩﺪﯗ. ﭼﯜﻧﻜﻰ ﺑﯘﻧﺪﺍﻕ ﻣﻪﺩﻩﻧﯩﻴﻪﺗﻨﻰ ﮬﻪﺭ ﺑﯩﺮ ﺟﻪﻣﺌﯩﻴﻪﺕ ﺋﻪﺯﺍﺳﻰ ﺳﻪﻣﯩﻤﯩﻲ ﻣﯘﮬﻪﺑﺒﻪﺕ ﮬﯧﺴﺴﯩﻴﺎﺗﻰ ﺗﻮﻟﯘﻕ ﺗﻪﺳﺘﯩﻘﻠﯩﻐﺎﻥ ﺋﺎﺳﺎﺳﺘﺎ "ﻣﯧﻨﯩﯔ!"ﺩﻩﭖ ﺗﻪﻧﺘﻪﻧﯩﻠﯩﻚ ﯞﺍﺭﻗﯩﺮﺍﻻﻳﺪﯗﻛﻰ، ﮬﻪﺭﮔﯩﺰ ﺋﯘﻧﯩﯖﺪﯨﻦ ﻛﻪﻣﺴﯩﺘﯩﻠﯩﺶ، ﻗﻮﺭﯗﻧﯘﺵ ﮬﯧﺲ ﻗﯩﻠﻤﺎﻳﺪﯗ. ﺋﯚﺯﯨﻨﻰ ﺋﯩﻠﻤﯩﻲ ﻗﺎﻧﯘﻧﯩﻴﻪﺕ ﺑﻮﻳﯩﭽﻪ ﺩﻩﻟﯩﻠﻠﻪﺷﺘﯩﻦ ﻗﻮﺭﻗﯩﺪﯨﻐﺎﻥ ﺋﻪﻗﯩﺪﯨﻨﯩﯔ ﺗﻪﺑﯩﺌﯩﻲ ﺋﯩﺴﺘﻪﻙ ﯞﻩ ﮬﻪﻗﻘﺎﻧﯩﻲ ﻏﺎﻳﯩﻠﻪﺭﻧﻰ ﻣﻮﻧﻮﭘﻮﻝ ﻗﯩﻠﯩﯟﯦﻠﯩﺸﻰ ﮬﯧﺴﺎﺑﯩﺪﺍ، ﺳﯘﺑﻴﯧﻜﺘﯩﭗ ﭘﺎﺋﺎﻟﯩﻴﻪﺗﻨﯩﯔ ﺭﻭﻟﯩﻨﻰ ﺯﻭﺭﻣﯘ ﺯﻭﺭ ﺋﯩﺠﺎﺑﯩﻲ، ﺳﻪﻟﺒﯩﻲ، ﺑﺎﺵ ﭘﯧﺮﺳﻮﻧﺎ靖، ﻗﻮﺷﯘﻣﭽﻪ ﭘﯧﺮﺳﻮﻧﺎ靖 ﻗﯩﻠﯩﭗ ﺑﯚﻟﯜﭖ ﺑﯧﺮﯨﺶ ﺋﺎﺭﻗﯩﺴﯩﺪﺍ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ ﻣﻪﺩﻩﻧﯩﻴﻪﺗﻨﯩﯔ ﺋﺎﺭﯨﻼﺷﻤﺎ ﺗﻪﺭﻛﯩﺒﻰ ﻛﯚﭖ ﺑﻮﻟﺴﯩﻤﯘ، ﯞﺍﺭﯨﺲ ﻳﯧﺘﯩﺸﺘﯜﺭﻩﻟﻤﻪﻳﺪﯨﻐﺎﻥ ﻗﯧﭽﯩﺮ ﻣﻪﺩﻩﻧﯩﻴﻪﺗﺘﯘﺭ. ﺋﯜﺭﯛﻣﭽﻰ ﺋﻪﻧﻪ ﺷﯘ ﻗﯧﭽﯩﺮ ﻣﻪﺩﻩﻧﯩﻴﻪﺕ ﺗﯩﭙﯩﺪﯨﻜﻰ ﺷﻪﮬﻪﺭﻧﯩﯔ ﻧﻪﻣﯘﻧﯩﺴﻰ ﺑﻮﻟﯘﭖ، ﺑﯘ ﻳﻪﺭﺩﯨﻜﻰ ﻗﺎﻧﭽﯩﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﯞﯨﺠﺪﺍﻧﻰ ﺑﯩﻠﻪﻥ ﺋﯩﻤﺎﻧﯩﻤﯘ ﻗﯧﭽﯩﺮﻟﯩﺸﯩﭗ ﻛﻪﺗﻜﻪﻥ. ﻗﯧﭽﯩﺮ ﻣﻪﺩﻩﻧﯩﻴﻪﺗﻨﯩﯔ ﻣﻪﺳﺌﯘﻟﯩﻴﻪﺗﭽﺎﻥ ﺩﺍﺩﯨﺴﻰ ﯞﻩ ﺳﺎﭖ ﺭﻭﮬﻘﺎ ﺋﯩﮕﻪ ﺟﻪﻟﭙﻜﺎﺭ ﺋﺎﻧﯩﺴﻰ ﺑﻮﻟﻤﺎﻳﺪﯗ.

ﻣﺎﻛﺲ ﯞﯨﺒﯧﺮ ﺋﯚﺯﯨﻨﯩﯔ ﺟﻪﻣﺌﯩﻴﻪﺗﺸﯘﻧﺎﺳﻠﯩﻖ ﻧﻪﺯﻩﺭﯨﻴﯩﺴﯩﺪﻩ، ﻛﯩﺸﯩﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﭘﺎﺋﺎﻟﯩﻴﻪﺕ ﻣﻪﺯﻣﯘﻧﯩﻨﻰ ﺗﯚﺕ ﺗﯩﭙﻘﺎ ﺋﺎﻳﺮﯨﻴﺪﯗ: 1. ﻣﻪﻗﺴﻪﺗﻜﻪ (ﻧﯩﺸﺎﻧﻐﺎ) ﺋﯘﻳﻐﯘﻥ ﭘﺎﺋﺎﻟﯩﻴﻪﺕ؛ 2. ﻗﯩﻤﻤﻪﺗﻜﻪ ﺋﯘﻳﻐﯘﻥ ﭘﺎﺋﺎﻟﯩﻴﻪﺕ؛ 3. ﮬﯧﺴﺴﯩﻴﺎﺕ ﺟﻪﮬﻪﺗﺘﯩﻜﻰ ﮬﻪﺭﯨﻜﻪﺗﻠﻪﻧﺪﯛﺭﮔﯜﭼﺘﯩﻦ ﻛﻪﻟﮕﻪﻥ ﭘﺎﺋﺎﻟﯩﻴﻪﺕ؛ 4. ﺋﻪﻧﺌﻪﻧﯩﯟﻯ ﺋﺎﺩﻩﻣﻠﻪﺭﮔﻪ ﻣﺎﺱ ﭘﺎﺋﺎﻟﯩﻴﻪﺕ.

