ئەھمەدى نىجاتنىڭ بۇشقا يازغان خېتى

(تەرجىمە)
تەرجىمان : ئەنۋەر ھامۇت


بىرىنچى خەت

ناھايىتى شەپقەتلىك ۋە مېھرىبان ئاللانىڭ ئىسمى بىلەن باشلايمەن
ئا ق ش نىڭ پىرېزىدىنتى جورج بۇش ئەپەندىگە:

خېلىدىن بېرى مەن ئويلىنىپ قېلىۋاتىمەن، خەلقئارا سەھنىلەردە مەۋجۇت ئاشۇ ئىنكار قىلغۇسىز زىتلىقلارنى، بولۇپمۇ سىياسى ئۇچرىشىشلاردا ۋە ئالىي مەكتەپ ئوقۇغۇچىللىرى ئارىسىدا بەس-بەس بىلەن مۇنازىرە قىلىنىۋاتقان ئاشۇ زىتلىقلارنى كىممۇ توغرا قىلىپ كۆرسىتىپ بىرەلەر؟ نۇرغۇن سۇئاللار جاۋاپسىز قالدى.شۇ تۈپەيلى مەن ئاشۇ ئىشلارنىڭ ماھىيتىنى ئېچىپ بىرىش پۇرسىتى كىلىپ قالسا ئەجەپ ئەمەس دىگەن ئۈمىد بىلەن ئاشۇ زىتلىقلار ۋە سۇئاللارنىڭ بەزىلىرى ھەققىدە مۇنازىرە قوزغاشنى تەيىن تېپىپ قالدىم.
مۇبادا بىراۋ كىشىلىك ھوقۇققا ئامالسىز ھۆرمەت قىلسا، لىبىرالىزىم(ئەركىنلەشتۈرۈش)نى مەدەنىيەتنىڭ ئۈلگىسى قىلىپ كۆرسەتسە، ئۆزىنىڭ يادرو قوراللىرى ۋە بالا-قازا ياغدۇرغۇچى قوراللارنىڭ كېڭىيىپ كېتىشىگە قارشى تۇرىدىغانلىقىنى جاكارلاپ قويۇپ. ئاندىن "تىرورلۇققا قارشى ئۇرۇش" نى شۇئار قىلىۋىلىپ، ئاخىرىدا ھامان بىركۈنى خىرىستوس ۋە يەر شارىدىكى پەزىلەت ئىگىللىرى ھۆكۈمرانلىق قىلىدىغان خەلقئارالىق جەمئىيەت قۇرۇپ چىقىش ئۇچۈن تىرىشسا، شۇنىڭ بىلەن بىر ۋاقىتتا دۆلەتلەرنى ھۇجۇمغا ئۇچرىتىپ. كىشىلەرنىڭ ھاياتى، مال-مۈلكى، ئىززەت - ھۆرمىتىنى دەپسەندە قىلسا، جىنايەتچىلەرنىڭ بولۇش مۈمكىنچىلىكى تولىمۇ كىچىك بولغان بىر يېزىغا ھەربىي ماشىنىلارنى ياغدۇرىۋىتىپ، پۈتۈن يېزىنى ئوت دېڭىزىغا ئايلاندۇرىۋەتسە، ئۇنداقتا بۇ كىشى خۇدانىڭ ئۇلۇغ پەيغەمبىرى بولغان ئەيسا خىرىستوس(ئۇنىڭغا تىنچلىق بولغاي)نىڭ مۇرىتى بولالارمۇ؟
ياكى بولمىسا بالا-قازا ياغدۇرغۇچى قوراللارنىڭ بولىشى مۈمكىن بولغان بىر دۆلەت ئىشغال قىلىنسا، 100،000لەپ ئادەم ئۆلتۈرۈلسە، شۇ دۆلەتنىڭ سۇمەنبەسى، يىزا ئىگىلىكى، سانائىتى، ۋەيران قىلىۋىتىلسە، 180،000چە ئىشغالىيەتچى قوشۇن بۇ دۆلەتنىڭ تۇپرىقىغا دەسسەپ تۇرسا، پۇقرالارنىڭ خۇسۇسى ئۆيلىرىنىڭ ئىززەت ھۆرمىتى دەخلى -تەرزگە ئۇچرىسا، بۇ دۆلەت كەم دېگەندىمۇ 50 يىل ئارقىغا چېكىندۈرۈۋىتىلسە....
بۇلار ئۈچۈن قانچىلىك بەدەل كېتەر؟ بىر دۆلەت ۋە باشقا بىر قانچە دۆلەت دۆلەت بايلىقىدىن يۈز مىلىيونلاپ دوللار سەرپ قىلىدۇ، ئون مىڭلاپ، يۈز مىڭلاپ يىگىت -قىزلار تاجاۋۇزچى قوشۇن سالاھىيتى بلەن ئازاپ سەپىرىگە ئۇزۇتىلىدۇ. ئائىلىسى ۋە ياخشى كۆرگەنلىرىدىن ئايرىلىشقا مەجبۇر بولىدۇ. قوللىرى باشقىلارنىڭ قېنى بىلەن بويىلىدۇ. ئۇلارنىڭ بەزىلىرى روھى ئازاپ بىلەن ئۆزىنى ئۆلتۈرۈۋالىدۇ، بەزىلرى روھى ۋەجىسمانىي جەھەتتىن كاردىن چىقىپ ئۆيلىرىگە قايتسىمۇ لىكىن مەڭگۈ ئازاپتىن قۇتۇلالمايدۇ. يەنە بەزىلىرىنىڭ بولسا جەسىدى ئۇرۇق -تۇققانلىرىغا ئەۋەتىپ بىرىلىدۇ.
بالا-قازا ياغدۇرغۇچى قوراللار باھانىسى بىلەن، بۇ تىراگىدىيە تاجاۋۇز قىلىنغان دۆلەتنىڭ خەلقىنى تاجاۋۇز قىلغۇچى دۆلەتنىڭ خەلقى بىلەن قوشۇپ يالماپ يۈتىۋەتتى. كېيىن زور مىقداردىكى بالا-قازا قوراللىرىنىڭ زادىلا بولۇپ باقمىغانلىقى ئاشكارىلاندى.
ئەلۋەتتە سادام بىر قاتىل مۇستەبىت. لېكىن بۇ ئۇرۇش سادامنى ئاغدۇرۇش ئۈچۈن ئېلىپ بېرىلمىغان. ئۇرۇشنىڭ مەقسىدى زور مىقداردىكى بالا-قازا قوراللىنى تېپىپ چىقىش ۋە ئۇنى بىتچىت قىلىش دەپ جاكارلانغان. سادام پەقەت باشقا بىر مەقسەتكە يىتىش يولىدا تەخىتتىن چۈشۈرىۋىتىلدى-خالاس، لىكىن بۇرايوندىكى خەلق بۇنىڭدىن خوشال بولۇشتى. بۇ يەردە مېنىڭ دېمەكچى بولغىنىم، ئىرانغا قارشى ئېلىپ بېرىلغان ئۇزۇن يىللىق ئۇرۇشلاردا، سادامنى غەرب قوللىغان ئىدى.


