قاتتىق سۆز-ئىبارىلەر قوللىنىلغان نۇتۇق

]ئامېرىكا << ۋاشىنگتون پوچتىسى>> گېزىتى تور پونكىتىنىڭ 25-سېنتەبىر خەۋىرى[ تۈنۈگۈن ۋاشىنگتون مەملىكەتلىك ئاخبارات بىناسىنىڭ سىرتىغا نۇرغۇن نامايىشچىلار توپلاندى. نىجاد ئاخبارات كۇلۇبىغا بارغىچە ئون مىنۇت كېچىكىپ قېلىپ، نيۇ-يوركتىكى تېلېۋىزىيىسىدە بىۋاستە كۆرسىتىش ئۆيىگە دەل ۋاقتىدا بارالمىدى. ئاندىن ئۇنىڭ ۋەكىللەر ئۆمىكى ئۇنىڭ قاتتىق سۆز-ئىبارىلەر قوللىنىلغان نۇتقى ئەمدىلا يېرىملىشىشى بىلەنلا نىجاد كولۇمبىيە ئۇنىۋېرسىتېتىغا نۇتۇق سۆزلەشكە بېرىشتىن ئىلگىرى ناماز ئوقۇيدۇ، ئاخبارات كۇلۇبىغا نىجاد مۇددەتتىن 15 مىنۇت ئىلگىرى مېڭىشى كېرەك، دەپ ئۇقتۇردى.

]ئامېرىكا <<نيۇ-يورك ۋاقىت گېزىتى>> تور پونكىتىنىڭ 25-سېنتەبىر خەۋىرى[ نىجاد ناتسىسلارنىڭ 6 مىليون يەھۇدىنى قىرغىن قىلغانلىقىنى پاكىت دەپ قارىماستىن، ئەكسىچە بىر خىل سەپسەتە دەپ قاراش كېرەك، شۇڭا، بۇ مەسىلە توغرىسىدا مۇنازىرە قىلىشقا ۋە تېخىمۇ كۆپ تەتقىقات ئېلىپ بېرىشقا بولىدۇ، دېدى.
ئىران زوڭتۇڭى نىجاد تۈنۈگۈن كولۇمبىيە ئۇنىۋېرسىتىتېتىدا ئىككى سائەتكە يېقىن <<تىل ئۇرۇشى>> قىلدى. ئۇ سۆزلىگەن چۈشەنگۈسىز قاراشلار ئۇنى نۇتۇق سۆزلەشكە تەكلىپ قىلىشنىڭ قىلچە ئەھمىيىتى يوق، دەپ قارىغان كىشىلەرگە باھانە تېپىپ بەردى. بىراق، ئۇنىڭ پەيدا بولۇشى غەرب ( بولۇپمۇ ئامېرىكا) نىڭ نوپۇزىنى ئاشكارا مەنسىتمىگەنلىكىنىڭ ئۇنىڭ تەرەققىي قىلىۋاتقان نۇرغۇن دۆلەتتە ھۆرمەتكە سازاۋەر بولغانلىقىنىڭ سەۋەبى ئىكەنلىكىنى دەلىللىدى.
نىجاد رىياسەتچى بىلەن كۆپ قېتىم تاكاللىشىپ قالدى. ئۇ ئامېرىكىنى تېررورلۇق تەشكىلاتلارنى قوللىدى، دەپ ئەيىبلىدى ھەم ئامېرىكا بىلەن ياۋروپانىڭ ئىراننىڭ يادرو قارا نىيىتىنى چەكلەش تىرىشچانلىقىنى ساقتىلىق، دەپ سۆكتى.
نىجاد مۇنداق دېدى: << سىلەر 5-ئەۋلاد ئاتوم بومبىسىنى ياساپ چىقتىڭلار ۋە سىناق قىلدىڭلار، سىلەرنىڭ پەقەت يادرو ئېنېرگىيىسىگىلا ئىگە بولۇشنى ئارزۇ قىلىۋاتقانلاردىن گۇمانلىنىشقا نېمە ھەققىڭلار بار؟>> ئۇ يەنە مۇنداق دېدى: << مېنىڭچە، سىياسىي جەھەتتىن ئېيتقاندا، (ئاتوم بومبىسىغا ئېسىلۋالغان ئاشۇ سىياسەتۋازلار ئەقىلسىز) >>.
نىجاد ھەم ئاشكارا ئىغۋاگەرچىلىك قىلدى ھەم بەزى ھېسداشلىققا ئېرىشتى. ئۇ مۇنداق دېدى: ئىران ئىسرائىلىيىنى ئېتراپ قىلمايدۇ، چۈنكى، ئىسرائىلىيە << ئىرقى ئايرىمىچىلىق، ئىشغالىيەت ۋە تاجاۋۇزچىلىقنى ئاساس قىلىدىغان دۆلەت، ئۇ قوشنىلىرىغا تەھدىت سېلىپ كېلىۋاتىدۇ>>.