ﺑﯩﺮﯨﻨﭽﻰ ﺧﯩﻞ ﭘﺎﺋﺎﻟﯩﻴﻪﺗﺘﻪ، ﻛﯩﺸﯩﻠﻪﺭ ﯞﺍﺳﯩﺘﻪ ﺗﺎﻟﻼﭖ ﺋﻮﻟﺘﯘﺭﻣﺎﻳﺪﯗ، ﻗﻮﻟﻼﻧﻐﺎﻥ ﯞﺍﺳﯩﺘﻪﯕﻨﯩﯔ ﺋﻪﺧﻼﻗﯩﻲ ﺋﯘﻗﯘﻡ ﺟﻪﮬﻪﺗﺘﻪ ﻳﺎﺧﺸﻰ - ﻳﺎﻣﺎﻥ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﮬﺎﻣﺎﻥ ﺑﯩﺮ ﻳﻮﻝ ﺑﯩﻠﻪﻥ ﻣﻪﻧﺰﯨﻠﯩﯖﮕﻪ ﻳﻪﺗﺴﻪﯕﻼ ﺑﻮﻟﺪﻯ. ﻣﻪﻗﺴﯩﺘﯩﯔ ﺗﻮﻏﺮﺍ ﺑﻮﻟﺴﺎ ﺋﯘﻧﯩﯖﻐﺎ ﻳﯧﺘﯩﺶ ﺋﯜﭼﯜﻥ ﻗﻮﻟﻼﻧﻐﺎﻥ ﯞﺍﺳﯩﺘﻪﯓ (ﭼﺎﺭﻩﯓ) ﺧﺎﺗﺎ ﺑﻮﻟﻐﺎﻧﺪﯨﻤﯘ ﺋﻪﻳﯩﺒﻠﯩﻚ ﺋﻪﻣﻪﺳﺴﻪﻥ. ﺋﯩﻜﻜﯩﻨﭽﻰ ﺧﯩﻞ ﭘﺎﺋﺎﻟﯩﻴﻪﺗﺘﻪ، ﺳﻪﻥ ﭘﻪﻗﻪﺕ ﯞﺍﺳﯩﺘﻪﯕﻨﯩﯔ ﺋﻪﻣﻪﻟﯩﻲ ﺋﯜﻧﯜﻣﻰ ﯞﻩ ﺋﻪﮬﻤﯩﻴﯩﺘﯩﻨﯩﻼ ﭼﯜﺷﻪﻧﺴﻪﯓ ﺑﻮﻟﯩﺪﯗ. ﺋﯜﭼﯩﻨﭽﻰ ﺧﯩﻞ ﭘﺎﺋﺎﻟﯩﻴﻪﺗﺘﻪ، ﭘﺎﺋﺎﻟﯩﻴﻪﺕ ﻗﯩﻠﻐﯘﭼﯩﻨﯩﯔ ﮬﻪﺭﯨﻜﯩﺘﻰ ﺑﯩﺮﺩﻩﻣﻠﯩﻚ ﮬﯧﺴﺴﯩﻴﺎﺕ ﭘﺎﺭﺗﻠﯩﺸﯩﺪﯨﻦ ﻛﯧﻠﯩﭗ ﭼﯩﻘﯩﺪﯗﻳﯘ، ﻣﻪﻗﺴﻪﺕ ﯞﻩ ﯞﺍﺳﯩﺘﯩﻨﯩﯔ ﺗﻮﻏﺮﺍ، ﺋﯜﻧﯜﻣﻠﯜﻙ ﺑﻮﻟﯘﺷﻰ ﺑﯩﻠﻪﻥ ﮬﯧﺴﺎﺑﻼﺷﻤﺎﻳﺪﯗ. ﺗﯚﻣﯜﺭ ﺧﻪﻟﯩﭙﯩﻨﯩﯔ "ﻗﯘﺭﺋﺎﻥ" ﺗﯘﺗﯘﭖ ﻗﻪﺳﻪﻡ ﺋﯩﭽﯩﭗ ﺑﻪﺭﮔﻪﻥ ﻣﻪﻟﺌﯘﻧﻼﺭﻏﺎ ﻗﺎﻳﯩﻞ ﺑﻮﻟﯘﭖ ﻛﯧﺘﯩﺸﻰ، ﺧﻮﺟﯩﻨﯩﻴﺎﺯ ﮬﺎﺟﯩﻨﯩﯔ ﺗﻮﺧﺘﯩﻨﯩﻴﺎﺯ ﺯﻭﺭﻧﻰ ﺋﺎﭼﭽﯩﻘﻼﭖ ﮬﻪﻳﺪﯨﯟﯦﺘﯩﭗ، ﻛﯧﻴﯩﻦ ﻳﻪﻧﻪ ﭘﯘﺷﺎﻳﻤﺎﻥ ﻗﯩﻠﯩﺸﻰ، ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰ ﻣﻪﺯﮔﯩﻠﯩﺪﯨﻜﻰ ﺋﻪﺧﻤﯩﻘﺎﻧﻪ ﻗﯩﺰﻏﯩﻨﻠﯩﻖ ﯞﻩ ﻗﯩﺮﻏﯩﻨﻼﺭ ﻣﯘﺷﯘ ﺧﯩﻞ ﺗﯩﭙﺘﯩﻜﻰ ﭘﺎﺋﺎﻟﯩﻴﻪﺗﻜﻪ ﻛﯩﺮﯨﺪﯗ. ﺗﯚﻣﯜﺭ ﺧﻪﻟﯩﭙﻪ ﭘﺎﺟﯩﺌﻪﺳﻰ ﺑﯩﻠﻪﻥ ﺧﻮﺟﯩﻨﯩﻴﺎﺯ ﮬﺎﺟﻰ ﭘﺎﺟﯩﺌﻪﺳﻰ ﺋﻮﺧﺸﺎﺵ ﺑﯩﺮ ﭘﺎﺟﯩﺌﻪﻧﯩﯔ ﺋﯩﻜﻜﻰ ﻗﯧﺘﯩﻤﻠﯩﻖ ﻳﯜﺯ ﺑﯧﺮﯨﺸﯩﺪﯗﺭ. ﺑﯘ ﺗﺎﻣﺎﻣﻪﻥ ﺗﺎﺭﯨﺦ ﮬﺎﺩﯨﺴﯩﻠﯩﺮﯨﮕﻪ ﻧﯩﺴﺒﻪﺗﻪﻥ ﻛﻪﻟﮕﯜﺳﯩﻨﯩﯔ ﺗﻮﻏﺮﺍ ﮬﻪﺭﯨﻜﯩﺘﯩﮕﻪ ﻛﯧﭙﯩﻞ ﺑﻮﻻﻟﯩﻐﯘﺩﻩﻙ ﺩﻩﺭﯨﺠﯩﺪﯨﻜﻰ ﺋﻪﻗﻠﯩﻲ ﺗﻪﮬﻠﯩﻞ، ﻣﻪﻧﺘﯩﻘﯩﻲ ﻳﻪﻛﯜﻥ، ﭘﻪﻟﺴﻪﭘﯩﯟﻯ ﻧﺎﺯﺍﺭﻩﺗﻨﯩﯔ ﻳﯧﺘﻪﺭﺳﯩﺰﻟﯩﻜﯩﻨﻰ ﺋﯩﺴﭙﺎﺗﻼﻳﺪﯗ. ﻛﺎﺭﻝ ﻣﺎﺭﻛﺲ ﺋﯚﺯ ﺋﻪﺳﻪﺭﻟﯩﺮﯨﺪﻩ ﻗﻪﻳﺖ ﻗﯩﻠﯩﭗ ﺋﯚﺗﻜﻪﻥ: "ﮔﯧﮕﯩﻞ ﺑﯩﺮ ﺋﻪﺳﯩﺮﯨﺪﻩ، ﺑﺎﺭﻟﯩﻖ ﺯﻭﺭ ﺗﺎﺭﯨﺨﯩﻲ ﯞﻩﻗﻪﻟﻪﺭ ﯞﻩ ﺷﻪﺧﺴﻠﻪﺭ ﺋﯩﻜﻜﻰ ﻗﯧﺘﯩﻢ ﭘﻪﻳﺪﺍ ﺑﻮﻟﯩﺪﯗ، ﺩﻩﻳﺪﯗ. ﺋﯘ ﺑﯩﺮﯨﻨﭽﻰ ﻗﯧﺘﯩﻢ ﭘﺎﺟﯩﺌﻪ ﺗﻪﺭﯨﻘﯩﺴﯩﺪﻩ ﭘﻪﻳﺪﺍ ﺑﻮﻟﯩﺪﯗ، ﺋﯩﻜﻜﯩﻨﭽﻰ ﻗﯧﺘﯩﻢ ﻛﯜﻟﻜﻪ ﺗﻪﺭﯨﻘﯩﺴﯩﺪﻩ ﭘﻪﻳﺪﺍ ﺑﻮﻟﯩﺪﯗ، ﺩﻩﭖ ﻗﻮﺷﯘﭖ ﻗﻮﻳﯘﺷﻨﻰ ﺋﯘﻧﺘﯘﭖ ﻗﺎﻟﻐﺎﻥ" ﺩﯦﮕﻪﻥ ﺋﯩﺒﺎﺭﯨﻠﻪﺭ ﻳﯘﻗﯩﺮﯨﻘﻰ ﺋﯩﻜﻜﻰ ﻗﯧﺘﯩﻤﻠﯩﻖ ﭘﺎﺟﯩﺌﻪﮔﻪ ﺩﻩﻝ ﭼﯜﺷﺴﻪ ﻛﯧﺮﻩﻙ. ﺋﻪﻣﻤﺎ ﺑﯩﺰ ﮔﯧﮕﯩﻞ ﺑﯩﻠﻪﻥ ﻣﺎﺭﻛﺴﻼﺭﻧﻰ ﺋﯜﭼﯩﻨﭽﻰ، ﺗﯚﺗﯩﻨﭽﻰ، ﺑﻪﺷﯩﻨﭽﻰ ﻗﯧﺘﯩﻤﻠﯩﻖ ﭘﺎﺟﯩﺌﻪﻟﻪﺭﻧﯩﯔ ﻗﺎﻳﺴﻰ ﺗﻪﺭﯨﻘﯩﺪﻩ ﻳﯜﺯ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺑﻪﺭﺳﯘﻥ ﺩﻩﻳﻠﯩﻤﯘ؟ ﮬﻪﺭ ﺑﯩﺮ ﻣﯩﻠﻠﻪﺕ، ﮬﻪﺭ ﺑﯩﺮ ﺩﻩﯞﺭﻧﯩﯔ ﺋﯚﺯ ﮔﯧﮕﯩﻠﻰ، ﺋﯚﺯ ﻣﺎﺭﻛﺴﻰ ﺑﻮﻟﻤﯩﺴﺎ، ﺗﺎﺭﯨﺨﯩﻲ ﭘﺎﺟﯩﺌﻪﻟﻪﺭ ﻣﻪﺳﺨﯩﺮﻩ ﺗﻪﺭﯨﻘﯩﺴﯩﺪﻩ ﻳﯜﺯ ﺑﯧﺮﯨﯟﯦﺮﯨﺪﯗ.

ﺗﯚﺗﯩﻨﭽﻰ ﺧﯩﻞ ﭘﺎﺋﺎﻟﯩﻴﻪﺗﺘﻪ، ﻛﯩﺸﯩﻠﻪﺭ ﮬﻪ ﺩﯦﺴﯩﻼ ﻛﻮﻧﺎ، ﺋﻪﻧﺌﻪﻧﯩﯟﻯ ﭘﯩﻜﯩﺮ ﻗﯩﻠﯩﺶ ﺷﻪﻛﻠﯩﻨﯩﯔ ﻳﯧﺘﻪﻛﻠﯩﺸﯩﺪﻩ ﭘﺎﺋﺎﻟﯩﻴﻪﺕ ﻗﯩﻠﯩﺪﯗ، ﺑﯘ، ﺳﻪﻧﺌﻪﺕ، ﭘﻪﻥ ﺳﺎﮬﻪﻟﯩﺮﯨﺪﻩ ﻗﺎﺗﻤﺎﻟﻠﯩﻘﺘﺎ ﺋﻪﯓ ﺭﻭﺷﻪﻥ ﻛﯚﺯﮔﻪ ﭼﯧﻠﯩﻘﯩﺪﯗ.