2-خەت



پىرىزىدېنت ئەپەندى،
سىز بەلكىم مېنىڭ ئوقۇتقۇچى ئىكەنلىكىمنى بىلىسىز. ئۇقۇغۇچىلىرىم داۋاملىق مەندىن بۇ ھەرىكەتلەرنىڭ مەن خېتىمنىڭ باش قىسمىدا تەكىتلەپ ئۆتكەن، خۇدانىڭ تىنچلىق ۋە مەغفىرەت ئەلچىسى بولغان ئەيسا خىرىستوس( ئاڭا تىنچلىق بولغاي) نىڭ ئەنئەنىلىرىنىڭ قىممىتى ۋە مەسئۇلىيتى بىلەن قانداقمۇ سىغىشالايدىغانلىقىنى سورىشىدۇ. گۇئانتانامودا ئەزەلدىن سىناپ كۆرۈلمىگەن تۈرمىلەر بار. قانۇنىي ئىگىلەرمۇ يوق،ئۇ يەردىكىلەرنىڭ ئائىلىسىدىكىلەر ئۇلارنى كۆرەلمەيدۇ. ئۇلار ئۆز دۆلىتىنىڭ سىرتىدىكى غەلىتە بىر جايغا قامالغان. ئۇلارنىڭ شارائىتى ۋە تەقدىرىگە خەلقئارانىڭ نازارەتچىلىكىمۇ يوق.ئۇيەردىكىلەر مەھبۇسمۇ،سىياسى جىنايەتچىمۇ،ئەيىپكارمۇ ياكى جىنايەتچىمۇ ھېچكىم بىلمەيدۇ. ياۋرۇپالىق تەكشۈرگۈچىلەرمۇ ياۋرۇپادا مەخپى تۈرمىلەرنىڭ بارلىقىنى جەزىملەشتۈردى. مەن بىر ئادەمنىڭ تۇتقۇن قىلىنىپ مەخپىي تۈرمىلەرگە تاشلىنىشى بىلەن ھەرقانداق بىر ئەدلىيە سىستىمىسىنىڭ ئۇنىڭغا ئىگىدارچىلىق قىلىشىنى باغلاپ تەسەۋۋۇر قىلالمايمەن. مۇشۇ ئىش تۈپەيلى، مەن ھەرقانداق قىلىپمۇ مۇشۇنداق ھەرىكەتلەرنى مەن خېتىمنىڭ باش قىسمىدا دەپ ئۆتكەن ،ئەيسا خىرىستوسنىڭ تەلماتلىرى بىلەن شۇنداقلا كىشىلىك ھوقۇق ۋە ئەركىنلىكنىڭ قىممەتلىرى بىلەن بىر يەرگە چۈشىنىشكە ئاجىز كەلدىم.
ياشلارنىڭ،سىتودېنتلارنىڭ ۋە باشقا نۇرغۇن كىشىلەرنىڭ ئىسرائىلىيە ھادىسىسى ھەققىدە نۇرغۇن سۇئاللىرى بار. كۆڭلۈمگە بەش قولدەك ئايانكى سىزنىڭمۇ بۇلارنىڭ بەزىلىرىدىن خەۋىرىڭىز بار.
تارىختا نۇرغۇن دۆلەتلەر بېسىۋىلىنغان. لېكىن، مېنىڭچە، يېپيېڭى بىر خەلق بىلەن قۇرۇلغان يېڭى بىر دۆلەت پەقەت مۇشۇ دەۋرىمىزگىلا خاس بولغان يېڭى بىر ھادىسە! سىتودېنتلار 60يىل ئىلگىرى بۇنداق بىر دۆلەت مەۋجۇت ئەمەس ئىدى، دىيىشمەكتە. ئۇلار كونا ھۆججەتلەرنى ۋە گۇلۇبۇسلارنى كۆرسىتىشىپ،بىز ئىسرائىلىيە دەپ ئاتىلىدىلىدىغان بىر دۆلەتنى تاپالمىدۇق دېيىشمەكتە.مەن ئۇلارغا ئىككىنچى دۇنيا ئۇرۇشى تارىخىنى ئۆگىنىڭلار دېدىم. بىر ئوقۇغۇچۇمنىڭ دېيىشىچە، نەچچە ئون مىلىيون ئادەمنىڭ بېشىغا چىققان ئىككىنچى دۇنيا ئۇرۇشى مەزگىلىدە ئۇرۇش خەۋەرلىرى ئۇرۇشىۋاتقان گورۇھلار تەرىپىدىن تولىمۇ تىز سۈرئەتتە تارقىتىۋىتىلگەن. ھەر تەرەپ ئۆزىنىڭ غەلبىسى ۋە قارشى تەرەپنىڭ ئەڭ يېقىنقى مەغلۇبىيەتلىرىنى خۇپىيانە تەكشۈرگەن.ئۇرۇشتىن كېيىن بولسا ئالتە مىلىيون يەھۇدىنىڭ ئۆلتۈرۈلگەنلىكىنى جاكارلىغان. ئالتە مىلىيون ئادەم ،ئېنىقكى ئەڭ ئاز بولغاندىمۇ ئىككى مىلىيون ئائىلىدىن دېرەك بېرىدۇ.
بوپتۇ، بىز بۇلارنى راست دەپمۇ تۇرايلى، لىكىن بۇنىڭدىن راستىنلا ئوتتۇرا شەرقتە ئىسرائىلىيىدىن ئىبارەت بىر دۆلەتنى قۇرۇش ياكى قوللاش دېگەن مەنتىقە كىلىپ چىقامدۇ؟ بۇ ھادىسىنى ئەقلىمىزدىن قانداق ئۆتكۈزسەك بولار يا قانداق چۈشەندۈرسەك بولار؟؟

3-خەت

پىرىزىدېنت ئەپەندى،
جەزىملەشتۈرىمەنكى، سىز ئىسرائىلىيىنىڭ قانداق ۋە قانچىلىك بەدەل بىلەن قۇرۇلغانلىقىنى بىلىسىز.
--كۆپ مىڭلاپ ئادەملەر شۇ جەرياندا ئۆلدى.
--مىلىيونلىغان يەرلىك كىشىلەر مۇساپىرلارغا ئايلاندى.
--نەچچە يۈزمىڭ گىكتار تېرىلغۇ يەر،خورمىزارلىق، يېزا-بازارلار ۋەيران قىلىندى.
بۇ تىراگىدىيە ئىسرائىلىيە قۇرۇلغان مەزگىلگىلا خاس بولڭپ قالماستىن، بەلكى 60 يىلدىن بىرى داۋاملىشىپ كەلمەكتە. ھەتتا بالىلارغىمۇ رەھىم -شەپقەت قىلمايدىغان، ئۆيلەرنى ئىچىدىكى ئادەملەر بىلەنلا قوشۇپ ۋەيران قىلىۋىتىدىغان، ئۆلتۈرۈلىدىغان پەلەستىنلىكلەرنىڭ تىزىملىكىنى ئالدىنئالا ئىلان قىلىپ ئاندىن ئۆلتۈرىدىغان،نۇرغۇن كىشىلەرنى قاماقلارغا سولايدىغان بىرھاكىمىيەت قۇرۇپ چىقىلدى.بۇ ئۆزگىچە بىر ھادىسە، پەقەت بولمىغاندىمۇ كەمدىن-كەم ئۇچرايدىغان ھادىسە.
كىشىلەر سورايدىغان يەنە بىر چوڭ سۇئال شۇكى، مۇشۇنداق بىر ھاكىمىيەت نىمىدەپ قوللاشقا ئىرىشىدۇ؟ بۇ خىل قوللاش ئەيسا خىرىستوس(ئاڭا تىنچلىق بولغاي) ۋە موسا ئەلەيھىسالام (ئاڭا تىنچلىق بولغاي)نىڭ تەلىماتلىرىغا ئۇيغۇن كىلەمدۇ؟ ئەركىنىلىكنىڭ قىممىتىگە توغرا كىلەمدۇ؟
ياكى بولمىسا ئەزەلدىن تارتىپ مۇشۇ زىمىندا ياشاۋاتقانلارنى،مەيلى خىرىستىئان ،مەيلى مۇسۇلمان يا مەيلى يەھۇدى بولۇشىدىن قەتئىنەزەر ئۆز تەقدىرىنى ئۆزى بەلگىلەشكە رۇخسەت قىلىشنى دىمۇكراتىيە، كىشىلىك ھوقۇق ۋە پەيغەمبەرلەرنىڭ تەلىملىرىگە زىت كىلىدۇ دەپ چۈشىنىشىمىز كىرەكمۇ؟ ئەگەر ئۇنداق بولمىسا، ئومۇمخەلق ئاۋازغا قويۇش نىمىدەپ شۇنچە زور قارشىلىققا ئۇچرايدۇ؟
يېقىندا يېڭىدىن سايلانغان پەلەستىن ھۆكۈمىتى تەخت بېشىغا چىقتى. بارچە مۇستەقىل كۈزەتچىلەر بۇ ھۆكۈمەتنىڭ سايلىغۇچىلارغا ۋەكىللىك قىلىدىغانلىقىنى دەلىلىدى. ئادەمنىڭ ئىشەنگۈسى كەلمەيدىغان يېرى شۇكى، ئۇلار بۇ ھۆكۈمەتنى قاتمۇ-قات بېسىمغا ئالدى. ئىسرائىلىيە ھاكىمىيتىنى ئىتىراپ قىلىشقا نەسىھەت قىلدى. كۆرەشتىن ۋاز كېچىشكە ۋە ئالدىنقى نۆۋەت ھۆكۈمەتنىڭ ئىزىدىن مېڭىشقا كۆندۈرمەكچى بولدى.
ئەگەر نۆۋەتتىكى پەلەستىن ھۆكۈمىتى ئالدىنقى ھۆكۈمەتنىڭ ئىزىدىن ماڭغان بولسا، پەلەستىن خەلقى ئۇلارنى سايلارمىدى؟ پەلەستىن ھۆكۈمىتىگە قارشى بۇ خىل مەيدان مەن باشتا ئوتتۇرىغا قويغان قىممەتلەرگە توغرا كېلەرمۇ؟
كىشىلەر يەنە مۇنداق دىيىشىۋاتىدۇ؛" نىمە ئۈچۈن ب د ت خەۋپسىزلىك كېڭىشىنىڭئىسرائىليە ئەيىپلەنگەن قارارلىرىنىڭ ھەممىسى ماقۇللانمايدۇ؟"

پىرىزىدېنت ئەپەندى،
خۇددى ئۆزىڭىز بىلىپ تۇرغاندەك، مەن ئوتتۇرا شەرقلىقلەر بىلەن ياشايمەن، ئۇلار بىلەن داۋاملىق ئالاقىلىشپ تۇرىمەن، ئۇلارمۇ ھەم مەن بىلەن بىر ئاماللارنى قىلىپ ئالاقىلىشىپ تۇرىدۇ. ئۇلارمۇ ئاشۇ گۇمانلىق سىياسەتلەرگە چىنپۈتمەيدۇ. شۇنىسى ئېنىقكى، بۇ رايۇندىكى كىشلەرنىڭ ئاشۇ سىياسەتلەرگە بولغان غەزەپ- نەپرىتى كۈنسايىن ئاشماقتا.
مېنىڭ نۇرغۇن سۇئاللار ئارقىلىق ئوڭايسىزلىق پەيدا قىلىش نىيتىم يوق.لىكىن مەن باشقا بىرقانچە نوقتىنى چوقۇم تەكىتلىشىم كېرەك.
نىمە ئۈچۈن ئوتتۇرا شەرق رايونىدا قولغا كەلتۈرۈلگەن تېخنىكىلىق ۋە ئىلمىي نەتىجىلەر يەھۇدى قىساسچىلىرى(Zionist regime) ھاكىمىيتىگە تەھدىت بولۇپ بىلىنىدۇ؟ ۋە شۇنداق تەسۋېرلىنىدۇ؟
ئىلمىي تەتقىقات ۋە تەرەققىيات دېگەن بىر ئەلنىڭ ئەقەللى ھوقۇقى ئەمەسمۇ؟
سىز تارىخ بىلەن تونۇش. ئوتتۇرا ئەسىردىن تارتىپ، پەن-تېخنىكا تەرەققىياتى باشقى قايسى قاراشنىڭ نەزىرىدە جىنايەت دەپ قارىلىپ كەلدى؟ پەن-_تېخنىكا نەتىجىلىرىنىڭ ھەربى مەقسەتتە ئىشلىتىلىش مۈمكىنچىلىكى بارلىق پەن-تېخنىكىغا قارشى تۇرۇشقا سەۋەپ بولالامدۇ؟ ئەگەر مۇشۇنداق بىر قاراش راست بولسا، ئۇ چاغدا فىزىكا،خېمىيە،ماتىماتىكا، ئېنژىنىرلىق...لارنى ئۆز ئىچىگە ئالغان بارلىق پەن -تېخنىكا ساھەلىرىگە قارشى تۇرۇشقا توغرا كېلىدۇ.
ئىراق ئۇرىشدا يالغان ئېيتىلدى. نەتىجىسى قانداق بولدى؟ زىنھار گۇمانلانمايمەنكى، يالغانچىلىق ھەرقانداق مەدەنىيەتتە ئەيىپلىنىدۇ. سىزمۇ باشقىلارنىڭ سىزگە يالغان ئېتىشىنى چوقۇم ياقتۇرمايسىز.

پىرىزىدېنت ئەپەندى:
لاتىن ئامېرىكىسى خەلقلىرىنىڭ نىمە ئۈچۈن ئۇلارنىڭ سايلىغان ھۆكۈمەتلىرى قارشىلىققا ئۇچراپ،
چىركىن رەھبەرلەر قوللاشقا ئىرىشىدىغانلىقىنى، ئۆزلىرىنىڭ نىمىدەپ داۋاملىق تەھدىتكە ئۇچرايدىغانلىقىنىڭ ۋە قورقۇنچ ئىچىدە ياشاشقا مەجبۇر بولىدىغانلىقىنى سوراپ بېقىش ھوقۇقى يوقمۇ؟
ئافرىقا خەلقى تىرىشچان، ئىجاتچان ۋە تالانتلىق.ئۇلار ئىنسانىيەتكە خىزمەت قىلىشتا موھىم ۋە قىممەتلىك رول ئوينىيالايدۇ.ئۆزلىرىنىڭ ماددى ۋە مەنىۋى تەرەققىياتىغا تۆھپە قوشالايدۇ. ئافرىقىنىڭ كۆپ قىسىم جايلىرىدا نامراتلىق ۋە قىيىنچىلىق بۇنىڭغا پۇتلىكاشاڭ بولماقتا.ئۇلارنىڭ ئۆزلىرىنىڭ كان بايلىقلىرىنى ئۆز ئىچىگە ئالغان ھەددى -ھېساپسىز بايلىقلىرىنىڭ ئۆزلىرى شۇلارغا ئەڭ موھتاج بولغان بىر ۋاقىتتا بۇلاڭ-تالاڭ قىلىنىشىغا نىمە ئۈچۈن دەپ سۇئال قويۇش ھوقۇقىمۇ يوقمۇ؟
يەنە بىر سوراپ باقاي، مۇشۇنداق ھەرىكەتلەر خىرىستوسنىڭ تەلىملىرىگە مۇناسىپ كېلەرمۇ؟ كىشىلىك ھوقۇقنىڭ ماھىيتىگە مۇناسىپ كېلەرمۇ؟

پىرىزىدېنت ئەپەندى،
جەزىملەشتۈرىمەنكى، سىز ئىسرائىلىيىنىڭ قانداق ۋە قانچىلىك بەدەل بىلەن قۇرۇلغانلىقىنى بىلىسىز.
--كۆپ مىڭلاپ ئادەملەر شۇ جەرياندا ئۆلدى.
--مىلىيونلىغان يەرلىك كىشىلەر مۇساپىرلارغا ئايلاندى.
--نەچچە يۈزمىڭ گىكتار تېرىلغۇ يەر،خورمىزارلىق، يېزا-بازارلار ۋەيران قىلىندى.
بۇ تىراگىدىيە ئىسرائىلىيە قۇرۇلغان مەزگىلگىلا خاس بولڭپ قالماستىن، بەلكى 60 يىلدىن بىرى داۋاملىشىپ كەلمەكتە. ھەتتا بالىلارغىمۇ رەھىم -شەپقەت قىلمايدىغان، ئۆيلەرنى ئىچىدىكى ئادەملەر بىلەنلا قوشۇپ ۋەيران قىلىۋىتىدىغان، ئۆلتۈرۈلىدىغان پەلەستىنلىكلەرنىڭ تىزىملىكىنى ئالدىنئالا ئىلان قىلىپ ئاندىن ئۆلتۈرىدىغان،نۇرغۇن كىشىلەرنى قاماقلارغا سولايدىغان بىرھاكىمىيەت قۇرۇپ چىقىلدى.بۇ ئۆزگىچە بىر ھادىسە، پەقەت بولمىغاندىمۇ كەمدىن-كەم ئۇچرايدىغان ھادىسە.
كىشىلەر سورايدىغان يەنە بىر چوڭ سۇئال شۇكى، مۇشۇنداق بىر ھاكىمىيەت نىمىدەپ قوللاشقا ئىرىشىدۇ؟ بۇ خىل قوللاش ئەيسا خىرىستوس(ئاڭا تىنچلىق بولغاي) ۋە موسا ئەلەيھىسالام (ئاڭا تىنچلىق بولغاي)نىڭ تەلىماتلىرىغا ئۇيغۇن كىلەمدۇ؟ ئەركىنىلىكنىڭ قىممىتىگە توغرا كىلەمدۇ؟
ياكى بولمىسا ئەزەلدىن تارتىپ مۇشۇ زىمىندا ياشاۋاتقانلارنى،مەيلى خىرىستىئان ،مەيلى مۇسۇلمان يا مەيلى يەھۇدى بولۇشىدىن قەتئىنەزەر ئۆز تەقدىرىنى ئۆزى بەلگىلەشكە رۇخسەت قىلىشنى دىمۇكراتىيە، كىشىلىك ھوقۇق ۋە پەيغەمبەرلەرنىڭ تەلىملىرىگە زىت كىلىدۇ دەپ چۈشىنىشىمىز كىرەكمۇ؟ ئەگەر ئۇنداق بولمىسا، ئومۇمخەلق ئاۋازغا قويۇش نىمىدەپ شۇنچە زور قارشىلىققا ئۇچرايدۇ؟
يېقىندا يېڭىدىن سايلانغان پەلەستىن ھۆكۈمىتى تەخت بېشىغا چىقتى. بارچە مۇستەقىل كۈزەتچىلەر بۇ ھۆكۈمەتنىڭ سايلىغۇچىلارغا ۋەكىللىك قىلىدىغانلىقىنى دەلىلىدى. ئادەمنىڭ ئىشەنگۈسى كەلمەيدىغان يېرى شۇكى، ئۇلار بۇ ھۆكۈمەتنى قاتمۇ-قات بېسىمغا ئالدى. ئىسرائىلىيە ھاكىمىيتىنى ئىتىراپ قىلىشقا نەسىھەت قىلدى. كۆرەشتىن ۋاز كېچىشكە ۋە ئالدىنقى نۆۋەت ھۆكۈمەتنىڭ ئىزىدىن مېڭىشقا كۆندۈرمەكچى بولدى.
ئەگەر نۆۋەتتىكى پەلەستىن ھۆكۈمىتى ئالدىنقى ھۆكۈمەتنىڭ ئىزىدىن ماڭغان بولسا، پەلەستىن خەلقى ئۇلارنى سايلارمىدى؟ پەلەستىن ھۆكۈمىتىگە قارشى بۇ خىل مەيدان مەن باشتا ئوتتۇرىغا قويغان قىممەتلەرگە توغرا كېلەرمۇ؟
كىشىلەر يەنە مۇنداق دىيىشىۋاتىدۇ؛" نىمە ئۈچۈن ب د ت خەۋپسىزلىك كېڭىشىنىڭئىسرائىليە ئەيىپلەنگەن قارارلىرىنىڭ ھەممىسى ماقۇللانمايدۇ؟"

پىرىزىدېنت ئەپەندى،
خۇددى ئۆزىڭىز بىلىپ تۇرغاندەك، مەن ئوتتۇرا شەرقلىقلەر بىلەن ياشايمەن، ئۇلار بىلەن داۋاملىق ئالاقىلىشپ تۇرىمەن، ئۇلارمۇ ھەم مەن بىلەن بىر ئاماللارنى قىلىپ ئالاقىلىشىپ تۇرىدۇ. ئۇلارمۇ ئاشۇ گۇمانلىق سىياسەتلەرگە چىنپۈتمەيدۇ. شۇنىسى ئېنىقكى، بۇ رايۇندىكى كىشلەرنىڭ ئاشۇ سىياسەتلەرگە بولغان غەزەپ- نەپرىتى كۈنسايىن ئاشماقتا.
مېنىڭ نۇرغۇن سۇئاللار ئارقىلىق ئوڭايسىزلىق پەيدا قىلىش نىيتىم يوق.لىكىن مەن باشقا بىرقانچە نوقتىنى چوقۇم تەكىتلىشىم كېرەك.
نىمە ئۈچۈن ئوتتۇرا شەرق رايونىدا قولغا كەلتۈرۈلگەن تېخنىكىلىق ۋە ئىلمىي نەتىجىلەر يەھۇدى قىساسچىلىرى(Zionist regime) ھاكىمىيتىگە تەھدىت بولۇپ بىلىنىدۇ؟ ۋە شۇنداق تەسۋېرلىنىدۇ؟
ئىلمىي تەتقىقات ۋە تەرەققىيات دېگەن بىر ئەلنىڭ ئەقەللى ھوقۇقى ئەمەسمۇ؟
سىز تارىخ بىلەن تونۇش. ئوتتۇرا ئەسىردىن تارتىپ، پەن-تېخنىكا تەرەققىياتى باشقى قايسى قاراشنىڭ نەزىرىدە جىنايەت دەپ قارىلىپ كەلدى؟ پەن-_تېخنىكا نەتىجىلىرىنىڭ ھەربى مەقسەتتە ئىشلىتىلىش مۈمكىنچىلىكى بارلىق پەن-تېخنىكىغا قارشى تۇرۇشقا سەۋەپ بولالامدۇ؟ ئەگەر مۇشۇنداق بىر قاراش راست بولسا، ئۇ چاغدا فىزىكا،خېمىيە،ماتىماتىكا، ئېنژىنىرلىق...لارنى ئۆز ئىچىگە ئالغان بارلىق پەن -تېخنىكا ساھەلىرىگە قارشى تۇرۇشقا توغرا كېلىدۇ.
ئىراق ئۇرىشدا يالغان ئېيتىلدى. نەتىجىسى قانداق بولدى؟ زىنھار گۇمانلانمايمەنكى، يالغانچىلىق ھەرقانداق مەدەنىيەتتە ئەيىپلىنىدۇ. سىزمۇ باشقىلارنىڭ سىزگە يالغان ئېتىشىنى چوقۇم ياقتۇرمايسىز.

باتۇر ۋە ئىتىقادلىق ئىران خەلقىنىڭمۇ 1953-يىلىدىكى مالىمانچىلىق، ئۇنىڭدىن كېيىن شۇ چاغدىكى قانۇنلۇق ھۆكۈمەتنىڭ ئاغدۇرىۋىتىلىشى، ئىسلام ئىنقىلابىغا قىلىنغان قارشىلىق، كونسۇلخانىنىڭ قوماندانلىق شىتابىغا ئايلنىپ قېلىشى،ئىسلام جۇمھۇرىيىتىگە دۈشمەنلىك قىلىش(نەچچە يۈزمىڭ بەت ھۆججەت بۇنى ئىسپاتلاپ بېرەلەيدۇ)،ئىرانغا قارشى ئۇرۇشتا سادامنى قوللاش،ئىران يولۇچىلار ئايروپىلانىنىڭ ئېتىپ چۈشۈرىۋىتىلىشى، ئىران مال-مۈلۈكلىرىنىڭ توڭلىتىلىشى،ئىراننىڭ پەن-تېخنىكا ۋە يادىرو تەتقىقاتى جەھەتلەردىكى نەتىجىلىرىگە نىسبەتەن نارازىلىق، غەزەپ ۋە تەھدىتنىڭ ئېشىپ بېرىشى( دەل مۇشۇ پەيىتتە ئىران خەلقى خوشاللىققا چۆمۈپ،دۆلىتىنىڭ تەرەققىياتى ئۈچۈن ئورتاق تىرىشىۋاتاتتى.) قاتارلىقلارنى ئۆز ئىچىگە ئالغان مەسىلىلەرگە نۇرغۇن نارازىلىقى ۋە سۇئاللىرى بار ئىدى. يەنە باشقا نۇرغۇن نارازىلىقلارنى بۇيەردە دەپ ئولتۇرۇشنى مۇۋاپىق كۆرمىدىم.

پىرىزىدېنت ئەپەندى،
"11-سىنتەبىر" ۋەقەسى ھەقىقەتەنمۇ قورقۇنچلۇق بىر ئىش بولدى. بىگۇنا كىشىلەرنىڭ ئۆلتۈرۈلىشى دۇنيانىڭ ھەرقانداق يېرىدە تولىمۇ ئوسال ۋە پەس ئىش ھېساپلىنىدۇ. ھۆكۈمىتىمىز دەرھاللا بۇ ئىشنى تېرىغۇچىلارغا بولغان غەزەپ-نەپرىتىنى، كىلىشمەسلىككە ئۇچرىغانلارغا بولغان قايغۇسىنى ۋە ھىسداشىلىقىنى ئىپادىلىدى.
ھەممە ھۆكۈمەتنىڭ ئۆز پۇقرالىرىنىڭ ھاياتى، مال-مۈلۈكى ۋە خاتىرجەملىكىنى قوغداش مەجبۇرىيىتى بولىدۇ. ئۇقۇشىمىزچە، ھۆكۈمىتىڭىزكەڭ دائىرىلىك بىخەتەرلىك،قوغدىنىش ۋە جاسۇسلۇق سېستىمىسىنى ئىشقا سالىدىكەن. ھەتتا دۈشمەنلىرىنى چىگرا سىرتىدىمۇ ئۇجۇقتۇرىۋىرىدىكەن. "11-سىنتەبىر" ۋەقەسى ھەرگىزمۇ ئادەتتىكى بىر ھەرىكەت ئەمەس. بۇ ئىشنى جاسۇسلۇق ۋە بىخەتەرلىك سېستىمىلىرىنىڭ ھەمكارلىقىسىز ياكى ئومۇمىيۈزلۈك سىڭىپ كىرمەي تۇرۇپ پىلانلىغىلى ۋە ۋۇجۇتقا كەلتۈرۈش مۈمكىنمۇ؟ ئەلۋەتتە بۇ پەقەتلا بىر ئاقىلانىلىك بىلەن قىلىنغان پەرەز. نىمە ئۈچۈن بۇ ھۇجۇمنىڭ خىلمۇ-خىل تەرەپلىرى يوشۇرىلىدۇ؟ زادى كىمدىن مەسئۇلىيەتسىزلىك ئۆتكەنلىكى نىمىدەپ خەۋەر قىلىنمايدۇ؟ بۇ ئىشتا مەسئۇلىيىتى بار جىنايەتچىلەر ۋە تەرەپلەر نىمىدەپ پاش قىلىنمايدۇ ۋە سوتقا تارتىلمايدۇ؟
ھەممە ھۆكۈمەتنىڭ ئۆز خەلقىگە بىخەتەرلىك ۋە خاتىرجەملىك يارىتىپ بىرىش مەجبۇرىيتى بار. خېلى يىللاردىن بىرى، دۆلىتىڭىز ۋە دۇنيادىكى چاتاق چىقىۋاتقان جايلارغا قوشنا دۆلەتلەرنىڭ خەلقىگە خاتىرجەملىك نىسىپ بولماي كەلمەكتە. "11-سىنتەبىر" ۋەقەسىدىن كېيىن قاتتىق روھى زەربىگە ئۇچرىغان ئاشۇ ئامان قالغۇچىلارنىڭ ۋە بۇ ھۇجۇم تۈپەيلى روھىيتى ئېغىر يارىلانغان ئامېرىكا خەلقىنىڭ دەردىگە دەرمان ۋە تەسەللى بولۇشنىڭ ئورنىغا بەزى غەرب ئاخبارات ۋاستىلىرى قورقۇش ۋە ئەنسىزلىك كەيپىياتنى تېخىمۇ قويۇقلاشتۇرىۋەتتى. بەزىلىرى يېڭى ھۇجۇملارنىڭ مۈمكىنچىلىكلىرى ھەققىدە توختىماي گەپ سېتىپ، خەلقنى قورقىتىپلا كەلدى. بۇ مۇلازىمەت ئامېرىكا خەلقى ئۈچۈنمۇ؟ قورقۇش ۋە ئەنسىزلىك كەلتۈرۈپ چىقارغان زىياننى ھېساپلاپ چىققىلى بولامدۇ؟
ئامېرىكا خەلقى ھەر زامان، ھەر جايدا يۈز بىرىش مۈمكىنچىلىكى بولغان يېڭى ھۇجۇملارنىڭ تۈگىمەس ئەندىشىسى ئىچىدە ياشاپ كەلدى. كوچىلاردا ، ئىش ئورۇنلىرىدا ھەتتا ئۆيلىرىدە ئۇلارغا ئارامچىلىق بولمىدى. بۇ ئەھۋالدىن كىممۇ خۇش بولالىسۇن؟ ئاخبارات ۋاستىلىرى ئۇلارغا خاتىرجەملىك ۋە ئارامچىلىق ئاتا قىلىشنىڭ ئورنىغا نىمىدەپ ئۇلارنىڭ قورقۇنچىنى ئاشۇرىۋىتىدۇ؟
بەزىلەر بۇنىڭ ئافغانىستانغا ھۇجۇم قىلىشنى توغرا قىلىپ كۆرسىتىش ئۈچۈن ئېلىپ بېرىلغان تەتۈر تەشۋىقات ئىكەنلىكىگە ئىشىنىدىكەن. بۇ يەردە ئاخبارات ۋاستىلىرىنىڭ رولىنى يەنە بىر قېتىم تەكىتلەپ قويىشىم كېرەك بولدى.
ئاخباراتچىلىق نىزامنامىلىرىدە، خەۋەرلەرنىڭ توغرا تارقىتىلىشى، ۋەقەلەرنىڭ سەمىمىيلىك بىلەن بايان قىلىنىشى پىرىنسىپ قىلىپ بىكىتىلگەن. مەن بەزى غەرب ئاخبارات ۋاستىلىرىنىڭ بۇ پىرىنسىپلارغا قىلغان پەرۋاسىزلىقىغا تولىمۇ ئۆكۈنىمەن. ئىراققا ھۇجۇم قىلىشنىڭ ئاساسلىق باھانىسى بالا-قازا قوراللىرىنىڭ مەۋجۇدلىقى ئىدى. بۇ ھەقتە خەۋەرلەرمۇ قۇمدەك ياغدۇرۇلغان ئىدى. ئاخىرى بۇنىڭغا ئىشىنىشتىن ئىراققا ھۇجۇم قىلىشنىڭ مەيدانى ھازىرلاندى.كاززاپلىق ۋە زىتلىق موھىتىدا راستلىق يوقىلىپ كەتمەسمۇ؟ ئەگەر، راستلىقنىڭ يوقىلىشغا يول قويۇلغان بولسا، ئۇ ھالدا بۇ باشتا تىلغا ئېلىنغان قىممەت قاراشلار بىلەن قانداقمۇ سىغىشار؟ رەببىمىزگە تونۇش بولغان راستلىقمۇ يوقىلىپ كېتەرمۇ؟
پىرىزىدېنت ئەپەندى،
دۇنيادىكى ھەرقايسى دۆلەتلەردە، پۇقرالار ھۆكۈمەتلەرنىڭ تۈرلۈك چىقىملىرىنى ئۈستىگە ئالىدۇ، شۇنىڭ بىلەن ھۆكۈمەتمۇ ئۆز نۆۋىتىدە پۇقرالىرىغا خىزمەت قىلىشقا قادىر بولالايدۇ.بۇ يەردىكى مەسىلە، ئىراق ھەرىكىتى ئۈچۈن سەرپ قىلىنغان يۈز مىلىيونلاپ دوللارلارنىڭ ئامېرىكا خەلقىگە نىمە پايدىسى تەگدى؟ تولىمۇ جايىدا بولغان ئەقلى-ھۇشىڭىزغا مەلۇم بولغىنىدەك، دۆلىتىڭىزنىڭ بىر قىسىم شىتاتلىرىدا خەلق نامراتلىق ۋە جاپا ئىچىدە تۇرمۇش كەچۈرىدۇ. بۇنداق ئەھۋال ئەلۋەتتە ھەممە دۆلەتلەردە ئازدۇر-كۆپتۈر تېپىلىدۇ. ئەنە شۇنداق مەسىلىلەر ئەستە تۇتۇلغان ئاساستا، بۇ قېتىمقى ھەرىكەتكە ئومۇمنىڭ بايلىقىدىن سەرپ قىلىنغان ئاشۇ غايەت زور چىقىمنى خېتىمىزنىڭ دەسلەپكى قىسمىدا تىلغا ئېلىنغان قىممەت قاراشلار بىلەن بىردەك قىلىپ چۈشەندۈرگىلى بولارمۇ؟ يۇقىرىدا دېيىلگەنلەر رايونىمىز ۋە دۆلىتىڭىزدىكى كىشىلەرنىڭ نارازىلىقلىرىنىڭ بىر قىسمى خالاس.لېكىن مېنىڭ ئاساسلىق قىلىپ دېمەكچى بولغانلىرىمنىڭ ئىچىدىن سىزنىڭ قوشۇلۇپ قېلىشىڭىز مۈمكىن بولغان بىر قانچىلىرى تۆۋەندىكىچە:

ھوقۇقدارلارنىڭ ئىشخانىلىرىدا كونكرىت بولغان ۋاقتى بار،ئۇلار قارىغۇلارچە ھوقۇق يۈرگۈزمەيدۇ، لېكىن ئۇلارنىڭ ئىسىملىرى تارىخ بەتلىرىگە خاتىرىلىنىدۇ ھەمدە تىزلا يىتىپ كىلىدىغان يىراق كەلگۈسىدە سۇئال-سورىقى قىلىنىدۇ. خەلق پىرىزدېنتلىقىمىزنى ئەلگەكلىرىدىن ئۆتكۈزىشىدۇ.
بىز خەلققە تېنچلىق، بىخەتەرلىك ۋە ئاسايىشلىق ئېلىپ كەلدۇقمۇ ياكى ئەنسىزلىك ۋە ئىشسىزلىقمۇ؟
بىز ھەققانىيەت تۇرغۇزۇشنى نىيەت قىلدۇقمۇ ياكى ئالاھىدە مەنپەئەتداشلىرىمىزنى قوللىدۇقمۇ؟
نۇرغۇن كىشىلەرنى نامراتلىقتا، جاپادا ياشاشقا مەجبۇرلاپ، بىر قىسملارنى باي ۋە قۇدرەتلىك قىلىپ قويدۇقمۇ؟ شۇنىڭ بىلەن خەلقنىڭ ۋە رەببىمىزنىڭ رازىلىقىنى ئاشۇلارنىڭكىگە تىگىشتۇقمۇ؟
بىز جەمىيەتنىڭ تۆۋەن قاتلاملىرىدىكىلەرنى قوغدىدۇقمۇ ياكى ئۇلارغا سەل قارىدۇقمۇ؟
بىز دۇنيا خەلقىنىڭ ھەق- ھوقۇقلىرىنى قوغدىدۇقمۇ ياكى ئۇلارغا ئۇرۇشلارنى تاڭدۇقمۇ؟ ئىشلىرىغا قانۇنسىزلارچە ئارىلاشتۇقمۇ؟ دەھشەتلىك تۈرمىلەرنى سېلىپ ئۇلارنىڭ بەزىلىرىنى قامىدۇقمۇ؟بىز دۇنياغا تېنچلىق ۋە خاتىرجەملىك ئېلىپ كەلدۇقمۇ ياكى قورقۇنچ ۋە تەھدىتنى ئاشۇردۇقمۇ؟
بىز خەلقىمىزگە ۋە دۇنيا خەلقىگە راست گەپ قىلدۇقمۇ ياكى بۇرمىلانغان گەپنىمۇ؟ بىز خەلق تەرەپتىمۇ ياكى ئىشغالىيەتچىلەر بىلەن ئۆكتىچىلەر تەرەپتىمۇ؟ بىزنىڭ ھۆكۈمرانلىقىمىز ئەقلىيلىك، مەنتىيقە،ئەخلاق،مەسئۇلىيەتنى ئادا قىلىش ۋە ھەققانىيەتنى ئومۇملاشتۇرۇش شۇنداقلا خەلق، گۈللىنىش، ئىنسانى غورۇر ۋە كىشىلىك ھوقۇقنى قوغداش ئۈچۈن تىكلەنگەنمۇ ياكى قورال ئىشلىتىشكە مەجبۇرلاش ئۈچۈنمۇ؟
پىرىزىدېنت ئەپەندى،
دۇنيا بۇ خىل ئەھۋالغا قانچە ئۇزۇنغىچە بەرداشلىق بىرەلەر؟ بۇ خىل يۈزلىنىش دۇنيانى قەيەرگە باشلاپ بارار؟ دۇنيا خەلقى بەزى ھۆكۈمرانلارنىڭ ناتوغرا قارارلىرىنىڭ دەردىنى قاچانغىچە تارتار؟(تاتارياكى تاتا ياكى تارتا؟) بالا-قازا تەرگۈچى قوراللارنىڭ كېڭىيىپ كېتىشىدىن كىلىپ چىققان ئەندىشە ۋە خاتىرجەمسىزلىك دۇنيا خەلقىنى يەنە قاچانغىچە يۈرەكئالدى قىلىپ يۈرەر؟ كوچىلار يەنە قاچانغىچە بىگۇنا ئەرلەر،ئاياللار ۋە بالىلارنىڭ قانلىرى بىلەن بويىلىپ تۇرار، پۇقرالارنىڭ ئۆيلىرى يەنە قاچانغىچە ئۆزلىرىنىڭ باشلىرىغا ئۆرىۋىتىلەر؟ دۇنيانىڭ ھازىرقى ھالىتىدىن سىز خۇشمۇ؟ سىزنىڭچە نۆۋەتتىكى سىياسەتلەر يەنە داۋاملىشارمۇ؟
ئەسكەر يۆتكەش، ھەربىي ھەرىكەت، بىخەتەرلىك قاتارلىقلارغا مىلىيارتلاپ سەرپ قىلىنغان ئاشۇ پۇللار ئەگەر مەبلەغ سېلىش، نامرات دۆلەتلەرگە ياردەم بىرىش، ساغلاملىقنى يۇقىرى كۆتۈرۈش، ھەرخىل كېسەللىككە قارشى تۇرۇش، مائارىپ، روھى ۋە جىسمانىي مۇۋاپىقلىق، تەبىئىي ئاپەتلەرگە ئۇچرىغانلارغا ياردەم بىرىش، ئىشقا ئورۇنلىشىش ۋە ئىشلەپچىقىرىش پۇرسىتى يارىتىش، تەرەققىيات تۈرلىرى ۋە نامراتلىقنى تۈگىتىش، توقۇنىشىۋاتقان ئەللەر ئوتتۇرىسىدا تېنچلىق ۋە يارىشىشنى بەرپا قىلىش ،مىللىي، ئىرقىي ۋە باشقا توقۇنۇش يالقۇنلىرىنى ئۆچۈرۈش ئۈچۈن سەرپ قىلنسا دۇنيا بۈگۈنكىدەك بولۇرمىدى؟ شۇنىڭ بىلەن دۆلىتىڭىز ۋە خەلقىڭىز كۆڭلى توق ھالدا پەخىرلەنمەسمىدى؟ سىزنىڭ ھۆكۈمىتىڭىز سىياسىي ۋە ئىقتىسادى جەھەتتە تېخمۇ كۈچەيمەسمىدى؟ كۆڭلىڭىزگە كەلسىمۇ دەۋىرەي، تارىختىن بۇيان ئامېرىكا قارشى خەلقارالىق نەپرەت ھازىرقىدىنمۇ بەكرەك كۈچىيىۋاتقان چاغ بولۇپ باقمىغان ئىدى.
پىرىزىدېنت ئەپەندى،
مېنىڭ ھېچكىمنىڭ دىلىغا ئازار بەرگۈم يوق ئىدى.
ئەگەر ئىبراھىم ئەلەيھىسالام، ئىسھاق ئەلەيھىسالام، ياقۇپ ئەلەيھىسالام، ئسمائىل ئەلەيھىسالام، يۈسۈف ئەلەيھىسالام ۋە ئەيسا ئەلەيھىسالام (ئۇلارغا تېنچلىق بولغاي) لار بىز بىلەن بىرگە بولغان بولسا، ئۇلار بۇ ئىشلارغا قانداق ھۆكۈم چىقىرار بولغىيدى؟ ئەيسا ئەلەيھىسالام( ئاڭا تېنچلىق بولغاي) مۇ بار بولىدىغان ۋەدە قىلىنغان دۇنيادا بىزنىڭ ئوينايدىغان رولىمىز بولارمۇ؟ ئۇلارھەتتا بىزنى قۇبۇل قىلارمۇ؟ مېنىڭ ئاساسلىق قىلىپ دېمەكچى بولغىنىم، دۇنيادىكى باشقا ئەللەر بىلەن ئۆز-ئارا تەسىر كۆرسىتىشنىڭ باشقىچىرەك ئۇسۇلى يوقمىدۇ-ئەجىبا؟ ھازىر دۇنيادا نەچچە يۈز مىلىيونلاپ خىرىستىئان، نەچچە يۈز مىلىيونلاپ مۇسۇلمان ۋە نەچچە مىلىيونلاپ مۇسا ئەلەيھىسالام(ئاڭا تېنچلىق بولغاي) نىڭ مۇرتلىرى بار. بارچە ئىلاھىي دىنلاردا ئورتاق بولغان بىر سۆز بار.يەنى، دۇنيادا بىر خۇدادىن باشقا ئىلاھقا ئىتىقاد قىلماسلىقتىن ئىبارەت " بىر خۇدا" سۆزى.
مۇقەددەس "قۇرئان"دا بۇ نوقتا ئالاھىدە تەكىتلەنگەن شۇنداقلا بارلىق ئىلاھىي دىنلارنىڭ مۇرتلىرىغا مۇنداق چاقىرىق قىلىنغان.
" ئى ئەھلى كىتاب!(يەنى يەھۇدىيلار ۋە ناسارالار) پەقەت ئاللاغىلا ئىبادەت قىلىش،ئاللاغا ھېچ نەرسىنى شېرىك كەلتۈرمەسلىك، ئاللانى قويۇپ بىر-بىرىمىزنى خۇدا قىلىۋالماسلىقتەك ھەممىمىزگە ئورتاق بولغان بىر سۆزگە(يەنى بىر خىل ئەقىدىگە) ئەمەل قىلايلى" دېگىن، ئەگەر ئۇلار يۈز ئۆرىسە(يەنى بۇنى قۇبۇل قىلمىسا):"(ئى يەھۇدىيلار ۋە ناسارالار جامائەسى!) بىزنىڭ مۇسۇلمان ئىكەنلىكىمىزگە گۇۋاھ بولۇڭلار (سۈرە "ئال ئىمران" 64- ئايەت.)