] شياڭگاڭ << يۇلتۇزلۇق ئارال>> گېزىتىنىڭ 25-سېنتەبىر خەۋىرى[ ئىران زۇتۇڭى نىجادنىڭ ئامېرىكىغا قىلغان سەپىرى ئۇدا غۇۋغا قوزغىدى. ئۇنىڭ كولۇمبىيە ئۇنىۋېرسىتېتىدا نۇتۇق سۆزلەشكە تەكلىپ قىلىنغانلىقى ئوقۇغۇچىلارنىڭ قاتتىق ئېتىزار بىلدۈرۈشىگە ئۇچرىدى. لوزۇنكىلرنى كۆتۈرگەن نامايىشچىلار كولۇمبىيە ئۇنىۋېرسىتېتى دەرۋازىسىنىڭ ئالدىغا توپلىنىپ: << نىجادقا ئۆچ ئېلىش سەھنىسى ھازىرلاپ بەرمەيلى!>> دەپ شوئار توۋلاپ، نىجادنى 2-گېتلېر، ناتسىسلارنىڭ چوڭ قىرغىنچىلىق قىلغانلىقىدەك پاكىتنى ئاشكارە ئىنكار قىلدى، دەپ ئەيىبلىدى. نيۇ-يورك شىتاتىنىڭ ئاۋام پالاتاسى ئەزالىرى: كولۇمبىيە ئۇنىۋېرسىتېتى << بۇ ئەسەبىي پاكىنەك گېتلېر >> نى تەكلىپ قىلماسلىقى كېرەك ئىدى، دېيىشتى.

يارىشىش پوزىتسىيىسىنى بىلدۈرۈپ، جامائەتچىلىكنى قولغا كەلتۈرۈش

] شياڭگاڭ << ئەلچى >> گېزىتىنىڭ 25-سېنتەبىر خەۋىرى[ يەكشەنبە كۈنى ئامېرىكىنىڭ نيۇ-يورك شەھىرىگە كەلگەن نىجاد بۈگۈن ب د ت يىغىنىغا قاتناشتى ۋە نۇتۇق سۆزلىدى.
نىجاد ب د ت يىغىنىغا قاتنىشىش ئۈچۈن نيۇ-يوركقا بېرىشتىن ئىلگىرى ئاخبارات ۋاستىلىرىنىڭ زىيارىتىنى قوبۇل قىلغاندا: ئىران يادرو قورالىغا مۇھتاج ئەمەس، ئامېرىكا بىلەن ئۇرۇشۇشنىمۇ خالىمايدۇ، دەپ يارىشىش پوزىتسىيىسىدە بولغانىدى. ئۇ يەنە مۇنداق دېدى: ئامېرىكا خەلقى دۇنيادىكى ئوخشىمىغان قاراشلارنى چۈشۈنۈشنى ئۈمىد قىلىدۇ، شۇڭا، مەن بۇ پۇرسەتتىن پايدىلىنىپ، ئامېرىكىلىقلارغا << توغرا ۋە ئېنىق ئۇچۇر >> بەرمەكچىمەن. ئۇ مۇنداق دېدى: بۇ قېتىمقى سەپەر مېنى مۇستەقىل سىياسىي ئەربابلار بىلەن ئۇچرىشىش پۇرسىتىگە مۇيەسسەر قىلدى، ب د ت مۇ ئىرانغا سەھنە ھازىرلاپ، ئىران خەلقىنىڭ مەسىلىسىنى ھەل قىلىش ئۇسۇلىنى دۇنياغا نامايان قىلىشىغا پۇرسەت يارىتىپ بەردى.
ئامېرىكىلىقلار نىجادنىڭ نيۇ-يوركتا زىيارەتتە بولۇشتا ئۆز-ئۆزىنى تەشۋىق قىلىش مۇددىئاسىنىڭ بارلىقىنى ئېنىق بىلىدۇ.