ﺧﻮﺵ، ﻣﺎﻛﺲ ﯞﯨﺒﯧﺮ ﻏﻪﺭﺏ ﺟﻪﻣﺌﯩﻴﯩﺘﯩﻨﯩﯔ ﺗﻪﺭﻩﻗﻘﯩﻴﺎﺕ ﻳﻮﻟﯩﻨﻰ ﻗﺎﻧﺪﺍﻕ ﺋﯩﺰﺍﮬﻠﯩﻐﺎﻥ؟ ﺋﯘﻧﯩﯔ ﺟﺎﯞﺍﺏ ﺑﯧﺮﯨﺸﯩﭽﻪ، ﻏﻪﺭﺏ ﺋﯚﺯﯨﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ، ﺋﺎﻟﺪﯨﻨﻘﻰ ﺋﯩﻜﻜﻰ ﭘﺎﺋﺎﻟﯩﻴﻪﺕ ﺗﯩﭙﯩﻨﯩﯔ ﻗﻮﻣﺎﻧﺪﺍﻧﻠﯩﻘﯩﻨﻰ ﻗﻮﺑﯘﻝ ﻗﯩﻠﻐﺎﻥ. ﻣﯘﯞﺍﭘﯩﻖ ﻣﻪﻗﺴﻪﺕ ﯞﻩ ﺋﯜﻧﯜﻣﻠﯜﻙ ﯞﺍﺳﯩﺘﻪ ﻛﯧﻴﯩﻨﻜﻰ ﻏﻪﺭﺏ ﺟﻪﻣﺌﯩﻴﯩﺘﯩﺪﻩ ﮬﻪﻣﻤﯩﻨﻰ ﺑﻪﻟﮕﯩﻠﯩﮕﻪﻥ.

ﻛﺎﺭﻝ ﻣﺎﺭﻛﺲ:"ﻛﯩﺸﯩﻨﻰ ﺗﺎﺷﻘﻰ ﺷﺎﺭﺍﺋﯩﺘﻼﺭﻧﯩﯔ ﺧﻮﺟﺎﻳﯩﻨﻰ ﺩﻩﺭﯨﺠﯩﺴﯩﮕﻪ ﻛﯚﺗﯜﺭﯛﺵ ﺋﻮﺭﻧﯩﻐﺎ، ﺋﯘﻧﻰ ﺑﯘ ﺷﺎﺭﺍﺋﯩﺘﻘﺎ ﺑﻮﻳﺴﯘﻧﺪﯗﺭﻏﺎﻥ" ﺋﺎﺳﯩﻴﺎ ﺟﺎﻣﺎﺋﻪﺳﯩﻨﻰ ﺗﯜﭘﺘﯩﻦ ﺋﯩﺴﻼﮪ ﻗﯩﻠﯩﺶ ﮬﻪﻗﻘﯩﺪﻩ ﺑﯘﻧﯩﯖﺪﯨﻦ ﺗﻪﺧﻤﯩﻨﻪﻥ ﺑﯩﺮ ﻳﯧﺮﯨﻢ ﺋﻪﺳﯩﺮ ﺋﯩﻠﮕﯩﺮﻯ ﺧﯩﺘﺎﺏ ﻗﯩﻠﻐﺎﻧﯩﺪﻯ. ﺷﯘ ﺗﺎﭘﺘﺎ ﭘﯜﺗﻜﯜﻝ ﺋﺎﯞﺍﻡ ﮬﻪﻗﻠﯩﻖ ﮬﻮﻗﯘﻗﻰ ﺑﯩﻠﻪﻥ ﺩﯗﻧﻴﺎﯞﻯ ﺗﻪﺭﻩﻗﻘﯩﻴﺎﺗﻨﻰ ﺋﯩﻠﮕﯩﺮﻯ ﺳﯜﺭﯛﯞﺍﺗﻘﺎﻥ ﺋﻪﮬﻤﯩﻴﻪﺗﻠﯩﻚ ﺗﻪﺳﻪﯞﯞﯗﺭ، ﻧﯘﺭﻏﯘﻥ ﺋﯩﻘﺘﯩﺴﺎﺩﯨﻲ ﻗﯩﻤﻤﻪﺗﻜﻪ ﺋﻪﺭﺯﯨﻴﺪﯨﻐﺎﻥ ﺋﯧﻠﯧﻜﺘﺮﻭﻥ - ﺋﯘﭼﯘﺭ ﯞﻩ ﺋﻪﻗﯩﻞ ﺳﻮﺩﯨﺴﻰ ﺩﻩﯞﺭﯨﺪﻩ ﺗﯘﺭﯗﯞﺍﺗﻘﺎﻧﺪﺍ، ﺑﯩﺰ ﻧﺎﻥ ﻣﻪﺳﯩﻠﯩﺴﯩﮕﻪ ﭘﯧﺘﯩﭗ ﺗﯘﺭﯗﯞﺍﺗﯩﻤﯩﺰ. ﺷﯘﯕﺎ 21 - ﺋﻪﺳﯩﺮﻧﯩﯔ ﺑﻮﺳﯘﻏﯩﺴﯩﺪﺍ ﺗﯜﺭﻟﯜﻙ ﺳﺎﮬﻪﻟﻪﺭﺩﯨﻜﻰ ﺋﺎﺯﻏﯩﻨﻪ ﺳﻪﺭﺧﯩﻠﻠﯩﺮﯨﻤﯩﺰ ﻣﯩﻠﻠﯩﻲ ﻣﻪﺩﻩﻧﯩﻴﻪﺗﻨﻰ ﻗﻮﻏﺪﺍﺵ، ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ، ﺟﻪﻣﺌﯩﻴﻪﺗﻨﯩﯔ ﻧﻮﺭﻣﺎﻝ ﻓﯘﻧﻜﺴﯩﻴﯩﺴﯩﻨﻰ ﻗﻮﻏﺪﺍﺵ ﻗﺎﺗﺎﺭﻟﯩﻖ ﺗﺎﺭﯨﺨﯩﻲ ﺑﯘﺭﭼﻘﺎ ﺩﯗﭺ ﻛﯧﻠﯩﯟﺍﺗﯩﺪﯗ.

ﻳﻪﮬﯘﺩﯨﻲ ﻳﺎﺯﻏﯘﭼﯩﺴﻰ ﺷﻮﻟﻮﻡ ﺋﺎﻟﯩﻴﮭﯩﻢ(sholom aliyhim): "ﻳﻪﮬﯘﺩﯨﻴﻼﺭ ﻧﯧﻤﯩﮕﻪ ﺗﺎﻳﯩﻨﯩﭗ ﻳﺎﺷﺎﻳﺪﯗ؟ ﻣﺎﻧﺎ ﺑﯘ ﮬﻪﻗﯩﻘﯩﻲ ﻳﻪﮬﯘﺩﯨﻲ ﻣﻪﺳﯩﻠﯩﺴﺪﯗﺭ" ﺩﯦﮕﻪﻧﯩﺪﻯ. ﺯﯦﻤﯩﻨﻨﯩﯔ ﻣﯘﻗﻪﺩﺩﻩﺱ ﺋﺎﯞﺍﺯﯨﻨﻰ ﺋﺎﯕﻠﯩﻴﺎﻟﯩﻐﺎﻥ ﺩﺍﻧﯩﺸﻼﺭ ﺑﯘ ﺳﯚﺯﻧﯩﯔ ﺋﯚﺯﯨﮕﻪ ﻧﯩﺴﺒﻪﺗﻪﻥ ﻣﻪﻧﯩﺴﯩﻨﻰ ﭼﯜﺷﯩﻨﻪﻟﻪﻳﺪﯗ. ﺑﯜﮔﯜﻧﻜﻰ 14 ﻣﯩﻠﻴﻮﻥ ﻳﻪﮬﯘﺩﯨﻲ 2000 ﻳﯩﻠﻠﯩﻖ ﺳﻪﺭﮔﻪﺭﺩﺍﻧﻠﯩﻖ ﺗﯘﺭﻣﯘﺷﻨﻰ ﺑﺎﺷﺘﯩﻦ ﻛﻪﭼﯜﺭﯛﺵ ﺟﻪﺭﻳﺎﻧﯩﺪﺍ "ﺋﯩﻨﺠﯩﻞ"ﻏﺎ ﭘﯜﺗﯜﻟﮕﻪﻥ ﺋﻪﺟﺪﺍﺩﯨﻨﯩﯔ ﺭﻭﮬﯩﻨﻰ ﺗﺎﺷﻠﯩﯟﻩﺗﻤﯩﺪﻯ، ﺑﯘ ﺭﻭﮪ ﭘﺎﺭﭼﻪ - ﭘﺎﺭﭼﻪ ﻳﻪﮬﯘﺩﯨﻴﻼﺭ ﺗﻮﭘﯩﻨﻰ ﺑﯩﺮﻟﻪﺷﺘﯜﺭﯛﭖ ﺗﯘﺭﺩﻯ. ﺋﯘﻻﺭ ﺋﻪﯞﻻﺩﻟﯩﺮﯨﻨﻰ ﺗﻪﺭﺑﯩﻴﯩﻠﻪﻳﺪﯨﻐﺎﻥ ﻣﻪﻛﺘﻪﭘﻨﻰ ﺟﺎﻥ ﺗﯩﻜﯩﭗ ﻗﻮﻏﺪﯨﺪﻯ. ﺋﺎﺧﯩﺮ، ﻳﻪﮬﯘﺩﯨﻲ ﺋﺎﻟﯩﻤﻠﯩﺮﻯ ﭘﯜﺗﻜﯜﻝ ﻧﻮﺑﯧﻞ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﯜﭼﯩﻠﻪﺭﻧﯩﯔ ٪17ﺋﯩﻨﻰ ﺋﯩﮕﯩﻠﯩﺪﻯ، ﺋﺎﻣﯧﺮﯨﻜﯩﺪﯨﻜﻰ ﻣﯩﻠﻴﻮﻧﯧﺮﻻﺭﻧﯩﯔ ٪20ﺋﻰ ﻳﻪﮬﯘﺩﯨﻲ، ﺋﺎﻣﯧﺮﯨﻜﯩﺪﯨﻜﻰ ﺑﻪﺵ ﺳﺘﯘﺩﯦﻨﺘﻨﯩﯔ ﺑﯩﺮﺳﻰ ﻳﻪﮬﯘﺩﯨﻲ.

ﺑﯩﺰ ﺋﻮﻳﻠﯩﻨﯩﺸﻘﺎ ﺋﻪﮬﻤﯩﻴﻪﺕ ﺑﻪﺭﺳﻪﻛﻼ، ﺋﯚﺯ ﻣﻪﺳﯩﻠﯩﻤﯩﺰﮔﻪ ﺟﺎﯞﺍﺏ ﺗﺎﭘﺎﻻﻳﻤﯩﺰ. ﺋﯩﺪﯨﻴﻪ ﺑﯩﻠﻪﻥ ﮬﻪﺭﯨﻜﻪﺗﻨﯩﯔ ﺋﺎﺭﯨﻠﯩﻘﻰ ﻳﯩﺮﺍﻕ ﺋﻪﻣﻪﺱ

بىلىك كۇلۇبىدىن ئېلىندى