پىرىزىدېنت ئەپەندى:
مۇقەددەس كىتابلارغا كۆرە، ھەممىمىز بىر خۇداغا ۋە پەيغەمبەرلەرنىڭ تەلىملىرىگە ئىشىنىشكە چاقىرىلغان.
" جاھاندا ھەممىدىن قۇدرەتلىك، خالىغانلىرىنى قىلالايدىغان خۇداغا چوقۇنۇش"
" ياراتقۇچى ئاشكارا ۋە يوشۇرۇن، كەلگۈسى ۋە ئۆتمۈش، بەندىلىرىنىڭ نىمە ئويلاۋاتقانلىقىنى بىلىدۇ ۋە ئۇلارنى خاتىرىلەپ قويىدۇ."
" رەببىمىز ئالەملەرنىڭ ئىگىسىدۇر، ئاسمان ۋە زىمىن رەببىمىزنىڭدۇر."
"ئالەم رەببىمىزنىڭ قولىدا يارىتىلغان شۇنداقلا بەندىلەرگە مىھرى-شەپقەت دېڭىزى ۋە گۇناھلىرى ئۈچۈن مەغفىرەت ئاتا قىلىنغان"
" ئۇ زۇلۇمغا ئۇچرىغۇچىلارنىڭ ھەمراھى ۋە زۇلۇم سالغۇچىلارنىڭ دۈشمىنى"
" ئۇ ناھايىتى شەپقەتلىك ۋە مىھرىبان"
" ئۇ تەقۋادارلار ئۈچۈن بۇلاق، ئۇ ئۇلارنى قاراڭغۇلۇقتىن يورۇقلۇققا باشلايدۇ"
" ئۇ بەندىلەرنىڭ قىلمىشلىرىغا گۇۋاھتۇر"
" ئۇ بەندىلىرىنى تەقۋادار بولۇشقا، ياخشى ئىشلارنى قىلىشقا، توغرا يولدا تەۋرەنمەي مېڭىشقا چاقىرىدۇ"
" پەيغەمبەرلەرگە ئەگىشىكە چاقىرىدۇ ۋە ئۇلارنىڭ قىلمىشلىرىغا گۇۋاھ بولىدۇ"
" بۇ دۇنيالىقنى تاللىغانلار،خۇداغا ئاسىيلىق قىلغانلار ۋە خۇدانىڭ خىزمىتىنى قىلغۇچىلار نى توسۇغۇچىلار يامان ئاقىۋەتكە قالىدۇ."
" جەننەتكە رەببىدىن قورققانلار ۋە پەس ئارزۇ-ھەۋەسلىرىگە بىرىلمىگەنلەر كىرىدۇ"