غەلىتە تاكتىكىلارنى ئارقا-ئارقىدىن قوللىنىپ، ئامېرىكىنىڭ بېشىنى ئاغرىتىش

] شياڭگاڭ << ئەلچى >> گېزىتىنىڭ 25-سېنتەبىر ماقالىسى[ نىجاد تەشۋىقات ئۇرۇشى قىلىشقا ماھىر. ئۇ نيۇ-يوركقا بېرىپ ب د ت يىغىنىغا قاتناشتى، يەنى كولۇمبىيە ئۇنىۋېرسىتېتىنىڭ تەكلىپىگە بىنائەن دۇنيا داھىيلىرى مۇنبىرىگە قاتناشتى. نىجادنىڭ ھەقىقىي مۇددىئاسى جامائەتچىلىكنى قولغا كەلتۈرۈش. ئۇنىڭدىن باشقا، ئۇ ھەمىشە غەلىتە تاكتىكىلارنى ئىشلىتىپ ياكى كىشىنى ھەيران قالدۇرىدىغان سۆزلەرنى قىلىپ، ئامېرىكىنى ئوسال ئەھۋالغا قويىۋاتىدۇ.
بۇ يىل 4-ئايدا، ئىران تالاش-تارتىش بولاۋاتقان سۇ تەۋەلىكىدە چارلاش ۋەزىپىسىنى ئىجرا قىلىۋاتقان 15 ئەنگلىيىلىك ئەسكەرنى تۇتۇپ قالغان، بىر مەزگىللىك تىركىشىشتىن كېيىن، نىجاد ئۇشتۇمتۇت قاتتىق پوزىتسىيىسىدىن يېنىپ، تۇتقۇنلانى قويۇپ بېرىش توغرىسىدا پەرمان چۈشۈرگەن، يەنى تېلېكامېرا ئالدىدا قويۇپ بېرىلگەن ئەنگلىيە ئەسكەرلىرىنى شەخسەن ئۆزى ئۇزۇتۇپ قويغان. ئۇ ئارىلىقتا ئۇلار بىلەن چاقچاق قىلىشىپ كۈلۈشكەن، بۇ ئىش ئەنگلىيە ھۆكۈمىتىنى ناھايىتى تەڭلىكتە قويغان. شۇنىڭ بىلەن ئىران بىر قېتىملىق ئاممىۋى مۇناسىۋەت جېڭىدە غەلىبە قىلدى، دەپ قارالغانىدى.
نىجاد ئىلگىرى ب د ت يىغىنىغا قاتناشقاندا، ئامېرىكىنى ئۇرۇش تەلۋىسى، دەپ سۆككەن ئىدى. يەنە ئوخشىمىغان سورۇنلاردا ناتسىستلارنىڭ چوڭ قىرغىنچىلىق قىلغانلىق تارىخىدىن گۇمانلانغان ھەم << ئىسرائىلىيىنى خەرىتىدىن ئۆچۈرۋېتىش كېرەك>> دەپ خەلقئارا جەمئىيەتتە زور غۇلغۇلا قوزغىغانىدى.
غەزەپتىن يېرىلغۇدەك بولغان ئامېرىكىلىقلار نىجادنى << قارشى ئېلىنمايدىغان شەخس>> دەپ قاراپ، ئۇنىڭ بىلەن ئۇچرىشىشنى خالىماي كەلدى. لېكىن، نىجاد نيۇ-يوركقا بېرىپ، ب د ت يىغىنىغا قاتناشتى، يەنى بۇشقا ب د ت يىغىنىدا ئاشكارە مۇنازىرلىشەيلى، ئىراق ئۇرۇشى قاتارلىق خەلقئارا مەسىلىلەرگە بولغان پوزىتسىيىمىزنى شەرھىيلەيلى ۋە ھەل قىلىش لايىھىسىنى ئوتتۇرغا قويايلى، ب د ت نىڭ 200 يېقىن ئەزاسىنى ھۆكۈمچى قىلىپ، دۇنيا تەۋەسىدە ئومۇمىي خەلقنىڭ ئاشكارا ئاۋازىغا قويۇپ، ئەڭ كۆپ ئاۋازغا ئېرىشكەن لايىھىنى ئىجرا قىلايلى، دەپ تەكلىپ بەردى.
شۇنىڭ بىلەن بىللە، نىجاد ئۆزىنىڭ ئاق كۆڭۈللىكىنى نامايان قىلىشنىمۇ ئۇنتۇپ قالمىدى. ئامېرىكىغا بېرىشتىن ئىلگىرى، ئىرانغا يادرو قورالى كېرەك ئەمەس، ئامېرىكا بىلەن ئۇرۇش قىلىشنىمۇ خالىمايدۇ، دېدى. نىجاد ئامېرىكىنىڭ ئۆزىنىڭ دۇنيا سودا مەركىزى خارابىسىنى ئېكسكۇرسىيە قىلىش ئارزۇسىنى رەت قىلغانلىقى توغرىسىدا توختىلىپ، نيۇ-يورك مەسئۇل دائىرلىرىنىڭ قارارىنى ھۆرمەت قىلىمەن دېدى، بۇ توغرىسىدا ئۆز گېپىدە تۇرىۋالمىدى. نىجادنىڭ سۆز-ھەرىكەتلىرى ئەمەلىيەتتە ئۇنىڭ ئۇرۇشقاق ئەمەسلىكىنى، ئۇنىڭ بۇ پۇرسەتتىن پايدىلىنىپ، خەلقئارا جامائەتچىلىكىنىڭ قوللىشىنى قولغا كەلتۈرمەكچى بولغانلىقىنى كۆرسىتىپ بەردى.

<< پايدىلىنش گېزىتى >> دىن ئېلىندى
2007-يىل 28- سېنتەبىر