بىز پەيغەمبەرلەرنىڭ تەلىملىرىگە قايتىشنىڭ قۇتۇلۇشقا ئېلىپ بارىدىغان بىردىنبىر يول ئىكەنلىكىگە ئىشىنىمىز.مېنىڭ ئۇقۇشۇمچە ، سىز ئەيسا ئەلەيھىسالام(ئا ت ب ) نىڭ تەلىملىرگە شۇنداقلا رەبنىڭ يەر يۈزىدىكى ھۆكۈمرانلقى توغرىسىدىكى ۋەدىگە ئىشىنىدىكەنسىز.بىزمۇ ئەيسا ئەلەيھىسالام(ئا ت ب ) نى ياراتقۇچىمىزنىڭ ئۇلۇغ پەيغەمبىرى ئىكەنلىكىگە ئىشىنىمىز. ئۇ "قۇرئان" دا تەكرار-تەكرار ماختالغان.ئەيسا ئەلەيھىسالام "قۇرئان" دا مۇنداق دېگەن:
" ئاللا ھەقىقەتەن مېنىڭ پەرۋەردىگارىمدۇر، سىلەرنىڭمۇ پەرۋەردىگارىڭلاردۇر، شۇنىڭ ئۈچۈن ئۇنىڭغا ئىبادەت قىلىڭلار، بۇ توغرا يولدۇر." سۈرە "مەريەم" 36- ئايەت.
ئاللاغا ئىتائەت قىلىشقا دەۋەت قىلىش بارلىق پەيغەمبەرلەرنىڭ بۇرچىدۇر.
ياۋرۇپالىقلار،ئاسىيالىقلار،ئافرىقىلىقلار، ئامېرىكىلىقلار شۇنداقلا جاھاندىكى باشقا ھەممە كىشىلەرنىڭ خۇداسى بىر. ئۇ بولسىمۇ ھەممىنى يىتەكلەيدىغان ۋە غورۇر ئاتا قىلغۇچى رەببىمىزدۇر. ئۇ ئىنسانلارنى ئۇلۇغ قىلغان. مۇقەددەس كىتابلارغا يەنە قاراپ باقايلى:" ھەممىگە قادىر ياراتقۇچى كىشىلارنى بۇزۇقچىلىق ۋە گۇناھلاردىن پاكلاش، ئۇلارغا ئىلاھى مۆجىزىلەرنى كۆرسىتىش ۋە ئۇلارنى يىتەكلەش ئۈچۈن، پەيغەمبەرلەرنى مۆجىزە ۋە روشەن بەلگىلەر بىلەن ئەۋەتتى." ئۇ يەنە كىشىلەرنىڭ ئاسىي بولۇپ قېلىشىنىڭ ئالدىنى ئېلىشى ، ئادالەت تىكلىشى ئۈچۈن كىتاب ۋە تەڭشەك ئەۋەتتى. يۇقارقىلار ئىسىل كىتابتىمۇ ئۇچرايدۇ.پەيغەمبەرلەر ۋەدە قىلغان:
ئىنسانلار ئاللانىڭ ھوزۇرىغا جەم قىلىنىدىغان كۈن كېلىدۇ،ئۇلارنىڭ قىلمىشلىرىدىن ھېساپ ئېلىنىدۇ.ياخشىلار جەننەتتىن ئورۇن ئالىدۇ، گۇناھكارلار تىگىشلىك جازاسىنى تارتىدۇ.
مېنىڭچە ھەر ئىككىمىز مۇشۇنداق بىر كۈنگە ئىشىنىمىز.لېكىن ھۆكۈمدارلارنىڭ ھېسابىنى قىلىش ئۇنچىلىك ئاسان ئەمەس، چۈنكى بىز خەلققە شۇنداقلا ھاياتى ۋاستىلىك ياكى بىۋاستە ھالدا بىزنىڭ ھەرىكەتلىرىمىزنىڭ تەسىرىگە ئۇچرىغانلارغا جاۋاپ بېرەلىشىمىز كېرەك.بارچە پەيغەمبەرلەر بىر خۇدالىق پىرىنسىپى ئاستىدا كىشىلەرگە تېنچلىق، خاتىرجەملىك، ئادالەت ۋە كىشىلىك قەدر-قىممەت يارىتىشنى تىلغا ئالغان.
سىزنىڭچە، ئەگەر بىز بىر خۇداغا ئىشىنىش،ئادالەت، ئىنسانىيلىقنى قەدىرلەش، قىيامەتكە ئىشىنىش قاتارلىق پىرىنسىپلارغا ئىشەنگەن ۋە ئەمەل قىلغان بولساق، ياراتقۇچىمىز ۋە پەيغەمبەرلىرىمىزگە ئىتائەت قىلماسلىقتىن كېلىپ چىققان مۇشۇ بىر قاتار مەسلىلەرنى يەڭگەن ۋە ئۆزىمىزنىڭ رولىنى تېخىمۇ ياخشى جارى قىلدۇرماسمىدۇق؟
سىزنىڭچە مۇشۇ پىرىنسىپلار تېنچلىق، دوستلۇق، ئادالەتنى ئىلگىرى سۈرمەسمۇ؟ كاپالەتلەندۈرمەسمۇ؟
سىزنىڭچە يۇقىرىدا تىلغا ئېلىنغان ۋە تىلغا ئېلىنمىغان پىرىنسىپلار يەر يۈزىدە ھەممىگە ئورتاق ئەمەسمىدۇ؟
سىز بىر خۇداغا ۋە ئۇنىڭ پەيغەمبەرلىرىنىڭ تەلىملىرىگە، ئىنسانىي قەدر-قىممەتكە، ئادالەتكە ، خۇداغا بولغان ئىتائەتكە ھەقىقى قايتىش ھەققىدىكى بۇ تەكلىپنى رەت قىلارسىزمۇ؟

پىرىزىدېنت ئەپەندى؛
زوراۋان ۋە ۋەھشى ھۆكۈمەتنىڭ زاۋال تاپىدىغانلىقى تارىختىن بۇيان ھەممىگە مەلۇم.خۇدا ئادەمنىڭ تەقدىرىنى ئۇلارغا ھاۋالە قىلغان. خۇدا ئىنسانىيەتنى ۋە ئالەمنى ھەرگىزمۇ ئۇلارنىڭ ئۆز مەيلىگە تاشلاپ قويمايدۇ. ھۆكۈمەتلەرنىڭ ئارزۇسى ۋە پىلانلىرىغا قارشى نۇرغۇن ئىشلار يۈز بەردى.بۇنىڭدىن قۇدرەتلىك بىر كۈچنىڭ ھەرىكەتتە ئىكەنلىكىنى، ھەممىنىڭ شۇ قۇدرەت تەرىپىدىن بەلگىلىنىدىغانلىقىنى كۆرۈۋالغىلى بولىدۇ.بۈگۈنكى دۇنيادىكى ئۆزگىرىش ئالامەتلىرىنى كىممۇ ئىكار قىلالىسۇن؟ بۈگۈنكى دۇنيانىڭ ئىشلىرىنى ئون يىل ئالدىدىكىگە سېلىشتۇرغىلى بولامدۇ؟
ئۆزگىرىشلەر ۋەھشى تىز سۈرئەتتە يۈز بەرمەكتە.كىشىلەر دۇنيادىكى نوپۇزلۇق رەھبەرلەرنىڭ نوپۇزى ۋە ۋەدىلىرىدىن نارازى بولۇشماقتا ۋە ئۇلارغا ئانچە پىسەنت قىلمايدىغان بولۇشماقتا.دۇنيادىكى نۇرغۇن كىشىلەر ئەنسىزلىك ۋە ئۇرۇش ۋەسۋەسىسى ئىچىدە ياشىماقتا. سىياسەتلەرنى قوللاشقا، ئىشىنىكە ئامالسىز قالماقتا.مۇشۇ كىشىلەر باي-كەمبەغەللىك ۋە ئىرىشكەنلەر بىلەن ئىرىشەلمىگەنلەر ئارىسىدىكى كۈنسىرى چوڭىيىۋاتقان پەرققە قارشى تۇرماقتا.
خەلق چىرىكلىكتىن جاق تويماقتا.كۆپلىگەن دۆلەتلەردىكى خەلق ئۆز مەدەنىيەتلىرىنىڭ ئاساسلىرىغا قىلىنغان ھۇجۇملارغا، ئائىلىلەرنىڭ يىمىرىلىشىگە غەزەبلەنمەكتە. كۆيۈم ۋە مۇھەببەتنىڭ سۇسلىشىشى ئۇلارنىڭ كەيپىنى ئۇچارماقتا.دۇنيا خەلقىنىڭ خەلقارالىق تەشكىلاتلارغا بولغان ئىشەنچسىمۇ قالمىغىلى تۇردى، چۈنكى بۇ تەشكىلاتلار ئۆز ھوقوقىنى ئۆزى ئىشلىتەلمەيۋاتىدۇ. لىبىرالىزىم ۋە غەربچە دىمكۇراتىيە ئىنسانلارغا ئۆزلىرىنىڭ غايىسىنى تونۇتۇشقا قادىر بولالمىدى. بۇ ئىككى ئۇقۇم ئەمدى مەغلۇپ بولدى. ھۇشيارلار ئاللىقاچان لىبىرالىزىمچە دىمكۇراتىيە سىستىمىسىنىڭ شالاقشىپ قالغان ئاۋازىنى ئاڭلاپ ئۈلگۈردى.بىز دۇنيادىكى كىشىلەرنىڭ ئۈزلۈكسىز رەۋىشتە شۇنداق بىر مەركىزى نوقتىغا-يەنى، ھەممىگە قادىر خۇداغا يۈزلىنىۋاتقانلىقىنى كۆرۈۋاتىمىز. شەك-شۈبھىسىزكى، ئىنسانلار خۇداغا ۋە پەيغەمبەرلەرگە بولغان ئىتائەت بىلەنلا دۇنيادىكى مەسلىلەر ئۈستىدىن غالىپ كىلەلەيدۇ. سىزدىن سوراپ باقاي: "سىزنىڭ شۇلارغا قوشۇلغىڭىز يوقمۇ؟"
پىرىزىدېنت ئەپەندى؛
مەيلى بىز ياقتۇرايلى ياكى ياقتۇرمايلى، دۇنيا خۇداغا بولغان ئىتىقادقا ۋە ئادالەتكە يۈزلىنىدۇ، خۇدانىڭ ئىرادىسى ھەممىدىن غالىپ كىلىدۇ.

Vasalam Ala Man Ataba'al hoda

مەھمۇد ئەھمەدى نىجاد
ئىران ئىسلام جۇمھۇرىيىتىنىڭ پىرىزىدېنتى